| e-texts navigator |
| Wylie |
260a1 ནད་ཆེན་པོ་ཞི་བར་བྱེད་དོ། །དུག་དང་ཁྲག་གི་སྦྱིན་སྲེག་གིས་ལོག་པར་འདྲེན་པ་རྣམས་གསོད་པར་བྱེད་དོ། །ནིམ་པའི་ལོ་མའི་སྦྱིན་སྲེག་གིས་སྐྲོད་པར་བྱེད་དོ། །བྱི་བའི་སྤུ་དང་རང་གི་ཁྲག་བསྲེས་པའི་སྦྱིན་སྲེག་གིས་ལྷ་མ་ཡིན་ཆེན་པོའི་བུ་མོ་འགུགས་པར་བྱེད་དོ། །
260a2 སྲེ་མོའི་སྤུའི་སྦྱིན་སྲེག་གིས་ཀླུ་རྣམས་འགུགས་པར་བྱེད་དོ། །འདིའི་ཆོ་གས་རྟོག་པ་གཞན་དུ་བཤད་པ་ཐམས་ཅད་ཀྱང་འགྲུབ་པར་འགྱུར་རོ། །འདི་ནི་བཅོམ་ལྡན་འདས་རྡོ་རྗེ་འཛིན་པས་བཀའ་སྩལ་ཏོ། །འཕགས་པ་རྡོ་རྗེ་ས་འོག་གི་རྒྱུད་ལས་ཐམས་ཅད་སྒྲུབ་པར་བྱེད་པའི་ལེའུ་སྟེ་ཉི་ཤུ
260a3 གཅིག་པའོ། ། །།དེ་ནས་འཁྲུལ་འཁོར་འཇོམས་པར་བྱེད་པ་རྒྱལ་བའི་རིམ་པར་ཕྱེ་བར་གྱུར་པ་ནི། སེང་གེ་དང་། སྟག་དང་། གླང་པོའི་དབང་པོ་དང་། རྟ་དང་། ཁྱུ་མཆོག་དང་། ལུག་དང་། བསེ་རུ་དང་། དོམ་དང་། སྤྲེའུ་དང་། ཕག་དང་། མ་ཧེ་དང་།
260a4 ཏེ་འཁྲུལ་འཁོར་བཅུ་གཅིག་སྤྲུལ་པ་ལེགས་པར་སྦྱངས་པ། ས་འོག་གི་སྒོ་གཏན་གྱི་འཁྲུལ་འཁོར་བསྡམས་པ་ལ་ཁུ་ཚུར་འཕྱར་བས་བསྣུན་པར་བྱའོ། །རྡོ་རྗེས་བསྣུན་པ་ལྟར་འཇིག་པར་འགྱུར་རོ། །འུག་པ་བྱ་རོག་བྱ་རྒོད་དང་། ཁྲ་དང་ལོ་མ་བརྒྱ་པ་དང་། །མཁའ་ལྡིང་བཞད་དང
260a5 གཙུག་ཕུད་ཅན། །འཁྲུལ་འཁོར་འདི་དག་རབ་གྲགས་པ། །ས་ཆེན་པོ་ལ་བསྡིགས་པ་ཡིས། །ཐེ་ཙོམ་མེད་པར་བསྣུན་པར་བྱ། །རལ་གྲི་མུ་སཎྜི་སྒོ་གླེགས། །འཁོར་ལོ་སྦྲུལ་དང་དབྱུག་གུ་དང་། །སྐྱེས་བུ་གཞུ་ཡི་ལག་པ་དང་། །སྤུ་གྲི་ཞགས་པ་འཛིན་པ་ལ། །མདའ
260a6 ཆེན་བློ་གྲོས་ལྡན་པས་བསྣུན། །རླུང་གི་འཁྲུལ་འཁོར་མེའི་འཁྲུལ་འཁོར། །བཀྲེས་དང་གཉིད་དང་འདར་བ་དང་། །མགོ་ནད་དང་ནི་མིག་ནད་ལ། །འཁོར་ལོའི་གུར་གྱིས་བསྣུན་པར་བྱ། །བཞི་པའི་འོད་ལི་ཆུ་བོའི་རྒྱུན། །དུག་གི་རླུང་དང་མུན་ནག་དང་། །ཆུ་སྲིན་རུས་སྦལ་བྱི
260a7 བ་དང་། །སྦལ་པ་སྡིག་པ་དེ་བཞིན་དུ། །ཀ་ཀ་རུ་ཡིས་གཅོད་པ་ལ། །རྫ་རྔ་བརྡུང་བའི་སྐྱེས་བུ་ཡིས། །རྡོ་རྗེ་བསྡིགས་པས་བསྣུན་པར་བྱ། །གར་གྱི་སྦྱོར་བའི་དེ་ཉིད་ཀྱིས། །གཞན་ཡང་འཁྲུལ་འཁོར་དུ་མ་ནི། །རླུང་དང་མེ་རུ་རབ་གྲགས་པ། །ས་དང་ཆུ་ཡི་ཟུག་རྔུ་དང་། །
iiif viewer powered by OpenSeadragon
