| e-texts navigator |
| Wylie |
242a1 ནི་ཕྱིན་པ་ན། །ཀུན་ནས་ས་གཞི་མཉམ་པ་ནི། །དཔལ་གྱི་སྒོར་ནི་རྣམ་པར་བསྟན། །གླ་རྩི་མཆོག་གི་དྲི་ལྡན་ཞིང་། །འཁྲིལ་ཤིང་ལྕུག་མས་ཁྱབ་པ་དང་། །དྲི་སྣུམ་ལྡན་པའི་ཁ་དོག་ཅན། །དཔལ་གྱི་སྒོར་ནི་དེ་བཤད་དོ། །དྲི་དང་ལྡན་ཞིང་ངོས་བརླན་པ། །དྲོ་བ་ཡིས
242a2 ནི་འཁྲུགས་འགྱུར་བ། །ཞུགས་པ་ཙམ་གྱིས་ཡང་དང་ཡང་། །འཁྲུག་པ་ཉིད་དུ་འགྱུར་བ་ནི། །དཔལ་གྱི་སྒོར་ནི་དེ་ཤེས་བྱ། །དེ་ན་དངུལ་ཆུ་ཡོད་པར་བསྟན། །བུ་ག་ཡི་ནི་སྒོར་ཞུགས་པས། །དེ་ཡི་སེམས་ནི་འདོད་ལྡན་འགྱུར། །ཁྲོ་བོའི་སེམས་སུ་གྱུར་པ་ན། །བུ་གར་མཛེས་མ་གནས
242a3 བ་ཡིན། །འཇིགས་པ་མེད་ཅིང་ང་རྒྱལ་དང་། །རློམ་པའི་སེམས་དང་ལྡན་པ་ཡིས། །དེར་ནི་ཞུགས་པས་ཚིམ་འགྱུར་ན། །བུ་གར་དཀར་རྫས་ལྡན་པས་ཁྱབ། །བུ་ག་དག་ནི་གང་དག་ཏུ། །ཚུལ་མེད་ང་རྒྱལ་ཅན་ཁྲོ་བ། །བརྩེ་མེད་སེར་སྣ་དང་ལྡན་ཞིང་། །ཕན་ཚུན་དུ་ནི་སྨོད་བྱེད་པ། །
242a4 ཡང་ན་བུ་གའི་སྒོ་ན་ནི། །སྲིན་བུ་རྣམས་ནི་རྟེན་གྱུར་པ། །དེར་ནི་ལྟོས་འཕྱེ་ཤེས་བྱ་སྟེ། །བུ་ག་དེར་ནི་རྙེད་དཀའོ། །གང་དག་དཀར་པོའི་བྱ་བ་ནི། །བུག་སྒོར་ཡང་དག་གནས་མཐོང་ན། །དེ་ན་བུད་མེད་སྟོང་ཕྲག་གནས། །གསེར་ནི་རྣམ་པ་དུ་མ་གནས། །ནོར་བུ་མུ་ཏིག་བྱི་རུ་དང་། །
242a5 རིན་ཆེན་རྣམ་པ་སྣ་ཚོགས་དང་། །བཅུད་ལེན་དུ་མའི་རྫས་རྣམས་ནི། །བུ་ག་མཆོག་དེར་གནས་པ་ཡིན། །བུ་ག་གང་གི་སྒོ་ལ་ནི། །རྐང་གདུབ་སྒྲ་ནི་གྲག་གྱུར་ན། །བུ་ག་དེ་ནི་རིན་ཆེན་གང་། །བུད་མེད་སྟོང་ཕྲག་དེ་ན་གནས། །བུ་ག་གང་གི་སྒོ་ན་ནི། །ཚད་བྱེའུ་གར་བྱེད་གནས་གྱུར
242a6 ན། །བུ་ག་དེ་ནི་འབྲས་མེད་ཤེས། །དེར་ནི་བློ་ལྡན་འཇུག་མི་བྱ། །གང་གི་ནང་ན་རྐང་གཉིས་ནི། །ཡང་དག་རྟེན་པར་མཐོང་གྱུར་ན། །དེར་ནི་རབ་ཏུ་སྤྲོ་བ་ཡིས། །མཁས་བ་ཡིས་ནི་འཇུག་པར་བྱ། །མི་གང་འཐུངས་པས་འཆི་མེད་པའི། །མཆོག་གི་བཅུད་ལེན་དེ་ན་གནས། །གང
242a7 དག་བུ་གའི་སྒོ་ལ་ནི། །གླང་པོ་ཡང་དག་རྟེན་མཐོང་ནས། །མཐོང་ནས་མ་མཐོང་གྱུར་ན་ནི། །བུ་ག་དེས་ནི་ལས་ཀུན་བྱེད། །གང་དག་བུ་ག་དེར་འཇུག་པའི། །ལྟོས་འཕྱེའི་དབང་ཕྱུག་རྣམ་མཐོང་ན། །དཔའ་བོས་དེར་ནི་འཇུག་མི་བྱ། །དེ་མ་ཐག་ཏུ་སྲོག་འཕྲོག་བྱེད། །བུ་གའི་དྲུང
iiif viewer powered by OpenSeadragon
