| e-texts navigator |
| Wylie |
237a1 @##། །རྒྱ་གར་སྐད་དུ། ཨཱརྱ་བཛྲ་པཱ་ཏཱ་ལ་ནཱ་མ་ཏནྟྲ་རཱ་ཛཱ། བོད་སྐད་དུ། འཕགས་པ་རྡོ་རྗེ་ས་འོག་གི་རྒྱུད་ཀྱི་རྒྱལ་པོ་ཞེས་བྱ་བ། བླ་མ་དང་འཇམ་པའི་དབྱངས་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ཀྱི
237a2 གཙུག་ལག་ཁང་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དགེ་སློང་གི་དགེ་འདུན་ཆེན་པོ་བརྒྱ་ཕྲག་ཕྱེད་དང་བཅུ་གསུམ་དང་། ལྷའི་ཚོགས་དང་། བྱང་ཆུབ་སེམས་དཔའི་དགེ་འདུན་དང་ཐབས་ཅིག་ཏུ་བཞུགས་པ་ལ་འདི་ལྟ་སྟེ། བྱང་ཆུབ
237a3 སེམས་དཔའ་དྲི་མ་མེད་པའི་བློ་གྲོས་དང་། བྱང་ཆུབ་སེམས་དཔའ་བསམ་གྱིས་མི་ཁྱབ་པའི་བློ་གྲོས་དང་། བློ་གྲོས་ཐམས་ཅད་པ་དང་། བློ་གྲོས་འཕེལ་བ་དང་། འཇིག་རྟེན་གསུམ་རྣམ་པར་གནོན་པའི་བློ་གྲོས་དང་། ནམ་མཁའི་མཛོད་དང་། ཀུན་དུ་བཟང་པོ་དང་། འཇམ་དཔལ་གཞོན
237a4 ནུར་གྱུར་པ་དང་། བྱང་ཆུབ་སེམས་དཔའ་སྲེད་མེད་ཀྱི་བུ་དང་། མི་ཐུབ་བསྲེལ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དང་། དེ་དག་ལ་སོགས་པ་བྱང་ཆུབ་སེམས་དཔའ་སྟོང་ཕྲག་བཅུ་དྲུག་དང་། ཉན་ཐོས་ཀྱི་དགེ་འདུན་ལ་འདི་ལྟ་སྟེ། རབ
237a5 འབྱོར་དང་། ཀ་ཏྱའི་བུ་དང་། འོད་སྲུང་དང་། ལྟེང་རྒྱས་འོད་སྲུང་དང་། མཽད་གལ་གྱི་བུ་དང་། མཽད་གལ་གྱི་བུ་ཆེན་པོ་དང་། གླང་པོའི་མཆོད་རྟེན་དང་། ཤ་ར་དྭ་ཏིའི་བུ་དང་། དེ་དག་ལ་སོགས་པ་ཉན་ཐོས་སྟོང་ཕྲག་ཉི་ཤུ་རྩ་བརྒྱད་ཀྱིས་བཅོམ་ལྡན་འདས་ལ་ཡོངས་སུ་བསྐོར་ཅིང་མདུན་དུ
237a6 བདར་ཏེ་བཞུགས་སོ། །གཞན་ཡང་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ཅིའི་སྐྱེས་བུ་དང་། ལྟོ་འཕྱེ་ཆེན་པོ་རྣམས་ཀྱང་འཁོར་འདུས་པ་དེའི་ནང་དུ་ཆོས་ཉན་པའི་ཕྱིར་ལྷགས་སོ། །དེ་ནས་དེའི་ཚེ་བཅོམ་ལྡན་འདས
237a7 ཀྱིས་འཁོར་གྱི་དཀྱིལ་འཁོར་དེར་བྱང་ཆུབ་སེམས་དཔའ་དྲི་མ་མེད་པའི་བློ་གྲོས་ལ་བཀའ་སྩལ་པ། དྲི་མ་མེད་པའི་བློ་གྲོས་ཁྱོད་ཀྱིས་ཤར་ཕྱོགས་ཀྱི་སྣང་བ་ཆེན་པོ་འདི་མཐོང་ངམ། དེ་ནས་བྱང་ཆུབ་སེམས་དཔའ་དྲི་མ་མེད་པའི་བློ་གྲོས་སྟན་ལས་ལངས་ཏེ་བླ་གྲོས་ཕྲག་པ་གཅིག་ཏུ་གཟར
iiif viewer powered by OpenSeadragon
