| e-texts navigator |
| Wylie |
24a1 འདྲིར་གཞུག་པར་བྱའོ། །དཀར་གསུམ་ཟ་ཞིང་རས་རིས་ཀྱི་སྤྱན་སྔར་རིག་པ་འབུམ་ཕྲག་བདུན་བཟླས་པར་བྱའོ། །དེ་ལྟ་བུ་སྔོན་སྤྱད་པ་བྱས་པར་འགྱུར་རོ། །དེ་ནས་ལས་ཡང་དག་པར་བརྩམས་ཏེ་སྔོན་དུ་ལྡོང་རོས་བླངས་ཏེ་གོས་ཀྱི་ནང་དུ་འོ་མ་བཀྲུ་བར
24a2 བྱའོ། །དཀར་པོའི་ལྔ་ལ་རས་རིས་ལ་མཆོད་པ་རྒྱ་ཆེན་པོ་བྱས་ནས་སྒོ་བཞི་རྣམས་སུ་བུམ་པ་གང་བ་བཞི་གཞག་པར་བྱའོ། །ཐམས་ཅད་ཀྱང་མེ་ཏོག་གིས་བརྒྱན་པར་བྱ། བཅོམ་ལྡན་འདས་མ་འདི་ཉིད་ཀྱིས་ལས་ཐམས་ཅད་བྱའོ། །དེ་ནས་ཀུ་ཤའི་ཁྲེས་ལ་ཉེ་བར
24a3 འདུག་སྟེ་ཨ་ཤྭཏྠའི་འདབ་མ་བདུན་གྱིས་ལྡོང་རོས་བཏུམས་ཏེ་བཞག་ནས་ཇི་སྲིད་འཕགས་པ་ཕྱག་ན་རྡོ་རྗེ་གཡོ་བར་གྱུར་པ་དེ་སྲིད་དུ་བཟླས་པར་བྱའོ། །དེ་ནས་རིག་པ་འཛིན་པས་ཡིད་ཀྱིས་མཆོད་ཡོན་དབུལ་བར་བྱའོ། །སླར་ཡང་དུ་བ་འཐུལ་བ་དང་། འབར་བར་གྱུར་པ་དེ
24a4 སྲིད་དུ་བཟླས་པར་བྱའོ། །འབར་བ་དང་བླངས་ནས་སྐྲ་ལི་ཞིང་འཁྱིལ་བ། ལོ་བརྒྱད་གཉིས་ལོན་པའི་རྣམ་པ་ཅན། རིག་པ་འཛིན་པ་བཅུ་དྲུག་གིས་ཡོངས་སུ་བསྐོར་བར་འགྱུར་ཏེ། ལོ་སྟོང་ཕྲག་བརྒྱད་ཅུ་འཚོ་བར་འགྱུར་རོ། །གང་གི་ཚེ་འཆི་བ་དེའི་ཚེ་རྡོ་རྗེའི་རིགས་སུ་སྐྱེ
24a5 བར་འགྱུར་རོ། །ཚེས་གྲངས་མི་དགོས། རྒྱུ་སྐར་མི་དགོས། སྨྱུང་བར་གནས་པ་མི་དགོས་ཏེ་སྐྱེས་བུ་རྒྱ་མཚོའི་འགྲམ་དུ་མགོ་བོ་ཤར་དུ་བཞག་ནས་ཤི་བའི་རོ་བླངས་ནས་དྲི་དང་མེ་ཏོག་ལ་སོགས་པས་བརྒྱན་པར་བྱས་ནས་སྒྲུབ་པ་པོ་ཁ་ཤར་དུ་ཕྱོགས་པས་རེ་རེ་ལ་སོ་སོར
24a6 བསམ་པའི་ཡིད་ཀྱིས་རྒྱུད་མཚུངས་པའི་བའི་མར་གསར་ལ་རིག་པ་བཟླས་པས་རོའི་ཁ་རུ་བླུགས་ནས་ཇི་སྲིད་ཀུན་ཏུ་གཡོ་ཞིང་ལྡང་བ་དེ་སྲིད་དུ་རིག་པ་བཟླས་པར་བྱའོ། །དེ་ནས་རིག་པ་འཛིན་པས་རྒྱ་མཚོར་འཇུག་པར་བྱ་སྟེ་ཇི་སྲིད་ཉི་མ་འཆར་བར་འགྱུར་བ་དེ་སྲིད་དུ་ཆུར་གནས
24a7 པར་བྱའོ། །དེ་ཙམ་གྱིས་སྐྲ་ལི་ཞིང་འཁྱིལ་བ་ལོ་བརྒྱད་ལོན་པའི་རྣམ་པ་ཅན་སེམས་བསྐྱེད་པས་འདིའི་ཕྱག་ཅ་ཐམས་ཅད་འབྱུང་བར་འགྱུར་རོ། །ལོ་སྟོང་ཕྲག་དྲུག་ཅུར་འཚོ་བར་འགྱུར་རོ། །དཔག་ཚད་སྟོང་ཕྲག་བཅུ་གཅིག་ཏུ་འཕུར་བར་འགྱུར་རོ། །ཐོག་ཕོག་པའི
iiif viewer powered by OpenSeadragon
