| e-texts navigator |
| Wylie |
261a1 དང་། །པུ་ནར་ན་བ་ཁྱབ་འཇུག་གནོན། །དེ་དག་རྣམས་ལས་བདུག་པ་བྱ། །རླུང་གི་འཁྲུལ་འཁོར་བཟློག་པར་འགྱུར། །འདི་ནི་བཅོམ་ལྡན་འདས་རྡོ་རྗེ་འཛིན་པས་བཀའ་སྩལ་ཏོ། །འཕགས་པ་རྡོ་རྗེ་ས་འོག་གི་རྒྱུད་ལས་འཁྲུལ་འཁོར་འཇོམས་པ་རྒྱལ་བ་ཞེས་བྱ
261a2 བའི་ལེའུ་སྟེ་ཉི་ཤུ་གཉིས་པའོ། ། །།དེ་ནས་རྡོ་རྗེ་ཁྲོ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཉིད་ཀྱིས་རྣམ་པར་རྒྱལ་བ་རྡོ་རྗེའི་རྒྱུད་ཆེན་པོ་བཀའ་སྩལ་ལགས་ན། བདག་ཀྱང་རིག་པ་འཛིན་པ་རྣམས་ལ་སྨན་པའི་སླད་དུ་བཤད་པས་བཅོམ་ལྡན
261a3 འདས་ལ་ཞུའོ། །བཅོམ་ལྡན་འདས་རིག་པ་འཛིན་པ་ཇི་ལྟར་གནས་པར་བགྱི། ཇི་ལྟར་རིག་པ་བསྒྲུབ་པར་བགྱི། །དེ་སྐད་ཅེས་གསོལ་པ་དང་། བཅོམ་ལྡན་འདས་ཕྱག་ན་རྡོ་རྗེ་གསང་བ་པའི་བདག་པོས་རྡོ་རྗེ་ཁྲོ་བོ་ལ་འདི་སྐད་ཅེས་བཀའ་སྩལ་ཏོ། །རྡོ་རྗེ་ཁྲོ་བོ་ཁྱོད་ཀྱིས་སེམས་ཅན
261a4 ཐམས་ཅད་ལ་ཕན་པའི་ཕྱིར་རིག་པ་འཛིན་པ་འགྲུབ་པའི་རྒྱུ་དྲིས་པ་ལེགས་སོ་ལེགས་སོ། །རིག་པ་འཛིན་པས་ཇི་ལྟར་རིག་པ་བསྒྲུབ་པ་རྡོ་རྗེ་ཁྲོ་བོ་ཉོན་ཅིག་།དེ་ལ་རེ་ཞིག་དང་པོར་རིག་པ་འཛིན་པས་བསླབ་པའི་གནས་ལྔ་ཡོངས་སུ་བཟུང་ལ་བྱང་ཆུབ་ཀྱི་སེམས་བསྐྱེད་དེ། བྱམས་པ་ཆེན
261a5 པོ་དང་། སྙིང་རྗེ་ཆེན་པོ་དང་། དགའ་བ་ཆེན་པོ་དང་། བཏང་སྙོམས་ཆེན་པོ་ལ་གནས་པ་དེའི་རིག་པ་འཛིན་པའི་འདུལ་བ་ངས་བཤད་པར་བྱའོ། །དང་པོར་རེ་ཞིག་བཟླས་པའི་ཕྲེང་བ་ཡོངས་སུ་བཟུང་སྟེ། ནོར་བུ་དང་། བུ་ཡིས་འཚོ་བ་དང་། དྲག་པོའི་རིལ་བུ་དང་། ཙནྡན
261a6 དམར་པོ་དང་། རྡོ་རྗེའི་མིག་རྣམས་ལས་དྲག་པོའི་མིག་ཁྱད་པར་དུ་འཕགས་པས་དེ་བརྒྱུ་བའི་སྔགས་སུ་གྱུར་པ་ནི། ན་མོ་བཛྲ་པཱ་ཎ་ཡེ། ཨོ~ཾ་ཀི་རི་ཀི་རི་རཽཾ་དྲི་ཎི་སྭཱ་ཧཱ། སྔགས་འདིས་ཕྲེང་བ་བརྒྱུ་བར་བྱའོ། །དེ་ནས་སློབ་དཔོན་ལས་གནང་བ་ནོད་དེ། སློབ་དཔོན་ལ་ཕུལ་དུ་བྱུང་བའི་ཡོན
261a7 ཕུལ་ལ་སྔགས་བཟླ་བར་བྱའོ། །དེ་ལྟ་བུའི་བྱ་བ་དང་ལྡན་པས་སྔགས་བསྒྲུབས་པས་ངེས་པར་འགྲུབ་པར་འགྱུར་རོ། །བགེགས་རྣམས་ཀྱིས་བར་དུ་གཅོད་པར་མི་འགྱུར་རོ། །དཀྱིལ་འཁོར་དུ་མ་ཞུགས་ན་ཚིག་ཙམ་ཡང་སྦྱིན་པར་མི་བྱ་ན། སྔགས་འགྲུབ་པ་ལྟ་ཅི་སྨོས། དེ་ལྟ
iiif viewer powered by OpenSeadragon
