| e-texts navigator |
| Wylie |
26a1 གཟིགས་དབང་ཕྱུག་གསེར་ལྟར་སེར་བ་སྤྱན་གསུམ་པའོ། །དེའི་ཉེ་ལོགས་སུ་བཅོམ་ལྡན་འདས་མ་ཁྲོ་གཉེར་ཅན་མ་འདྲིར་གཞུག་པར་བྱའོ། །རྡོ་རྗེ་འཛིན་པ་ཡང་དེ་བཞིན་གཤེགས་པའི་གཙུག་ཏོར་དུ་རབ་ཏུ་འཇུག་བཞིན་པ་འདྲིར་གཞུག་པར་བྱའོ། །
26a2 ཐམས་ཅད་ཀྱང་པདྨའི་གདན་ལ་རབ་ཏུ་གནས་པར་བྱའོ། །དེ་ནས་སྒྲུབ་པ་པོས་མཆོད་པ་རྒྱ་ཆེན་པོ་བྱས་ནས་བཅོམ་ལྡན་འདས་མས་ཀུ་ཤའི་ཁྲེས་ལ་མངོན་པར་བསྔགས་པ་ལ་ཉེ་བར་འདུག་པར་བྱའོ། །དེ་ནས་རིག་པ་འཛིན་པས་རྩེ་མོ་མ་བཅད་པའི་ཀུ་ཤས་ལྕགས་ཀྱུ་བྱས་ནས
26a3 ལག་པ་གཡས་པས་བླངས་ཏེ་ཇི་སྲིད་ལྕགས་ཀྱུ་ལས་འོད་ཟེར་བྱུང་བ་དེ་སྲིད་དུ་དཔག་ཏུ་མེད་པ་བཟླས་པར་བྱའོ། །འོད་ཟེར་དེ་སྒྲུབ་པ་པོ་ལ་བསྐོར་བ་བྱས་ཏེ་ནུབ་པར་འགྱུར་ཏེ། དེ་བཟུང་བས་རིག་པ་འཛིན་པར་འགྱུར་ཏེ་རིག་པ་འཛིན་པ་ཐམས་ཅད་ཀྱང་རྗེས་སུ་འབྲང་བར
26a4 འགྱུར་རོ། །ལྕགས་ཀྱུ་ལག་ན་ཐོགས་པས་རིག་པ་འཛིན་པ་སྟོང་ཕྲག་གི་མངའ་བདག་ཏུ་འགྱུར་རོ། །བསྐལ་པར་གནས་པ་དང་། རླུང་ལྟར་འགྲོ་བ་དང་། ལྷའི་ལུས་དང་། རང་འཆི་བ་ཤེས་པར་བྱེད་དོ། །གང་གི་ཚེ་འཆི་བ་དེའི་ཚེ་བདེ་བ་ཅན་དུ་སྐྱེ་བར་འགྱུར་རོ། །བྱང
26a5 ཆུབ་སེམས་དཔའ་ཆེན་པོ་འཕགས་པ་ཕྱག་ན་རྡོ་རྗེས་གསུངས་པ་བཅོམ་ལྡན་འདས་མ་རིག་པའི་རྒྱལ་མོ་ཆེན་མོ་ལེའུ་བཞི་པའོ། ། །།དེ་ནས་ཡང་མི་མཇེད་ཀྱི་བདག་པོ་ཚངས་པ་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན
26a6 རས་གཟིགས་དབང་ཕྱུག་གང་ན་བ་དེར་ཉེ་བར་ལྷགས་སོ། །ཉེ་བར་ལྷགས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལ་མགོ་བོས་ཕྱག་བྱས་ནས་བསྐོར་བ་བྱས་ནས་མཐའ་གཅིག་ཏུ་འདུག་གོ། །དེ་ནས་ཡང་ཚངས་པ་ཆེན་པོས་བྱང་ཆུབ་སེམས་དཔའ་སེམས་དཔའ
26a7 ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །བདག་གི་རིག་པའི་རྒྱལ་མོའི་ཆོ་ག་འཆད་དོ། །བྱང་ཆུབ་སེམས་དཔས་སྨྲས་པ། ཚངས་པ་ཆེན་པོ་ལེགས་སོ་ལེགས་སོ། །སེམས་ཅན་ཐམས་ཅད་ལ་ཕན་པ་དང་བདེ་བའི་ཆེད་དུ་རིག་པའི་རྒྱལ་མོ་ཆེན
iiif viewer powered by OpenSeadragon
