| e-texts navigator |
| Wylie |
264a1 པདྨ་དང་། དུང་དང་། ལྕགས་ཀྱུ་དང་། སྤྱི་བླུགས་ལ་སོགས་པ་རྣམས་ལ་རྐང་པས་བརྫི་བར་མི་བྱའོ། །ས་ལ་བྲིས་པ་ལ་ཡང་དེ་བཞིན་དུ་བྱའོ། །འདི་ལྟར་རྡོ་རྗེ་འཆང་བའི་རྡོ་རྗེ་དང་། ཁྱབ་འཇུག་གི་འཁོར་ལོ་དང་། ལྷ་ཆེན་པོའི་རྩེ་གསུམ་དང་། གཤིན་རྗེའི
264a2 དབྱུག་གུ་དང་། ཆུ་ལྷའི་ཞགས་པ་དང་། གཞོན་ནུའི་མདུང་ཐུང་དང་། སྟོབས་ཤའི་དབྱུག་ཐོ་དང་། བྱང་ཆུབ་སེམས་དཔའ་རྣམས་ཀྱི་པདྨ་དང་། རྡོ་རྗེ་ལྕགས་ཀྱུའི་ལྕགས་ཀྱུ་དང་། ཚངས་པའི་སྤྱི་བླུགས་ཏེ། ཕྱག་རྒྱ་ཆེན་པོའི་དངོས་གྲུབ་གང་ཐོབ་པར་འདོད་པ་བདག་ཉིད
264a3 ཀྱིས་རྡོ་རྗེ་ལ་སོགས་པ་དེ་དང་དེ་དག་ཕྱག་རྒྱ་ཆེན་པོའི་རྐང་པས་བརྫི་བར་མི་བྱའོ། །གང་གི་ཚེ་རིག་པ་འཛིན་པའི་གསང་སྔགས་བསྒྲུབ་པ་ན་རིག་པའི་ལྷ་དངོས་གྲུབ་མི་སྟེར་ན་དེས་ལས་འདིས་རིག་པ་མཉེས་པར་བྱ་སྟེ། དྲི་ཐམས་ཅད་ཀྱིས་རིག་པའི་ལྷའི་གཟུགས་བརྙན་བྱས་ལ།
264a4 བཅོམ་ལྡན་འདས་ཕྱག་ན་རྡོ་རྗེའི་ཞབས་ཀྱི་དྲུང་དུ་བཞག་སྟེ་ཞག་གསུམ་དུ་སྨྱུང་བར་གནས་ལ་ནག་པོའི་བརྒྱད་པའམ། ནག་པོའི་བཅུ་བཞི་ལ་སྤྱན་དང་ལྷན་ཅིག་པའི་རིག་སྔགས་ཀྱིས་སྣ་མའི་མེ་ཏོག་སྟོང་ཕྲག་བརྒྱད་དེའི་གཟུགས་བརྙན་གྱི་སྙིང་གར་བརྡེག་པར་བྱ་ཞིང་། མར་ནག
264a5 དང་མར་བསྲེས་པས་སྟོང་ཕྲག་བརྒྱད་སྲེག་བླུགས་བྱས་ལ་དེ་ཉིད་དུ་འཁོད་དེ། ཇི་ལྟར་ནུས་པའི་མཆོད་པ་དང་གཏོར་མའི་ཆོ་ག་བྱའོ། །དེ་ནས་རིག་པ་འཛིན་པ་དེ་རངས་པས་གཉིད་ལོག་པ་དང་། སྟོན་པར་འགྱུར་བའམ་རྗེས་སུ་གདམས་པ་སྟོན་པར་འགྱུར་རོ། །གལ་ཏེ་མ་འོངས
264a6 ན་ཉི་མ་ཕྱི་མ་ལ་དེ་བཞིན་དུ་གཏོར་མའི་ཆོ་ག་བྱས་ཏེ་རྡོ་རྗེ་ཁྲོ་བོ་དང་ལྷན་ཅིག་ཏུ་སྟོང་ཕྲག་བརྒྱད་བཟླའོ། །དེ་ནས་རིག་པའི་ལྷ་དེ་ཉིད་ཁྲོ་བོ་དང་ལྷན་ཅིག་ཏུ་རྨི་ལམ་དུ་མཐོང་ནས་ཆད་པ་དང་། ལྷག་པ་དང་ཕྱི་མོ་དམན་པ་དང་། ཡི་གེ་གཞན་དུ་གྱུར་པ་ཡང་སྟོན་པར་འགྱུར་རོ། །གལ་ཏེ
264a7 ཡོངས་སུ་རྫོགས་པར་གྱུར་ན་དེ་ནས་དངོས་གྲུབ་སྟེར་བར་འགྱུར་རོ། །སྒྲུབ་པ་དང་པོ་ལ་ལས་འདི་མི་བྱ་ལ་ཇི་སྲིད་ལན་བདུན་བསྒྲུབས་ཀྱང་མ་གྲུབ་ན་དེ་ནས་ལས་འདི་བྱའོ། །དེ་ནས་རྫས་སྒྲུབ་པའི་དུས་སུ་གྱུར་ན་དེའི་མཐར་སྲོད་དམན་མ་གུང་དང་། ཉི་མ་ཤར་བ་ན་རིག་པ་འཛིན་པས
iiif viewer powered by OpenSeadragon
