| e-texts navigator |
| Wylie |
244a1 ནི་རྣམ་པ་དུ་མ་ཡོད། །བུ་གའི་ནང་ནི་གང་དག་ན། །སྒྲོན་མ་ཡི་ནི་དྲི་ཡོད་པ། །དེ་རུ་ཡང་ནི་འཇུག་པར་བྱ། །འདོད་པ་ཐམས་ཅད་ཐོབ་པར་འགྱུར། །བུ་ག་ཡི་ནི་འགྲམ་ལོགས་ན། །གང་ན་གདུག་པ་གནས་གྱུར་ན། །དེ་ནི་ཤ་ཟའི་གནས་ཡིན་ཞིང་། །འདབ
244a2 གནས་པར་གདོན་མི་ཟ། །གང་ན་ཧ་ཧའི་སྒྲ་སྒྲོགས་པ། །དབང་ལྡན་གྱི་ནི་ཕྱོགས་ལ་བརྟེན། །བུ་ག་དེ་ནི་འཇིགས་ཤེས་བྱ། །དེ་བས་མྱུར་བར་འབྲོས་པར་བྱ། །གང་ན་སྒྲ་དག་གིས་གང་བར། །ཤར་གྱི་ཕྱོགས་ལ་ཡང་དག་བརྟེན། །དེར་ནི་འབད་པར་བྱས་ན་ནི། །བུ་ག་དེ
244a3 ཡང་ལས་ཀུན་བྱེད། །བུ་ག་དེ་ཡི་ཐོན་འཁོར་དུ། །གང་ན་རྡོ་རྗེའི་ཆར་འབབ་ན། །དེར་ནི་དངུལ་ཆུར་ཤེས་བྱ་སྟེ། །སེམས་ཅན་ཐམས་ཅད་གྲུབ་པར་བྱེད། །བུ་ག་དེ་ཡི་ཐོན་འཁོར་དུ། །མེ་ཏོག་དྲི་ལྡན་བུ་ག་དེ། །འཁྲུལ་འཁོར་མེད་པར་ཤེས་པར་བྱ། །འདོད་པ་ཐམས་ཅད
244a4 སྒྲུབ་པར་བྱེད། །བུ་ག་དེ་ཡི་ནང་ན་ནི། །གང་ན་རྒྱལ་བའི་སྒྲ་ཡོད་པ། །བུ་ག་འཁྲུལ་འཁོར་མེད་ཤེས་བྱ། །དེར་ནི་མཁས་པས་འཇུག་པར་བྱ། །བུ་ག་ཡི་ནི་ཐོན་འཁོར་དུ། །གང་ན་ཁྱུ་མཆོག་མཐོང་བ་ན། །དེར་ཡང་དཔའ་བོས་འཇུག་པར་བྱ། །བུ་ག་དེ་ཡི་རིན་ཆེན་གང་། །གང
244a5 ན་སྐྱེས་བུ་གཅེར་བུ་ནི། །ནག་པོ་ཤ་ཁྱིམ་ཆེན་པོ་དག་།མཐོང་ནས་ཡང་ནི་མ་མཐོང་ན། །བུ་ག་དེ་ཡང་ལས་ཀུན་བྱེད། །གང་ན་དགེ་སྦྱོང་གཅེར་བུ་དང་། །སྤྱི་ཅེར་དང་ནི་སྣ་རིང་པོའམ། །གང་དག་ཏུ་ནི་ཁྱི་མཐོང་ན། །དེར་ནི་གྲུབ་པར་བསྟན་པའོ། །བུ་ག་གང་གི་ཐོན་འཁོར་དུ། །
244a6 རྔ་མོ་ཡི་ནི་དྲི་ཡོད་པ། །བུ་ག་དེ་ཡི་ལམ་གྱི་རྒྱུད། །དཔག་ཚད་བརྒྱ་རུ་ཤེས་པར་བྱ། །གང་ན་རྩེ་གསུམ་མཚན་ཉིད་ནི། །ཐམས་ཅད་དུ་ནི་མཐོང་བ་ན། །མི་རྣམས་ཀྱིས་ནི་ཁྱད་པར་དུ། །བུ་ག་དེར་འཇུག་ནུས་མ་ཡིན། །གང་དུ་མེ་ཏོག་དྲིས་བརྒྱན་པའི། །བྲམ་ཟེ་མཐོང་ན་བུ་ག་དེ། །
244a7 འཁྲུལ་འཁོར་མེད་པར་ཤེས་བྱ་སྟེ། །འདོད་པ་ཀུན་གྱི་འབྲས་བུ་འགྲུབ། །བུ་གའི་སྒོ་རུ་ཡང་དག་བརྟེན། །གང་ན་དཀར་པོའི་སྦྲུལ་ཡོད་ན། །དེར་ཡང་བརྩོན་པར་བྱས་ནས་སུ། །མཁས་པ་ཡིས་ནི་འཇུག་པར་བྱ། །བུ་གའི་སྒོ་ཡི་ཐོན་འཁོར་ནི། །གང་དུ་དོམ་ནི་མཐོང་བ་ན། །
iiif viewer powered by OpenSeadragon
