| e-texts navigator |
| Wylie |
266a1 ནག་པོའི་བཅུ་བཞི་ལ་ཕུར་བུའི་ཉི་མ་དང་སྐར་མ་རྒྱལ་འཛོམ་པ་ལ་འཁྲུལ་འཁོར་ཐམས་ཅད་གྲོལ་བར་འགྱུར་རོ། །དགུན་ཟླ་ཐ་ནག་པོའི་བཅུ་བཞི་ལ་ཕུར་བུ་དང་སྐར་མ་གྲོ་བཞིན་ལ་བུ་ག་ཐམས་ཅད་ཀྱི་འཁྲུལ་འཁོར་མེད་པར་འགྱུར་རོ། །དགུན་ཟླ་ཐ
266a2 དཀར་པོའི་བཅུ་བཞི་ལ་ཕུར་བུའི་ཉེ་མ་དང་སྐར་མ་རྒྱལ་འཛོམ་པ་ན་འཁྲུལ་འཁོར་མ་ལུས་པ་གྲོལ་བར་འགྱུར་རོ། །སྟོན་ཟླ་ར་བའི་ནག་པོའི་ཚེས་བརྒྱད་ལ་ཕུར་བུའི་ཉིན་པར་དང་སྐར་མ་ནམ་གྲུ་འཇོམ་པ་ན་བུ་གའི་སྒོ་ཐམས་ཅད་གྲོལ་བར་འགྱུར་རོ། །དབྱར་ཟླ་འབྲིང་པོའི་ནག་པོའི
266a3 བཅུ་བཞི་ལ་ཕུར་བུའི་ཉིན་པར་དང་སྐར་མ་རྒྱལ་ལམ་ནམ་གྲུ་འཛོམ་པ་ལ་བུ་ག་ཐམས་ཅད་ངེས་པར་གྲོལ་བར་འགྱུར་རོ། །གྲོང་གི་མི་འཁོར་དང་བཅས་པ་ཐམས་ཅད་འཇུག་པར་བྱའོ། །སྟོན་ཟླ་ར་བའི་ནག་པོའི་བཅུ་བཞི་ལ་ཕུར་བུའི་ཉིན་པར་དང་སྐར་མ་ཕལ་གུ་ནི་འཛོམ་པ་ན་ངེས་པར་བུ
266a4 གའི་སྒོ་གྲོལ་བར་འགྱུར་རོ། །ལྷ་མ་ཡིན་གྱི་དབང་པོ་གཞན་ལེན་གྱིས་རྗེ་བཙུན་འཕགས་པ་ཕྱག་ན་རྡོ་རྗེ་རབ་ཏུ་དགྱེས་པའི་དོན་དུས་འོག་གི་གསང་བ་ཆེན་པོ་སྨྲས་པའོ། །སྔགས་དང་སྦྱིན་སྲེག་རྣམ་པར་སྤང་ངོ་། །ས་འོག་གི་གསང་བ་ཆེན་པོ་ཡོངས་སུ་རྫོགས་སོ།། །།འཕགས
266a5 པ་ཕྱག་ན་རྡོ་རྗེའི་རྒྱུད་ཀྱི་རྒྱལ་པོ་ཆེན་པོ་རྡོ་རྗེ་ས་འོག་ཅེས་བྱ་བ་ཇི་སྙེད་པ་ཡོངས་སུ་རྫོགས་སོ། ། །།རྒྱ་གར་གྱི་པཎྜི་ཏ་བརྡ་སྤྲོད་པ་ཆེན་པོ་བདེ་བར་གཤེགས་པའི་དཔལ་ཞེས་བྱ་བ་དང་། སྒྲ་སྒྱུར་གྱི་མཁས་པ་སྒྲའི་གཙུག་ལག་ལམ་རྨོངས་པ་གསང་སྔགས་འཛིན་པ་ཀུན་དགའ་རྒྱལ
266a6 མཚན་དཔལ་བཟང་བོས་དཔལ་ས་སྐྱའི་དབེན་གནས་དམ་པར་བསྒྱུར། ། །།ལྷ་མིན་དབང་པོའི་སྒོ་གླེགས་འཇོམས་བྱེད་པ། །གསུང་རབ་དམ་པ་དཔལ་ལྡན་ཀུན་དགའ་ཡི། །རྒྱལ་མཚན་གྱིས་བསྒྱུར་འདི་ལ་སྒྲ་ཉམས་པ། །གང་ལགས་དེ་ལ་མཁས་རྣམས་བཟོད་པ་མཛོད། །
266a7 ས་འོག་འཁྲུལ་འཁོར་བདེ་ལེགས་རིན་ཆེན་གཏེར། །གསང་བདག་རྡོ་རྗེ་འཛིན་པ་དམ་པའི་བཀའ། །གངས་ཅན་འགྲོ་ལ་ཕན་པའི་བློ་གྲོས་ཀྱིས། །བསྒྱུར་བའི་བསོད་ནམས་འཛིན་བཅས་རྣམས་ལ་བྱིན།། །།
iiif viewer powered by OpenSeadragon
