| e-texts navigator |
| Wylie |
25a1 བ་འབུམ་ཕྲག་གསུམ་བཟླས་པར་བྱའོ། །དེ་ནས་མཚན་མོ་དུར་ཁྲོད་དུ་སོང་ནས་རས་རིས་ཞལ་ཤར་དུ་ཕྱོགས་པར་བཞག་ནས་དྲི་དང་། མེ་ཏོག་དང་། བདུག་པ་ཕུལ་ཏེ་འབྱུང་པོ་ཐམས་ཅད་ས་ལ་དེ་ནས་རིག་པ་འཛིན་པས་ཀུ་ཤའི་ཁྲེས་ལ་ཉེ་བར་འདུག་པ
25a2 གཅིག་པུ་ཐོད་པ་ལ་ཞག་ཆེན་པོའི་དུད་པ་བླངས་ནས་སྙིང་པོ་མཉམ་པར་འགྲོ་མའི་རིག་པ་བཟླས་པར་བྱའོ། །དེ་ནས་རིག་པ་འཛིན་པས་སླར་ཡང་ཇི་སྲིད་དུ་བ་འཐུལ་བ་དང་། འབར་བར་གྱུར་གྱི་བར་དུ་རིག་པ་བཟླས་པར་བྱའོ། །རྒྱལ་བའི་སྤྱན་གཉིས་པ་ལྟ་བུ་དང་།
25a3 དབང་ཕྱུག་ཆེན་པོའི་མདུང་གི་མཚོན་ཆ་ས་དབང་ཕྱུག་ཆེན་པོ་རྣམས་ཐམས་ཅད་རིག་པ་ལས་དབང་དུ་འགྱུར་རོ། །དེ་ནས་མིག་སྨན་སྒྲུབ་པར་འདོད་ན་རྒྱ་མཚོའི་འགྲམ་དུ་སོང་ནས་སྔོན་དུ་བསྙེན་པ་ནི་ཆུ་དང་འོ་མས་ཁྲུས་བྱས་ནས་མི་སྨྲ་བར་རིག་པ་སྟོང་ཕྲག་བརྒྱད་བཟླས
25a4 པར་བྱའོ། །དེ་ནས་རིག་པ་འཛིན་པ་གཙང་མས་གོས་གཙང་མ་བགོས་ཏེ་བ་ལང་གི་པགས་པ་ཙམ་གྱི་གཞི་ལ་ཉེ་བར་བྱུག་བྱས་ནས་དེར་འཕགས་པ་ཕྱག་ན་རྡོ་རྗེའི་གཟུགས་བརྙན་རབ་ཏུ་སོ་སོར་གནས་པ་བྱེད་དུ་གཞུག་གོ། །དེ་ནས་མགོ་བོའི་ཐོད་པ་ལྔ་བླངས་ནས་དྲི་བཟང
25a5 པོའི་ཏིལ་མར་གྱིས་རབ་ཏུ་སྦར་བར་བྱ་སྟེ་དུ་བ་མེད་པར་བྱའོ། །དེ་ནས་རྣམ་པ་སྣ་ཚོགས་གཏོར་མ་བྱས་ནས་མར་གྱི་མར་མེ་ཕུལ་ཏེ་དེ་ནས་མགོ་བོའི་ཐོད་པར་སོ་སོར་བཞག་ནས་ཕྱག་ན་རྡོ་རྗེའི་སྤྱན་སྔར་བསྲུང་བ་བྱས་པས་ཀུ་ཤའི་ཁྲེས་ལ་ཉེ་བར་འདུག་སྟེ་སྟོང་ཕྲག་བརྒྱད་བཟླས
25a6 པར་བྱའོ། །མིག་སྨན་དེ་དྲོ་བར་འགྱུར་རོ། །དེ་ནས་རིག་པ་འཛིན་པ་ཐབས་སུ་རིག་པ་ལན་བདུན་ཡོངས་སུ་བཟླས་བར་བྱའོ། །དུ་བ་འཐུལ་བ་དང་། འབར་བར་བྱེད་དོ། །འབར་བ་ན་ཐོད་པ་དེ་བླངས་ནས་ཕྱག་ན་རྡོ་རྗེའི་གནས་སུ་འགྲོའོ། །འདི་ཟར་མའི་མེ་ཏོག
25a7 མཚུངས་པ་སྔོན་མེད་པའི་བྱེ་བ་ཕྲག་དགུའི་དབང་ཕྱུག་ཏུ་འགྱུར་རོ། །དེ་ནས་རྡོ་རྗེ་སྒྲུབ་པར་འདོད་ན་རི་མོ་མཁན་གསོ་སྦྱོང་ལ་གནས་པས་མ་འདྲེས་པའི་ཚོན་གྱིས་བཅོམ་ལྡན་འདས་མ་ཁྲོ་གཉེར་ཅན་མ་དང་། བཅོམ་ལྡན་འདས་མའི་སྙིང་པོ་མཉམ་པར་འགྲོ་མ་འདྲིར་གཞུག་པར
iiif viewer powered by OpenSeadragon
