| e-texts navigator |
| Wylie |
239b1 གཞན་དུ་ན་དཀྱིལ་འཁོར་མ་མཐོང་ན་ཉམས་པར་འགྱུར་རོ། །རྡོ་རྗེ་ཁྲོ་བོའི་རྒྱལ་པོ་ཆེན་པོ་འདིའི་རང་ཉིད་ཀྱི་རྟོག་པ་དང་། རྒྱུད་གཞན་དུ་གསུངས་པའི་སྒྲུབ་པའི་ཐབས་རྣམ་པ་སྣ་ཚོགས་ཀྱི་བྱ་བ་མི་བྱ་ལ། རྟོག་པ་གཞན་གྱི་ཆོ་ག་འདོད་པས་བསྒྲུབ་པར་མི་བྱའོ། །དེ་སྐད་ཅེས་བཀའ
239b2 སྩལ་པ་དང་། ལྷ་མ་ཡིན་དང་། ལྷ་མ་ཡིན་གྱི་དབང་པོ་དགའ་ཞིང་རངས་ཏེ་རབ་ཏུ་ཚིམ་པ་དང་མགུ་བ་སྐྱེས་ནས་རང་ཉིད་ཀྱིས་ཕྱག་ན་རྡོ་རྗེའི་དཀྱིལ་འཁོར་མཐོང་ནས་ངེས་པར་འབྱུང་བར་བྱས་ཏེ། བཅོམ་ལྡན་འདས་ཐམས་ཅད་ཀྱི་བྲན་དུ་གྱུར་ཏོ། །དེ་ནས་བཅོམ་ལྡན་འདས་བྱང་ཆུབ་སེམས
239b3 དཔའ་སེམས་དཔའ་ཆེན་པོ་ཕྱག་ན་རྡོ་རྗེས་ལྷའི་མིག་གིས་འཁོར་གྱི་དཀྱིལ་འཁོར་ལ་རྣམ་པར་བལྟས་ནས་དམ་ཚིག་གི་དཀྱིལ་འཁོར་བཀའ་སྩལ་པ། གྲོང་ངམ་གྲོང་ཁྱེར་གྱི་སའི་ཕྱོགས་ལེགས་པར་བརྟགས་ནས་དབང་ལྡན་གྱི་ཕྱོགས་ནས་བརྩམས་ཏེ། རྡོ་དང་། གསེག་མ་དང་། རུས
239b4 པ་དོར་ནས་རྒྱུ་སྐར་དགེ་བ་ལ་རྗེས་སུ་མཐུན་པའི་ཚོན་རྩི་ལྔའི་ཕྱེ་མས་དཀྱིལ་འཁོར་གྲུ་བཞི་པ། ཁྲུ་བཞི་པ། སྒོ་བཞི་པ། འདོད་པ་དྲུག་པ་ཅན་ཡང་དག་པར་བྲི་བར་བྱའོ། །སྒོ་དང་སྒོའི་མཚམས་རྣམས་སུ་རྡོ་རྗེ་དང་ཡུངས་ཀར་གཞག་པར་བྱའོ། །ཤར་ཕྱོགས་ཀྱི་ཆར་སངས་རྒྱས་བཅོམ
239b5 ལྡན་འདས་བྲི་བར་བྱའོ། །བྱང་དུ་འཇིག་རྟེན་དབང་ཕྱུག་།ལྷོར་རྡོ་རྗེ་འཆང་། ནུབ་དུ་ཆུང་མ་དང་བཅས་པའི་ཁྱུ་མཆོག་གི་རྒྱལ་མཚན་ཅན་ནོ། །དབང་ལྡན་དུ་དྲི་མ་མེད་པའི་བློ་གྲོས་ལག་པར་རྔ་ཡབ་འཛིན་པའོ། །མེར་སྙིང་པོའོ། །ལུས་ངན་དུ་རྗེས་སུ་སྤྱོད་པའོ། །རླུང་དུ་ལས
239b6 ཐམས་ཅད་པའོ། །དབུས་སུ་རྡོ་རྗེས་འོག་ལག་པར་རྡོ་རྗེ་དང་དགྲ་སྟ་འཛིན་པ་བྲི་བར་བྱའོ། །སྙིང་པོ་དང་རྗེས་སུ་སྤྱོད་པ་ལ་དབྱུག་གུ་དང་ཐོབ་བྲི་བར་བྱའོ། །ལས་ཐམས་ཅད་པ་ལ་རྡོ་རྗེའོ། །ཤར་གྱི་སྒོར་སྨན་ཐམས་ཅད་དང་། རྒྱན་ཐམས་ཅད་དང་། དངུལ་ཆུ་དང་། བཅུད་ལེན་དང་།
239b7 ལྷ་མ་ཡིན་གྱི་བུ་མོ་དང་། གྲུབ་པའི་རྫས་ལ་སོགས་པ་དང་། མིག་སྨན་དང་། ལྡོང་རོས་དང་། རལ་གྲི་དང་། རིན་པོ་ཆེ་སྔོན་དུ་འགྲོ་བ་གཞག་པར་བྱའོ། །ལྷོའི་སྒོར་ལྷ་མ་ཡིན་བརྒྱད་ནི་སྟོབས་ཅན་དང་། སྟོབས་ཅན་གྱི་བུ་དང་། བདེ་མཆོག་དང་། ཐགས་ཟངས་རིས་དང་། བདེ
iiif viewer powered by OpenSeadragon
