| e-texts navigator |
| Wylie |
243b1 མཉམ་དུ་སྤྱོད་ཅིང་ལྷན་ཅིག་ཏུ། །བུ་གའི་ནང་ན་གནས་ན་ནི། །བུ་ག་དེ་ཡི་འཁྲུལ་འཁོར་མེད། །དེ་ན་དངུལ་ཆུ་བཅུ་གཅིག་ཡོད། །དེ་ནི་བུ་གའི་དམ་པའོ། །བུ་ག་དག་ནི་བརྐོས་པ་ན། །གང་དུ་ལུགས་ཀོང་མཐོང་གྱུར་ན། །བུ་ག་དེ་ནི་རིན་ཆེན་གང་། །མཁས་པ་ཡིས་ནི་འཇུག་པར
243b2 བྱ། །ཞུགས་པ་ཙམ་ན་མཐོང་འགྱུར་བ། །དཀྱུས་སུ་དཔག་ཚད་ཕྱེད་པ་ཡི། །དེ་ན་ཐང་ནི་ལེགས་པར་ཡོད། །འཛམ་བུ་ཆུ་བོ་འདྲ་བའི་འོད། །དེར་ནི་མི་ཡིས་འབྲས་ཐོབ་སྟེ། །ལོ་ནི་ཁྲི་ཕྲག་བརྒྱར་འཚོའོ། །གང་ན་མི་མོ་སྒྲོན་མའི་ལག་།བུ་གའི་ནང་ན་གནས་པ་ན། །འདི་ནི་དེ
243b3 ཡི་བུ་གར་ཤེས། །གདོན་མི་ཟ་བར་དངུལ་ཆུས་གང་། །བུ་གའི་སྒོ་རུ་ཁྱད་པར་དུ། །གང་ན་ཤ་ཡི་དྲི་ཡོད་པ། །སྲིན་པོ་རྣམས་ཀྱི་བུ་གར་ཤེས། །བློ་དང་ལྡན་པས་དེར་མི་འཇུག་།བུ་གའི་དྲུང་ན་གར་བྱེད་པའི། །རྨ་བྱ་མཐོང་ན་བུ་ག་དེ། །འཁྲུལ་འཁོར་མེད་པར་ཤེས་པར་བྱ། །
243b4 འདོད་པ་ཀུན་གྱིས་རྣམ་པར་བརྒྱན། །བུ་གའི་སྒོ་རུ་ཁྱད་པར་དུ། །གང་ན་ཁྲག་ནི་མཐོང་བ་ན། །གཅིག་པུ་ཉིད་དུ་དེར་འཇུག་སྟེ། །རང་གི་ཁྱིམ་བཞིན་འཇིགས་པ་མེད། །གང་ན་ཉ་ཡི་དྲི་ཡོད་ཅིང་། །ཁྱད་པར་དུ་ཡང་ཞག་དྲི་ཡོད། །དེ་དང་དེར་ནི་བརྩོན་པ་ཡིས། །མཁས་པ་ཡིས་ནི
243b5 འཇུག་པར་བྱ། །ཞུགས་པས་ཆུ་རྒྱུན་མཐོང་གྱུར་ན། །འདོད་པ་ཀུན་གྱི་འབྲས་བུ་སྟེར། །དེ་ཡི་འགྲམ་དུ་བཟང་ལྡན་པའི། །ཁང་པ་རབ་ཏུ་སྦྱངས་གྱུར་པ། །ལྷ་ཁང་དང་ནི་ཤིང་ཁང་ལ། །བ་དན་རྣམས་ཀྱིས་མངོན་པར་སྤྲས། །དེ་ན་རིན་ཆེན་བཟང་པོ་དང་། །དགའ་མ་འདྲ་བའི་བུད
243b6 མེད་དང་། །དེ་ན་དངུལ་ཆུ་མང་ཡོད་པར། །ཐམས་ཅད་དུ་ནི་ཐེ་ཚོམ་མེད། །བུ་ག་གང་དག་བརྐོས་པ་ན། །ཁྲག་གི་ཆར་པ་བབ་གྱུར་ན། །དེར་ནི་འཇུག་པར་མི་བྱ་སྟེ། །དེ་མ་ཐག་ཏུ་སྲོག་འཕྲོག་བྱེད། །བུ་ག་བརྟགས་ཤིང་དཔྱད་པ་ན། །གང་ན་མུན་པ་ཡོད་གྱུར་ན། །དེར་ནི་འཇིགས
243b7 པ་མེད་པར་འཇུག་། བུ་ག་དེ་ནི་རང་ཁྱིམ་མཚུངས། །བུ་གའི་སྒོ་རུ་ཁྱད་པར་དུ། །གང་ན་རས་ཀྱི་དྲི་ཡོད་པ། །དེ་ན་རིན་ཆེན་དུ་མ་དང་། །དངུལ་ཆུ་ལྡོང་རོས་དེ་བཞིན་དུ། །མིག་སྨན་བཟང་པོ་རྣམས་དང་ནི། །རིན་ཆེན་རྣམས་ཀྱི་རྒྱན་དག་ནི། །དུ་མ་རྣམ་པ་སྣ་ཚོགས་དང་། །གསེར
iiif viewer powered by OpenSeadragon
