| e-texts navigator |
| Wylie |
27a1 པར་བརྒྱན་པའོ། །གཡོན་དུ་རྡོ་རྗེ་འཛིན་པ་སྔོ་བསངས་རྒྱན་ཐམས་ཅད་ཀྱིས་རྣམ་པར་བརྒྱན་པ་ཕྱག་ན་རྡོ་རྗེ་ཐོགས་པའོ། །འཕགས་པ་སྤྱན་རས་གཟིགས་ཀྱི་ཉེ་ལོགས་ན་བཅོམ་ལྡན་འདས་མ་ཁྲོ་གཉེར་ཅན་པྲི་ཡངྐུ་ལྟར་སྔོ་བསངས་འདྲིར་གཞུག་པར
27a2 བྱའོ། །བཅོམ་ལྡན་འདས་མའི་ཉེ་ལོགས་སུ་རིག་པའི་རྒྱལ་མོ་ཆེན་མོ་འདྲིར་གཞུག་པར་བྱའོ། །ཚངས་པ་ཡང་ལག་ན་རིལ་བ་སྤྱི་བླུགས་ཐོགས་པའོ། །འོག་ཏུ་ལོག་འདྲེན་སྣ་ཚོགས་པའི་གཟུགས་ཅན་འདྲིར་གཞུག་པར་བྱའོ། །ལྷ་ཐམས་ཅད་ཀྱང་པདྨའི
27a3 གདན་ལ་གནས་པར་བྱའོ། །སྒྲུབ་པ་པོ་ནི་སྔོན་བཞིན་ནོ། །དེ་ནས་སྒྲུབ་པ་པོས་ལྔ་ལ་གཞོན་ནུ་མས་བཀལ་བའི་སྲད་བུ་ལ་སྔར་བཞིན་རྒྱུ་སྐར་རྒྱལ་ལ་བསྒྲིལ་བའི་མཆོད་ཕྱིར་ཐོགས་བྱས་ལ་དེ་ནས་རས་རིས་ལ་མཆོད་པ་རྒྱ་ཆེན་པོ་བྱས་ནས་གཏོར་མ་རྣམ་པ་སྣ་ཚོགས
27a4 དབུལ་ལ་མར་གྱི་མར་མེ་ཡང་སྦར་བར་བྱའོ། །དེ་ནས་རིག་པ་འཛིན་པས་ཀུ་ཤའི་ཁྲེས་ལ་ཉེ་བར་འདུག་སྟེ་མཆོད་ཕྱིར་ཐོགས་ལན་བདུན་མངོན་པར་བསྔགས་པ་བྱས་ནས་འཕགས་པ་སྤྱན་རས་གཟིགས་དབང་ཕྱུག་གི་ཕྱག་གཡས་པར་དབུལ་བར་བྱའོ། །རིག་པ་འཛིན་པ་རྣམས
27a5 ཀྱང་གཡས་པའི་ཕྱག་བརྒྱད་ཀྱིས་རེག་གོ། །ཇི་སྲིད་དྲོ་བར་གྱུར་པའམ། དུ་བ་འཐུལ་བའམ། འབར་བར་གྱུར་པ་དེ་སྲིད་དུ་རིག་པ་བཟླས་པར་བྱའོ། །འབར་བ་ན་ཡིད་ཀྱིས་མཆོད་ཡོན་དབུལ་ལོ། །དེ་ནས་རིག་པ་འཛིན་པས་ཚངས་པ་ཡིད་ལ་བྱའོ། །དྲན་པ
27a6 ཙམ་གྱིས་དབྱུག་པའི་ཤིང་དུ་འགྱུར་རོ། །ཡུངས་ཀར་ལ་ལན་བརྒྱ་བཟླས་པ་བསྣུན་པར་བྱ་སྟེ་མཆོད་ཕྱིར་ཐོགས་སུ་འགྱུར་རོ། །བཅོམ་ལྡན་འདས་མ་དྲན་པ་ཉིད་ཀྱི་རྗེས་སུ་བླང་བར་བྱ་སྟེ། བླངས་པ་ཙམ་གྱིས་སྐྲ་ལི་ཞིང་འཁྱིལ་པ་ལོ་བརྒྱད་གཉིས་ལོན་པའི་རྣམ་པ
27a7 དཀར་ཞིང་དང་བའི་ལུས་རིག་པ་འཛིན་པ་ས་བཅུ་གཉིས་ཀྱི་མངའ་བདག་ཏུ་འགྱུར་རོ། །ཚངས་པའི་འཇིག་རྟེན་དུ་འགྲོའོ། །གང་གི་ཚེ་འཕོ་བ་དེའི་ཚེ་སླར་ཡང་རིག་པ་ཉམས་སུ་མྱོང་བར་འགྱུར་རོ། །སྒྲུབ་པ་གཞན་ཡང་སྔར་བཞིན་དུ་རིག་པ་འཛིན་པས་དུར་ཁྲོད་དུ་བཅོམ
iiif viewer powered by OpenSeadragon
