| e-texts navigator |
| Wylie |
26b1 མོའི་ཆོ་ག་གསུངས་ཤིག་། དེ་ནས་ཡང་ཚངས་པ་ཆེན་པོས་ཆོ་ག་གསུངས་པ། རིགས་ཀྱི་བུ་གང་ལ་ལ་རིག་པའི་རྒྱལ་མོ་སྨྲ་བར་གྱུར་པའམ་འཆང་བར་གྱུར་པ་དེ་ལ་བདག་རྟག་ཏུ་རྗེས་སུ་འབྲང་བར་བགྱིའོ། །གང་དང་གང་དུ་སྐྱེ་བ་དེ་དང་དེར། བདག་འདི་ལ་སངས་རྒྱས
26b2 རྗེས་སུ་དྲན་པ་རྗེས་སུ་སྦྱིན་པར་བགྱི་ཞིང་། རྟག་ཏུ་སྐྱེ་བ་དྲན་པར་འགྱུར་རོ། །རིགས་དམའ་བར་སྐྱེ་བར་མི་འགྱུར་རོ། །བཀླགས་པས་ལས་རྣམས་འགྲུབ་པར་འགྱུར་རོ། །ཆོམ་རྐུན་གྱི་དབུས་སུ་སོང་བས་ཡིད་ལ་བྱའོ། །སྦྲུལ་གྱི་འཇིགས་པ་དང་། གནམ
26b3 ལྕགས་ལྟུང་བ་ལ་ལན་ཅིག་བརྗོད་པར་བྱའོ། །ཁྲོས་པའི་མདུན་དུ་དྲན་པར་བྱས་ན་དཔལ་རབ་ཏུ་སྟེར་རོ། །གདོན་གསོ་བར་འདོད་ན་ལན་བདུན་མངོན་པར་བསྔགས་ལ་སྲང་གིས་བསྲེགས་པར་བྱས་ན་གྲོལ་ལོ། །ཕྱག་རྒྱ་དབྱེ་བར་འདོད་ན་གདོང་ལ་ལན་བདུན་མངོན་པར་བསྔགས
26b4 ནས་བལྟ་པར་བྱ་སྟེ་ཕྱག་རྒྱ་དབྱེ་བ་བྱས་པར་འགྱུར་རོ། །ཡུངས་ཀར་ལ་དཀྱིལ་འཁོར་བཅིངས་བའོ། །ཕུར་བུས་ཁང་སྦྱོང་བའོ། །ཕུར་བུ་ཉིད་ཀྱིས་མཚམས་བཅིངས་པའོ། །གང་དུ་རྡོ་རྗེ་གནས་པའི་གནས་དེར་བཅོམ་ལྡན་འདས་མའི་སྙིང་པོ་མཉམ
26b5 པར་འགྲོ་མ་ལན་བརྒྱད་བརྒྱར་བཟླས་པར་བྱའོ། །རྡོ་རྗེ་རྣམས་བཅིངས་བ་བྱས་པར་འགྱུར་རོ། །རྡོ་རྗེ་དབྱེ་བར་བྱ་བར་འདོད་ན། དུག་དང་། ལིང་ག་དང་། ཀ་ར་བཱི་རའི་མེ་ཏོག་དང་། ལུག་གི་རྭ་སྟེ་འདི་རྣམས་ཆ་མཉམ་པར་བྱས་ལ་རིག་པ་བརྒྱད་བརྒྱར་མངོན་པར
26b6 བསྔགས་པར་བྱས་ནས་རྡོ་རྗེའི་མེ་ལ་དེ་རབ་ཏུ་བྱུག་པར་བྱའོ། །རྡོ་རྗེ་རྣམ་པར་དབྱེ་བ་བྱས་པར་འགྱུར་རོ། །ནོར་སྒྲུབ་པར་འདོད་ན་སྔ་མ་བཞིན་དུ་སྔོན་སྤྱད་པ་བྱས་ལ་རི་མོ་མཁན་གསོ་སྦྱོང་ལ་གནས་པས་མ་ཉམས་པའི་རས་སྐྲ་དང་བྲལ་བ་ལ་སངས་རྒྱས་བཅོམ་ལྡན
26b7 འདས་ཀྱི་གཟུགས་བརྙན་ཆོས་སྟོན་པར་མཛད་བཞིན་པ་འདྲིར་གཞུག་པར་བྱའོ། །གཡས་སུ་འཕགས་པ་སྤྱན་རས་གཟིགས་དབང་ཕྱུག་སྟོན་ཀའི་སྤྲིན་ལྟར་དཀར་བ་རལ་པའི་ཅོད་པན་འཆང་བ། འོད་དཔག་མེད་དབུ་ལ་བཞུགས་པ། རྒྱན་ཐམས་ཅད་ཀྱིས་རྣམ
iiif viewer powered by OpenSeadragon
