| e-texts navigator |
| Wylie |
24b1 ཤིང་ལས་བྱུང་བའི་ཕྱག་ན་རྡོ་རྗེ་བྱས་ལ། སྨན་གྱིས་གཟུགས་ཀྱི་རྣམ་པའི་བཅོམ་ལྡན་འདས་མ་པྲི་ཡངྐུའི་ཤིང་ལས་བྱས་པ་སྙིང་པོ་མཉམ་པར་འགྲོ་མ་བྱེད་དུ་གཞུག་གོ། །སྤྱན་རས་གཟིགས་དབང་ཕྱུག་ནིམ་པའི་ཤིང་ལས་བྱུང་བ་བྱེད་དུ་གཞུག་གོ། །ཐམས་ཅད
24b2 ཀྱང་པན་ཀན་མཐར་བྱེད་ཀྱི་འབྲས་བུ་ལ་སོ་སོར་དགོད་པར་བྱའོ། །སྒྲུབ་པ་པོ་པུས་མོ་བཙུགས་པ་ལག་ན་སྤོག་པོར་ཐོགས་པ་བྱེད་དུ་གཞུག་གོ། །དེ་ནས་གོས་གཙང་མ་བགོས་ཏེ་མི་སྨྲ་བའི་བརྟུལ་ཞུགས་ཀྱིས་སྙིང་པོ་མཉམ་པར་འགྲོ་མ་འབུམ་ཕྲག་བཅུ་གཅིག་ཏུ་བཟླས་པར
24b3 བྱའོ། །དེ་ལྟ་བུས་སྔོན་སྤྱད་པ་བྱས་བར་འགྱུར་རོ། །དེ་ནས་ལྔ་པ་ལ་མཚན་མོ་གསུམ་སྨྱུང་བར་གནས་ཏེ་མཎྜལ་དང་བཅས་པ་བཟའ་ཞིང་དགེ་འདུན་ལ་སྟོན་མོ་དབུལ་བར་བྱའོ། །དེ་ནས་མཚན་མོ་སངས་རྒྱས་བཅོམ་ལྡན་འདས་ལ་མཆོད་པ་རྒྱ་ཆེན་པོ་བྱས་ནས་འབྲས
24b4 བུ་དང་བཅས་པའི་གཏོར་མ་རྣམ་པ་སྣ་ཚོགས་པ་རྗེས་སུ་དབུལ་ཞིང་མར་མེ་སྟོང་སྦར་བར་བྱའོ། །དེ་ནས་བསྲུང་བ་བྱས་ནས་ཀུ་ཤའི་ཁྲེས་ལ་ཉེ་བར་འདུག་སྟེ་ཨུཏྤ་ལའི་ཕྲེང་བ་ཉི་ཤུ་བྱས་ཏེ་འཕགས་པ་སྤྱན་རས་གཟིགས་དབང་ཕྱུག་གི་ཕྱག་གཡས་སུ་ཕུལ་ལ་ཇི་སྲིད
24b5 ཐམས་ཅད་མཐོང་བར་འགྱུར་བ་དེ་སྲིད་དུ་བཟླས་པར་བྱའོ། །འཇིགས་པར་མི་བྱ་བར་སླར་ཡང་རིག་པ་བཟླས་པར་བྱའོ། །གཡོ་བར་གྱུར་པ་དང་། དེ་དག་བླངས་པས་ཨུཏྤ་ལ་སྔོན་པོའི་འདབ་མ་ལྟར་སྔོ་བསངས་ཀྱིས་རྡོ་རྗེའི་ལུས་དང་། རིག་པ་འཛིན་པ་ཐམས
24b6 ཅད་ཀྱི་སྐལ་བ་བཟང་པོར་འགྱུར་ཞིང་། ལོ་སྟོང་ཕྲག་བརྒྱད་ཅུར་འཚོ་བར་འགྱུར་རོ། །དཔག་ཚད་སྟོང་ཕྲག་བརྒྱད་ཅུ་རྩ་བཞིར་ལྡིང་བར་འགྱུར་རོ། །གང་གི་ཚེ་འཆི་བ་དེའི་ཚེ་རྡོ་རྗེའི་རིགས་སུ་སྐྱེ་བར་འགྱུར་རོ། །མཉམས་པའི་རས་ལ་རི་མོ་མཁན་གསོ་སྦྱོང་ཅན་གྱིས
24b7 བཅོམ་ལྡན་འདས་མ་ཁྲོ་གཉེར་ཅན་མ་འདྲིར་གཞུག་པར་བྱ་སྟེ། སྔོ་བསངས་སྤྱན་གསུམ་པའི་ལྷ་མོ་ཆ་བྱད་དང་རྒྱན་མ་ཉམས་པ་འདྲིར་གཞུག་པར་བྱའོ། །འོག་ཏུ་རྗེས་སུ་སྒྲུབ་པ་པོ་ལག་ན་སྤོས་ཕོར་ཐོགས་པར་བྱའོ། །དེ་ནས་སྒྲུབ་པ་པོས་རས་རིས་ཀྱི་སྤྱན་སྔར་རིག
iiif viewer powered by OpenSeadragon
