| e-texts navigator |
| Wylie |
27b1 ལྡན་འདས་མའི་སྙིང་པོ་མཉམ་པར་འགྲོ་མ་བཟླས་པར་བྱའོ། །དེ་ནས་སློང་མོའི་ཟས་ཟ་ཞིང་ཤི་བའི་རས་བླངས་ནས་རྫས་འདི་རྣམས་ཀྱིས་བཀྲུ་བར་བྱ་སྟེ། ཙནྡན་དང་། རྒྱ་སྤོས་དང་། ཕུ་ཤེལ་ཙེ་དང་། བཱ་ལ་ཀ་དང་། རཱ་ཛ་ཧཱ་སྟེ་རྫས་འདི་རྣམས་གཅིག་ཏུ་བྱས་ནས
27b2 བཀྲུ་བར་བྱའོ། །མི་བློ་གྲོས་དང་ལྡན་པས་བཀྲུས་པ་དེ་ལ་ཉི་མ་བདུན་དུ་བདུག་སྤོས་དབུལ་བར་བྱའོ། །དེ་ནས་རིག་པ་འཛིན་པས་ལྔ་ལ་དུར་ཁྲོད་དུ་སོང་ནས་བ་ལང་གི་པགས་པ་ཙམ་གྱི་ཐང་ལ་ཉེ་བར་བྱུགས་ནས་དྲི་དང་མེ་ཏོག་ལ་སོགས་པས་མཆོད་དོ། །འབྱུང་པོ
27b3 ཐམས་ཅད་པའི་གཏོར་མ་བྱས་ནས་དེ་ནས་སྒྲུབ་པ་པོས་ཐོད་པ་ལ་ཉེ་བར་འདུག་སྟེ་རས་དེས་ཀུན་ནས་གཡོགས་པས་སྲུང་བ་བྱས་པས་ཇི་སྲིད་དྲོ་བའམ། དུ་བ་འཐུལ་བ་དང་། འབར་བར་གྱུར་གྱི་བར་དུ་རིག་པ་བཟླས་པར་བྱའོ། །དྲོ་བར་གྱུར་པས་ནི་དབང་དུ་བྱེད་དོ། །དུ་བ
27b4 འཐུལ་བས་ནི་མི་སྣང་བར་འགྱུར་རོ། །འབར་བས་ནི་སྐྲ་ལི་ཞིང་འཁྱིལ་པ་ལུས་དཀར་པོ་རིག་པ་འཛིན་པ་དྲུག་ཅུའི་མངའ་བདག་ཏུ་འགྱུར་རོ། །ཇི་ལྟར་ཡང་རས་དེ་ཀུན་ཏུ་གཡོགས་པ་ཙམ་གྱིས་ཀྱང་བདག་ཉིད་དུ་བྱེད་དོ། །དེའི་ཚེ་རིག་པ་འཛིན་པ་རྣམས་ལའང་ཆ
27b5 ཤས་སྦྱིན་པར་འགྱུར་རོ། །གང་གི་ཚེ་འཆི་བ་དེའི་ཚེ་བདེ་བ་ཅན་དུ་སྐྱེ་བར་འགྱུར་རོ། །དེ་ནས་བགྲང་ཕྲེང་སྒྲུབ་པར་འདོད་ན་སྔོན་བཞིན་དུ་རྒྱ་མཚོར་འབུམ་ཕྲག་ལྔ་བཟླས་པར་བྱའོ། །དེ་ནས་ཀུ་ཤ་ལས་བྱུང་བའི་བགྲང་ཕྲེང་བྱས་ལ་མདུད་པ་ཉི་ཤུ་རྩ་ལྔ་བྱའོ། །དེ་ནས
27b6 དུར་ཁྲོད་དུ་སོང་ནས་དཀྱིལ་འཁོར་གྲུ་བཞི་པ་ཉེ་བར་བྱུགས་ཏེ་དེ་ནས་རིག་པ་འཛིན་པས་རོ་དང་སྐྱི་བུང་བཞག་ནས་བར་དུ་གཞག་པར་བྱའོ། །དྲི་དང་མེ་ཏོག་ལ་སོགས་པས་མཆོད་པ་བྱས་ནས་གཏོར་མ་རྒྱ་ཆེན་པོ་དབུལ་ལོ། །དེ་ནས་སྒྲུབ་པ་པོས་རོའི་བྲང་ཁར་ཉེ་བར་འདུག་སྟེ
27b7 བཅོམ་ལྡན་འདས་མའི་སྙིང་པོ་མཉམ་པར་འགྲོ་མ་བཟླས་པར་བྱའོ། །རྣམ་པ་སྣ་ཚོགས་པའི་བགེགས་ཆར་ལྟ་བུ་ལ་འཇིགས་པར་མི་བྱའོ། །ཇི་སྲིད་ཙམ་གདུང་དུ་འགྱུར་ཏེ། ཡིད་ཀྱིས་མཆོད་ཡོན་ཕུལ་ནས་སླར་ཡང་ཇི་སྲིད་བགྲང་ཕྲེང་དུ་འགྱུར་གྱི་བར་དུ་བཟླས
iiif viewer powered by OpenSeadragon
