| e-texts navigator |
| Wylie |
247a1 གིས་ཀྱང་བྱིན་གྱིས་བརླབ་པར་བགྱིའོ། །དབང་ལྡན་གྱི་ཕྱོགས་སུ་བསྡད་ལ་གནས་མཆོག་དེར་མགལ་དུ་མ་དང་། རྡོ་བ་དོར་ཏེ། འཁྲུལ་འཁོར་དང་ཤིང་སྡོང་སྤངས་ལ་གཞན་ཡང་བསང་གཏོར་དང་། ལྷའི་མཆོད་སྦྱིན་དང་། དཀྱིལ་འཁོར་དང་དབང་བསྐུར་བ་བྱས
247a2 པ་དང་། བགེགས་དང་། ལོག་འདྲེན་དང་། གནོད་སྦྱིན་མཆོད་པ་བྱས་པ་དང་། དགེ་འདུན་དབང་བསྐུར་བའི་གནས་རྣམས་དོར་ལ། དེར་ཡང་ཆུ་སྣུམ་པ་དང་། མཚོ་དང་། མཚེའུ་དང་། རི་བོ་དང་སྣུམ་པའི་ཕྱོགས་མཚོན་པར་བྱས་ལ་དེ་རྣམས་སུ་སྔོན་བཞིན་དུ་བྱི་དོར་དང་ཡོངས་སུ
247a3 སྦྱང་བ་བྱས་ཏེ། ཚོན་སྣ་ལྔས་གྲུ་བཞི་པ་སྒོ་བཞི་པའི་རི་མོ་བྲིས་ལ་དཀྱིལ་འཁོར་གྱི་དབུས་ཆ་བརྒྱད་པར་བྱས་ཏེ། ཡུངས་ཀར་དཀར་པོས་བྱིན་གྱིས་བརླབས་པའི་རྡོ་རྗེ་གྲཝ་བཞིར་གཞག་པར་བྱའོ། །དེའི་དབུས་སུ་སངས་རྒྱས་བཅོམ་ལྡན་འདས་བྲི་བར་བྱའོ། །བཅོམ་ལྡན་འདས་ཀྱི
247a4 གཡས་ཀྱི་དྲུང་དུ་འཕགས་པ་ཕྱག་ན་རྡོ་རྗེ་འབར་བའི་ཕྱག་ཅན་གཞག་པར་བྱའོ། །དེའི་དྲུང་དུ་ཁྲོ་བོའི་རྒྱལ་པོ་རྡོ་རྗེ་ས་འོག་རྡོ་རྗེ་ས་འོག་རྡོ་རྗེ་དགྲ་སྟའི་ཕྱག་ཅན་གཞག་པར་བྱའོ། །བཅོམ་ལྡན་འདས་ཀྱི་གཡོན་གྱི་དྲུང་དུ་བྱང་ཆུབ་སེམས་དཔའ་དྲི་མ་མེད་པའི་བློ་གྲོས་རྔ་ཡབ་ཀྱི་ཕྱག་ཅན་གཞག་པར་བྱའོ། །
247a5 བཅོམ་ལྡན་འདས་ཀྱི་མདུན་དུ་ལྷ་ཆེན་པོ་ཆུང་མ་དང་བཅས་པ་གཞག་པར་བྱའོ། །དེའི་མདུན་དུ་ཁྱུ་མཆོག་ཁ་འོག་ཏུ་ལྟ་བ་ནག་པོའི་གོས་ཅན་གཞག་གོ། །ཤར་གྱི་སྒོར་སྨན་ཐམས་ཅད་གཞག་པར་བྱ་སྟེ། ཨེ་ར་བ་ཏི་དང་། མེ་ཥ་བ་ཏི་དང་། ཛྱོ་ཏི་ར་ས་དང་། བེ་ག་བ་ཏི་དང་། སཱུརྱ་བ་ཏི་དང
247a6 ཨ་ཛ་གནྡྷ་དང་། ཡཀྵ་ཀ་ནྱ་སྟེ། སྨན་ཆེན་པོ་འདི་བརྒྱད་གཞག་པར་བྱའོ། །དེའི་གཟུགས་ནི་སེང་གེ་དང་། ཁྱུ་མཆོག་དང་། བྱ་རྒོད་དང་། རུས་སྦལ་དང་། སྦལ་པ་དང་། རྩངས་པ་དང་། མེ་འབར་བ་དང་། དངུལ་ཆུ་རྣམས་གནས་རྣམས་སུ་བཞིན་དུ་བྲི་བར་བྱའོ། །སྨན
247a7 རྣམས་དངུལ་ཆུ་དང་། བཅུད་ལེན་དང་། རིགས་ཀྱི་བུད་མེད་ཀྱི་དབྱིབས་སུ་གཞག་པར་བྱའོ། །རྒྱན་རྣམས་དང་། གྲུབ་པའི་རྫས་རྣམས་དང་། ལྡོང་རོས་དང་། མིག་སྨན་དང་། གི་ཝང་དང་བུམ་པ་བཟང་པོ་དང་། རྐང་བྱུག་དང་། མཆོད་ཕྱིར་ཐོགས་དང་། འཁོར་ལོ་དང་། རལ་གྲི
iiif viewer powered by OpenSeadragon
