| e-texts navigator |
| Wylie |
25b1 བྱ་སྟེ། པྲི་ཡངྐུ་ལྟར་སྔོ་བསངས་རྒྱན་ཐམས་ཅད་ཀྱིས་རྣམ་པར་བརྒྱན་པ། སྙིང་པོའི་ཡང་གཡས་པའི་ཕྱག་གིས་རྡོ་རྗེའོ། །དེ་ནས་སྒྲུབ་པ་པོ་རིའི་རྩེ་མོར་མངོན་པར་འཛེགས་ཏེ་མི་སྨྲ་བས་གྲོགས་མེད་པར་ཡང་རུང་སྟེ་འབུམ་ཕྲག་བཅུ་དྲུག་བཟླས་པར་བྱའོ། །དེ་ནས
25b2 ལ་ང་ལ་གཙང་མས་གོས་གཙང་མ་བགོས་ཏེ་རས་རིས་ལ་མཆོད་པ་རྒྱ་ཆེན་པོ་བྱས་ནས་མར་གྱི་མར་མེ་སྦར་ཏེ་དེ་ནས་སྒྲུབ་པ་པོས་བསྲུང་བའི་ཆོ་ག་བྱས་པས་ཀུ་ཤའི་ཁྲེས་ལ་ཉེ་བར་འདུག་སྟེ་རྩེ་མོ་མ་བཅད་པའི་ཀུ་ཤས་སོར་བརྒྱད་པའི་ཚད་ཀྱི་རྩེ་གསུམ་པའི་རྡོ་རྗེ་བྱེད་དུ་གཞུག
25b3 གོ། །རྡོ་རྗེ་དེ་ལག་པ་གཡས་པས་མནན་ནས་ཇི་སྲིད་བཅོམ་ལྡན་འདས་མ་ལ་འོད་ཟེར་བྱུང་བ་དེ་སྲིད་དུ་བཟླས་པར་བྱའོ། །རྡོ་རྗེའི་ཙི་ཊི་ཙི་ཊིའི་སྒྲ་ཐོས་ཏེ་འཇིགས་པར་མི་བྱ་བར་སླར་ཡང་ཡུད་ཙམ་རིག་པ་བཟླས་པར་བྱའོ། །ཇི་སྲིད་རྔ་བོ་ཆེའི་སྒྲ་ཐོས་པ་ན་སླར་ཡང་ཡུད
25b4 ཙམ་དུ་རིག་པ་བཟླས་པར་བྱའོ། །རིག་པ་འཛིན་པ་ཐབས་སུ་མར་དང་སྦྲང་རྩིས་བཏགས་པའི་བྱང་ཆུབ་ཤིང་གི་ཡམ་ཤིང་གིས་སྦྱིན་སྲེག་བརྒྱད་བརྒྱ་བྱའོ། །སྦྱིན་སྲེག་ཡོངས་སུ་རྫོགས་ནས་ཀྱང་ཇི་སྲིད་རྡོ་རྗེ་ལ་འོད་ཟེར་འབྱུང་གི་བར་དེ་སྲིད་དུ་བཟླས་པར་བྱའོ། །དེས
25b5 དུས་གསུམ་དུ་ཁྲུས་བྱས་པས་སྐྲ་ལི་ཞིང་འཁྱིལ་བ། ལོ་བརྒྱད་གཉིས་ལོན་པའི་རྣམ་པ། ཕྱག་ན་རྡོ་རྗེ་གཉིས་པ་ལྟ་བུ། སྔོ་བསངས་དང་བའི་ལུས་སུ་གྱུར་ནས་བསྐལ་བར་གནས་སོ། །གང་གི་ཚེ་འཆི་བ་དེའི་ཚེ་རྡོ་རྗེའི་རིགས་སུ་སྐྱེ་བར་འགྱུར་རོ། །དེ་ནས་ལྕགས་ཀྱུ
25b6 སྒྲུབ་པར་འདོད་ན་སྔོན་བཞིན་དུ་སྒྲུབ་པ་པོས་སྔོན་སྤྱོད་པར་བྱའོ། །འོ་མ་དང་ཟན་ཟ་ཞིང་མི་སྨྲ་བས་བ་ལང་གི་གནས་སུ་ཀུ་ཤ་བཏིང་བའི་མལ་སྟན་ལ་གཙང་ཞིང་གོས་གཙང་མ་བགོས་ཏེ། དུས་གསུམ་དུ་ཁྲུས་བྱས་ལ་སྙིང་པོ་མཉམ་པར་འགྲོ་མ་བཟླས་པར་བྱའོ། །དེ་ནས་རྒྱ
25b7 མཚོར་འགྲོ་བའི་ཆུ་ཀླུང་དུ་སོང་ནས་སློང་མོ་ཟ་ཞིང་རྐེད་པ་ཙམ་གྱི་ཆུར་ཞུགས་ནས་འབུམ་བཟླས་པར་བྱའོ། །དགེ་འདུན་ལ་བཟའ་བ་དབུལ་བར་བྱའོ། །དེ་ནས་རི་མོ་མཁན་གསོ་སྦྱོང་ལ་གནས་པས་གཟུགས་བརྙན་འདྲིར་གཞུག་པར་བྱ་སྟེ། གཡས་སུ་འཕགས་པ་སྤྱན་རས
iiif viewer powered by OpenSeadragon
