| e-texts navigator |
| Wylie |
250b1 སེམས་པའི་ལས་དང་། གང་ཇི་ལྟར་སེམས་པའི་ཆོ་ག་ཐམས་ཅད་བཀའ་བཞིན་དུ་བྱེད་པར་འགྱུར་རོ། །བསྒོ་བ་ཉན་པར་འགྱུར་རོ། །གང་ཞིག་ཀླུའི་རྒྱལ་པོ་བྲིས་ནས་དེའི་མདུན་དུ་བྲིས་སྐུ་བཀྲམ་སྟེ། རྐང་པ་གཡོན་པས་མནན་ལ། སྟོང་ཕྲག་བརྒྱ་བཟླས་པར་བྱའོ། །ཀླུའི
250b2 རྒྱལ་པོ་དེ་འོངས་ནས་ཅི་བགྱི་ཞེས་སྨྲ་བར་འགྱུར་རོ། །དེས་སྨྲས་པ། ངའི་བཀའ་བཞིན་དུ་གྱིས་ཤིག་ཅེས་བརྗོད་དོ། །དེས་ཅི་བསྒོ་བ་ཉན་པར་འགྱུར་རོ། །ཀླུ་ཐམས་ཅད་ཀྱི་ཁང་པ་རྣམས་སུ་འཇུག་པར་འགྱུར་རོ། །དེ་དག་ལ་འདི་དག་ཐམས་ཅད་གྱིས་ཤིག་ཅེས་བཀའ་བསྒོ་བ་ཉན་ནོ། །
250b3 དེ་བཞིན་དུ་ལུས་ངན་རྣམས་དང་། གནོད་སྦྱིན་རྣམས་དང་། འབྱུང་པོ་རྣམས་དང་། སྲིན་པོ་རྣམས་དང་། བྱར་འདབ་རྣམས་ཀྱི་གནོད་སྦྱིན་མོ་ལ་སོགས་པ་ཐམས་ཅད་བཀའ་བཞིན་བྱེད་པར་འགྱུར་རོ། །ཅི་བསྒོ་བ་ཉན་ནོ། །གྲོག་མཁར་བདུན་གྱི་རྩེ་མོའི་ས་བསྡུས་ཏེ། དེ་ལས
250b4 ནམ་མཁའ་ལྡིང་བྱས་ལ་རིང་བསྲེལ་གྱི་སྙིང་པོ་ཅན་གྱི་དྲུང་དུ་བྲིས་སྐུ་བཀྲམ་སྟེ། དགོན་པའམ་གཞན་གང་ཡང་རུང་བར་དེའི་སྟེང་དུ་བསྡད་ལ་སྟོང་ཕྲག་བརྒྱ་བཟླའོ། །དེའི་སྟེང་དུ་འགྲོའོ། །སྲེད་མེད་ཀྱི་བུ་ཆེན་པོའི་སྟོབས་སུ་འགྱུར་རོ། །སྤྲུལ་པ་ཆེན་པོ་བྱེད་དོ། །ཐམས་ཅད་གྲུབ
250b5 པའི་རིག་པ་འཛིན་པ་རྣམས་ཀྱི་འཁོར་ལོས་སྒྱུར་བར་འགྱུར་རོ། །ལས་ཐམས་ཅད་པ་ལྟ་བུར་ཚེ་དཔག་ཏུ་མེད་པ་དང་། འཆི་བ་ལ་དབང་ཐོབ་པ་དང་། འདོད་ན་སངས་རྒྱས་ཀྱི་ཞིང་རྣམས་སུ་སྐྱེ་བ་དང་དེ་ནས་ཡང་ཤི་འཕོས་ནས་ཏིང་ངེ་འཛིན་གྱི་སྟོབས་ཀྱིས་བྱང་ཆུབ་སེམས་དཔའི་དགེ་བའི
250b6 བཤེས་གཉེན་གྱིས་རྗེས་སུ་འཛིན་པར་འགྱུར་རོ། །འཕགས་པ་རྡོ་རྗེ་ས་འོག་གི་རྒྱུད་ཀྱི་སྤྲིན་ཆེན་པོ་འབེབས་པར་བྱེད་ཅིང་རྐང་འོག་ཐམས་ཅད་ཀྱི་ནང་དུ་རིག་པ་དང་སྤྱོད་པ་དང་། རིན་པོ་ཆེའི་འབྱུང་ཁུངས་ཐམས་ཅད་ཀྱི་གཙོ་བོ་དང་། མཆོག་སྟེར་བ་དང་། འཁོར་ལོ་འཛིན་པ་ལྟར
250b7 གཅིག་ཏུ་དཔའ་བའི་རྒྱལ་པོ་ཆེན་པོར་འགྱུར་རོ། །འདི་ནི་བཅོམ་ལྡན་འདས་རྡོ་རྗེ་འཛིན་པས་བཀའ་སྩལ་ཏོ། །འཕགས་པ་རྡོ་རྗེ་ས་འོག་གི་རྒྱུད་ལས་ཐམས་ཅད་སྒྲུབ་པར་བྱེད་པའི་ལེའུ་སྟེ་བརྒྱད་པའོ།། །།དེ་ནས་ལྷ་མ་ཡིན་ཐམས་ཅད་ཀྱིས་མཆོད་པ་མཆོག་ཏུ་གསང་བའི་བྲིས
iiif viewer powered by OpenSeadragon
