| e-texts navigator |
| Wylie |
23a1 པདྨའི་ཟེ་འབྲུ་ལ་ལག་པ་གཡས་པས་མནན་ནས་སྟོང་ཕྲག་བརྒྱད་སྦྱིན་སྲེག་བྱའོ། །རས་རིས་རབ་ཏུ་འགུལ་བར་འགྱུར་རོ། །ཀླུ་རྣམས་ཀྱང་སྒྲ་སྒྲོགས་ཏེ་འཇིགས་པར་མི་བྱའོ། །སླར་ཡང་བརྒྱད་བརྒྱར་བཟླས་སོ། །ཕྱོགས་དང་ཕྱོགས་བྲལ་རྣམས་སུ་རྔ
23a2 བོ་ཆེའི་སྒྲ་སྒྲོགས་སོ། །ལོག་འདྲེན་རྣམས་ཀྱང་རྣམ་པར་འབྲོས་ཏེ་ལྷན་ཅིག་འཇིག་རྟེན་གྱི་ཁམས་གང་དུ་འགྲོ་བར་བྱེད་པ་རིག་པ་འཛིན་པ་དེ་རྣམས་འོང་བར་བྱེད་དོ། །ལྷ་མ་ཡིན་གྱི་བུ་མོ་རྣམས་འདུས་པར་འགྱུར་རོ། །སྤྲིན་རྣམས་ཀྱང་འུར་འུར་པོའི་སྒྲ་སྒྲོགས་པར་བྱེད་དོ། །ལྷ
23a3 རྣམས་ཀྱང་འོང་བར་འགྱུར་རོ། །གནོད་སྦྱིན་ཐམས་ཅད་དང་། རིག་པ་འཛིན་པའི་རྒྱལ་པོ་ཐམས་ཅད་ཀྱང་འདུས་པར་འགྱུར་རོ། །ས་རྣམ་པར་འགྱུར་བ་དྲུག་ཏུ་གཡོ་ཞིང་རིག་པའི་ཚོགས་ཐམས་ཅད་ཀྱང་སྙིང་པོ་མེད་པར་འགྱུར་རོ། །དེ་ནས་རིག་པ་འཛིན་པས་ཐབས
23a4 སུ་བྱང་ཆུབ་ཤིང་གི་ཡམ་ཤིང་གིས་སྦྱིན་སྲེག་བརྒྱད་བྱའོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་ལྷ་རྣམས་དང་ལྷན་ཅིག་འབྱོན་པར་འགྱུར་རོ། །ལྷ་རྣམས་དང་ལྷན་ཅིག་བྱོན་པ་ལ་མཆོད་ཡོན་དབུལ་ལོ། །བྱོན་པ་ཙམ་གྱིས་ལྷ་ཐམས་ཅད་དང་། རིག
23a5 པའི་རྒྱལ་པོ་ཐམས་ཅད་ཀྱང་མེ་ཏོག་གི་ཆར་རབ་ཏུ་འབེབས་སོ། །དེ་ནས་རིག་པ་འཛིན་པས་པདྨ་མནན་ནས་རིག་པ་ལན་བདུན་བཟླས་པར་བྱའོ། །པདྨ་རེ་རེ་ལ་པདྨ་བྱེ་བ་ཕྲག་བཞི་བཞི་འབྱུང་བར་འགྱུར་རོ། །རིག་པ་འཛིན་པ་སྟོང་ཕྲག་བཅུ་དྲུག་པོ་ཐམས་ཅད་ཀྱང་པདྨའི
23a6 གདན་ལ་གནས་པ་ཤ་སྟག་འབྱུང་ངོ་། །དེ་ནས་རིག་པ་འཛིན་པས་ལན་ཅིག་བརྗོད་པར་བྱའོ། །དེ་ནས་བཅོམ་ལྡན་འདས་མའི་སྐུ་ལས་འོད་ཟེར་སྣ་ཚོགས་པ་འབྱུང་སྟེ། སྒྲུབ་པ་པོ་ལ་བྱུགས་ནས་པདྨའི་ཟེ་འབྲུར་ནུབ་པར་འགྱུར་རོ། །དེ་ནས་ཡང་པདྨ་ལ་ཉེ་བར་འདུག
23a7 པ་རིག་པ་འཛིན་པ་བྱེ་བ་ཕྲག་བརྒྱད་ཅུ་རྩ་བཞི་འབྱུང་བར་འགྱུར་རོ། །དེ་ཡང་པདྨའི་བཀོད་པ་རིན་པོ་ཆེ་སྣ་བདུན་གྱིས་བརྒྱན་པ་འབྱུང་སྟེ། དཔག་ཚད་སྟོང་ཕྲག་བརྒྱད་ཅུ་རྩ་བཞིར་ཀུན་ནས་ཁྱབ་པའོ། །དེར་དེ་ལ་དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས
iiif viewer powered by OpenSeadragon
