| e-texts navigator |
| Wylie |
250a1 སུ་གྱུར་པ་དང་སྔགས་པའི་ཁྲུ་དོ་པའི་སྲིད་ལ་ཞེང་དུ་ཁྲུ་གང་དང་སོར་བརྒྱད་པ་ལ་རི་མོ་མཁན་ཡན་ལག་བརྒྱད་པའི་གསོ་སྦྱོང་དང་ལྡན་པ་ལ་བསྲུང་བ་བྱས་ཏེ། མཆོད་ཡོན་ཕུལ་ལ་བཅོམ་ལྡན་འདས་ཨུཏྤ་ལ་སྔོན་པོའི་ཁ་དོག་ཅན་ཁྲོ་བོ་སྤྱན་དམར་པོ་ཡ་སོས་མ་མཆུ
250a2 མནན་པ། གནས་གསུམ་གཡོ་བ། ཁྲོ་གཉེར་བསྡུས་པ། གདུ་བུ་དང་། སྐ་རགས་དང་། རྐང་གདུབ་དང་། དཔུང་རྒྱན་དང་། རིན་པོ་ཆེའི་ཅོད་པན་གྱིས་སྤྲས་པའི་རལ་པའི་ཐོར་ཚུགས་ཅན་མི་མགོ་རློན་པའི་ཕྲེང་བས་བརྒྱན་པའི་མཆོད་ཕྱིར་ཐོགས་འཆང་བ་གདུ་བུ་དང་། འཁྱིལ
250a3 པས་རྣ་བ་བརྒྱན་པ་རལ་པའི་ཐོར་ཚུགས་ཀྱི་སྟེང་དུ་པདྨའི་སྐྱིལ་ཀླུང་གིས་བཞུགས་པ་ཆོས་འཆད་པའི་ཚུལ་ཅན་བཅོམ་ལྡན་འདས་མི་འཁྲུགས་པ་བྲི་བར་བྱའོ། །ལག་པ་གཡས་པར་རབ་ཏུ་འབར་བའི་རྡོ་རྗེའོ། །གཉིས་པར་ལྕགས་ཀྱུའོ། །གཡོན་པར་པདྨའི་མཛོད་ཀྱི་ནང་དུ་ཡིད་བཞིན
250a4 གྱི་ནོར་བུས་གང་བ་འཛིན་པའོ། །གཡོན་པའི་གཉིས་པ་ལྷ་མ་ཡིན་བསྡིགས་པའི་མཛུབ་མོའོ། །རྒྱ་མཚོ་ཆེན་པོའི་ནང་དུ་པདྨ་ཆེན་པོའི་སྟེང་ན་བཞུགས་པ་འགྲན་ཟླ་དང་བྲལ་བ་གཅིག་པུའོ། །གཡས་པའི་ལག་པའི་འོག་ཏུ་སྒྲུབ་བྱེད་པདྨའི་སྟེང་དུ་པུས་མོ་བཙུགས་པ་པདྨའི་སྡོང་བུས་བརྒྱན
250a5 པའི་ལག་པ་ཅན་བྲི་བར་བྱའོ། །དེ་ནས་སྔར་བཤད་པའི་གནས་རྣམས་སུ་རྗེས་སུ་མཐུན་པའི་རབ་ཏུ་གནས་པ་དང་མཆོད་པ་བྱས་ལ་རིང་བསྲེལ་ཅན་གྱི་མཆོད་རྟེན་གྱི་མདུན་དུ་འབུམ་ཕྲག་བཅུ་བཟླས་པར་བྱའོ། །དེ་ནས་ལས་ཐམས་ཅད་བྱེད་པར་འགྱུར་རོ། །དཔལ་གྱི་སྒོར་བྲིས་སྐུ་བཞག
250a6 པར་བྱའོ། །ཇི་ལྟར་འདོད་པར་རོ། །དཔལ་དང་ལྡན་པས་བ་ལང་གི་པགས་པའི་སྟན་ལ་གོས་དམར་པོ་གྱོན་ཏེ། དུག་དང་ཁྲག་བསྲེས་ལ་མིའི་རུས་པའི་ལག་པས་བཅུས་ཤིང་བརྒྱ་ཕྲག་བརྒྱད་སྲེག་བླུགས་བྱའོ། །བུ་གའི་འཁྲུལ་འཁོར་ཐམས་ཅད་འཇོམས་པར་འགྱུར་རོ། །
250a7 བཅོམ་པ་དང་། དངུལ་ཆུ་དང་། བཅུད་ལེན་དང་། བུད་མེད་ཀྱི་གྲོང་དུ་འཇུག་པར་འགྱུར་རོ། །འཁྲུལ་འཁོར་རྣམས་བཀའ་བཞིན་དུ་སྒྲུབ་པར་འགྱུར་རོ། །ཕྱག་རྒྱས་ལྷ་ཐམས་ཅད་འགུགས་པར་བྱེད་དོ། །འདི་ལྟ་བུས་གང་ཇི་ལྟར་སེམས་པའི་བསམ་པ་དང་། གང་ཇི་ལྟར
iiif viewer powered by OpenSeadragon
