| e-texts navigator |
| Wylie |
241b1 གྱི་སྒོར་འཇུག་པར་འདོད་པར་གྱུར་ན། དེས་རྡོ་རྗེ་ཁྲོ་བོའི་བསྙེན་པ་སྔོན་དུ་བྱས་ལ་ཕྱིས་འཇུག་པར་བྱའོ། །དེ་ལ་སྔོན་དུ་བསྙེན་པ་ནི་འབུམ་ཕྲག་བརྒྱད་སློང་མོ་ཟ་ཞིང་སྨྲ་བ་བཅད་ལ། སེམས་ཅན་ཐམས་ཅད་ལ་བྱམས་པའི་སེམས་དང་དེ་བཞིན་གཤེགས་པ་མཆོད་པ་ལ་དགའ་བས་རྟེན་ཅིང་འབྲེལ
241b2 པར་འབྱུང་བའི་སྙིང་པོའི་མཆོད་རྟེན་བྱས་ལ། དེའི་མདུན་དུ་རི་བོའམ་ཆུ་བོ་འདུས་པའམ། ཤིང་གཅིག་པའམ། བ་ལང་གི་ལྷས་སམ། བས་མཐའ་འམ། མཆོད་རྟེན་གང་ཡང་རུང་བའི་གནས་སུ་བྱང་ཆུབ་ཀྱི་སེམས་རྗེས་སུ་དྲན་པས་དེ་བཞིན་གཤེགས་པ་ཐམས་ཅད་ལ་གསོལ་བ་བཏབ
241b3 ནས་སྡིག་པ་བཤགས་ཏེ། བླ་ན་མེད་པར་བསྔོས་ལ་དམ་པའི་ཆོས་བཏོན་ཏེ་རྗེས་སུ་དྲན་པར་བྱས་ལ། མཆོད་རྟེན་གྱི་ལས་ལ་རྗེས་སུ་གནས་ནས་ལུས་དང་སྲོག་ལ་དགའ་བ་དོར་ཏེ། དུས་གསུམ་དུ་ཕྱག་རྒྱ་དང་། དབང་བསྐུར་ཞིང་དུས་གསུམ་དུ་ཁྲུས་བྱས་ལ། དེ་ལྟ་བུའི་ཚུལ་གྱིས
241b4 བསྙེན་པ་བྱའོ། །གང་དག་རྨི་ལམ་མམ། མངོན་སུམ་མཚན་མ་མཐོང་ན་རེ་ཤིག་མི་འཇུག་སྟེ། དེ་ཡང་རྨི་ལམ་ནི་གླང་པོ་ཆེ་ཆེན་པོས་ཟིལ་གྱིས་མནན་པའམ། གཟིར་བའམ། བྲོས་པ་འམ། འགྱེལ་བའམ། གང་དག་ཤི་བ་དེ་ལྟ་བུ་མཐོང་ན་དེ་ནས་འཇུག་པར་བྱའོ། །ཡང་ན་མངོན
241b5 སུམ་སྟེ་སྒོ་འཕར་གྱི་མཚམས་བཅོམ་པའམ། རྡོ་ཆེན་པོ་ལྟུང་བའམ། ཁྲོས་ནས་གཟའ་ཆེན་པོ་འགུགས་པའམ། གདུག་པ་རྣམས་དང་། གཏུམ་པོ་དང་། འཇིགས་བྱེད་དང་། ཀླུ་དང་། གླང་པོ་ཆེ་ཆེན་པོ་དང་། སེང་གེ་དང་། སྟག་དང་། མ་ཧེ་དང་། དགྲའི་དབུས་སུ་ཕྱིན་ཡང
241b6 བལྟ་དཀའ་བར་འགྱུར་བ་དང་། དེ་དག་ཐམས་ཅད་བྱམས་པའི་སེམས་སུ་གྱུར་ན་དེ་ནས་འཇུག་པར་བྱའོ། །ལྷ་ཐམས་ཅད་མངག་གཞུག་ཏུ་འགྱུར་རོ། །འདི་ནི་ཁྲོ་བོའི་རྒྱལ་པོ་རྡོ་རྗེ་ས་འོག་གི་སྔོན་དུ་བསྙེན་པའི་ཆོ་གའི་ལེའུ་སྟེ་གསུམ་པའོ།། །།བུ་གའི་མཚན་ཉིད་ཤེས་བྱ་བ། །
241b7 ཆུ་འབབ་གང་དག་རྩེ་མོ་མེད། །ས་ཡི་སྒྲ་ནི་སྒྲོགས་པ་དང་། །ལྟོས་འཕྱེའི་གནས་ཁང་ཇི་ལྟ་བར། །རྡོ་རྗེ་ས་འོག་མཚན་ཉིད་ནི། །མཁས་པ་ཡིས་ནི་མཚོན་པར་བྱ། །རྣམ་པ་གང་གི་ཚུལ་གྱིས་ནི། །བུ་ག་རྣམས་སུ་བརྗོད་པ་ཡི། །འཇུག་པ་ན་ནི་དོག་གྱུར་ལ། །བུ་ག་དེར
iiif viewer powered by OpenSeadragon
