| e-texts navigator |
| Wylie |
262a1 གས་བཅོམ་ལྡན་འདས་སྤྱན་དང་ལྷན་ཅིག་པ་མཆོད་དེ། སྣ་མའི་མེ་ཏོག་ལ་བརྒྱད་བརྒྱ་ཡོངས་སུ་བཟླས་ལ་ཕྱོགས་བཞིར་གཏོར་ཏེ། ཇི་སྲིད་གཉིད་མ་བྱུང་བ་དེ་སྲིད་ཀྱི་བར་དུ་བཟླ་བར་བྱའོ། །ངེས་པར་གསུང་བར་འགྱུར་རོ། །དེ་ནས་ཐེ་ཙོམ་མེད་པར་སླར་ཡང་སྔར
262a2 བཤད་པའི་ཆོ་ག་བཞིན་དུ་གསང་སྔགས་ཆེན་པོ་འབུམ་ཕྲག་གསུམ་དང་སྟོང་ཕྲག་བརྒྱད་བཟླ་བར་བྱའོ། །དེ་ནས་སྦྱིན་སྲེག་གི་ཆོ་ག་ནི་མངོན་སྤྱོད་ལ་སྟེགས་བུ་གྲུ་གསུམ་པ་བྱའོ། །རྒྱས་པ་ལ་གྲུ་བཞིའོ། །ཞི་བ་ལ་ཟླུམ་པོའོ། །སྒྲུབ་པ་ཆེན་པོ་ལ་པདྨའི་རྣམ་པའོ། །དབང
262a3 དུ་བྱ་བ་ལ་ལྕགས་ཀྱུའི་རྣམ་པའོ། །རིག་པ་དང་ལྷན་ཅིག་ཏུ་དྲི་ཞིམ་པོའི་མེ་ཏོག་དང་ཡམ་ཤིང་བསྲེག་པར་བྱའོ། །མངོན་སྤྱོད་ལ་དུར་ཁྲོད་ཀྱི་ཤིང་ལ་ཚ་བ་གསུམ་དང་། སྐྱེ་ཚེ་དང་། ཡུངས་ཀར་དང་། ལན་ཚྭ་དང་། ཐལ་བ་དང་། ཁྲག་ལ་སོགས་པས་ཁྲོ་བོ་ལ་སྲེག་བླུགས་བྱའོ། །
262a4 ཞི་བ་ལ་སྨན་གྱི་ལྗོན་པའི་ཡམ་ཤིང་གིས་སོ། །རྒྱས་པ་ལ་འོ་མ་ཅན་གྱི་ཡམ་ཤིང་གིས་སོ། །ཞི་བ་ལ་མེ་ཏོག་དང་དྲི་དཀར་པོས་སོ། །རྒྱས་པ་ལ་མེ་ཏོག་དང་དྲི་སེར་པོས་སོ། །མངོན་སྤྱོད་ལ་མེ་ཏོག་དང་དྲི་དམར་པོས་སོ། །དཀོན་མཆོག་གསུམ་ལ་ཕྱག་འཚལ་བ་དང་ལྡན་པའི
262a5 སྔགས་ཀྱིས་ཐུན་གསུམ་དུ་ལས་བྱའོ། །སྒྲུབ་པ་ཆེན་པོ་ལ་དཀོན་མཆོག་གསུམ་ལ་ཕྱག་འཚལ་བ་དང་ལྡན་པས་ལས་བྱའོ། །ཞི་བ་ལ་སྐྱིལ་ཀྲུང་གིས་སོ། །རྒྱས་པ་ལ་ཙོག་པུས་སོ། །མངོན་སྤྱོད་ལ་རྐང་པས་རྐང་པ་མནན་པས་སོ། །ཟས་མི་ཟ་བར་སྲེག་བླུགས་བྱའོ། །སྒྲུབ
262a6 པ་ཆེན་པོ་དང་ཞི་བ་ལ་ཧཱུ~ཾ་གི་ཡི་གེ་བཟླའོ། །མངོན་སྤྱོད་ལ་ཕཊ་ཀྱི་ཡི་གེའོ། །ཞི་བ་ལ་སྲོད་ཀྱི་ཐུན་ལའོ། །རྒྱས་པ་སྔ་དྲོའི་ཐུན་ལའོ། །མངོན་སྤྱོད་ཉི་མ་གུང་ངམ་ནམ་གུང་གི་དུས་སུ་ཁ་ལྟོར་བལྟས་ཏེ་ལས་བྱའོ། །སྒྲུབ་པ་ཆེན་པོ་དང་ཞི་བ་ལ་ཁ་ཤར་དུ་ཕྱོགས་པས་སོ། །རྒྱས་པ་ལ
262a7 བྱང་དུ་ཕྱོགས་པས་སོ། །དབང་དུ་བྱ་བ་ལ་བྱང་དུ་ཕྱོགས་པས་སོ། །སངས་རྒྱས་བཅོམ་ལྡན་འདས་ཀྱི་སྤྱན་སྔར་ལྷ་ལ་མཆོད་པ་བྱས་ཏེ་རྒྱས་པའི་ལས་བྱའོ། །དུར་ཁྲོད་དང་། རྟགས་གཅིག་པར་དབང་དུ་བྱ་བ་དང་མངོན་སྤྱོད་དོ། །ཞི་བ་ལ་སོགས་པ་ལ་མེ་སྦར་ཏེ་བྱའོ། །གང་གི་ཚེ
iiif viewer powered by OpenSeadragon
