| e-texts navigator |
| Wylie |
22b1 པར་བྱེད་དེ། རིགས་ཀྱི་བུ་སྒྲུབས་ཤིག་སྒྲུབས་ཤིག་ཅེས་སོ། །དེ་ནས་རིག་པ་འཛིན་པས་ལྕགས་གསུམ་གྱི་པདྨ་གསེར་གྱི་སྙིང་པོ་ཅན་འདབ་མ་ཟངས་དང་ཆུ་བ་དངུལ་ལ་འདབ་མ་སྟོང་པའོ། །པདྨ་བཞིས་ཡོངས་སུ་བསྐོར་བ་བཞི་པོ་འདི། འདབ་མ་བརྒྱ་པར་བྱེད་དུ་གཞུག་གོ། །
22b2 ཕྱི་ནས་སྒྲུབ་པ་པོས་འོ་མ་དང་ཟན་ཟ་ཞིང་རིག་པ་བཟླས་པར་བྱའོ། །དེ་ནས་ཟླ་བ་ཉ་ལ་མཚན་མོ་གསུམ་སྨྱུང་བར་གནས་པར་བྱས་ལ་རས་རིས་ཞལ་ཤར་དུ་ཕྱོགས་པར་བཞུགས་ནས་པདྨའི་གཡས་ཀྱི་ལུས་ལ་བཅོམ་ལྡན་འདས་མའི་ལྷ་ཐམས་ཅད་སྤྱན་དྲང་བར་བྱའོ། །རབ་ཏུ་འབད་པས
22b3 གཏོར་མ་དབུལ་བར་བྱའོ། །མེ་ཏོག་དཀར་པོ་དང་། ཨ་གྲ་རུ་དང་། རུ་རྟ་དང་། གུར་གུམ་དང་། མར་གྱི་མར་མེ་བརྒྱ་ཡང་རབ་ཏུ་སྦར་བར་བྱའོ། །ལྷ་མ་ཡིན་རྣམས་ལ་གཏོར་མ་དང་། གནོད་སྦྱིན་ལ་དཀར་གཏོར་དང་། མར་གྱི་མར་མེ་དང་། དྲི་ཟ་རྣམས་ལ་གཏོར་མ་དང་།
22b4 མར་གྱི་མར་མེ་དང་། ཤ་ཟ་རྣམས་ལ་གཏོར་མ་དང་། མེ་ཏོག་དམར་པོ་དང་། མར་གྱི་མར་མེ་དང་། ནམ་མཁའ་ལྡིང་རྣམས་དང་། གནོད་སྦྱིན་དང་། མིའམ་ཅི་དང་། ལྟོ་འཕྱེ་ཆེན་པོ་དང་། སྲིན་པོ་དང་། དང་། ཤ་ཟ་དང་། རོ་ལངས་དང་། སྲུལ་པོ་དང་།
22b5 ལུས་སྲུལ་པོ་དང་། སྨྱོ་བྱེད་དང་། གནོན་པོ་དང་། མ་མོའི་ཚོགས་རྣམས་དང་། ལོག་འདྲེན་དང་བཅས་པ་རྣམས་ལ་ཤ་དང་། ཛམ་བུ་ལི་ཀ་དང་། སྭ་ཏི་ཀ་ལ་སོགས་པ་རྣམས་སོ། །གནོད་སྦྱིན་རྣམས་ལ་ཤ་དང་། ཁྲག་དང་། སྡོང་བུ་དང་། འབྲས་བུ་དང་། མངར
22b6 གསུམ་མོ། །ཀླུ་རྣམས་ལ་འབྲས་ཡོས་དང་། མུད་གའི་ལ་དུ་དང་། འབྲས་བུ་རྣམས་སོ། །རྣམ་པ་སྣ་ཚོགས་པའི་བཟའ་བར་བྱ་བ་དང་། སྒྲོན་མ་དང་བདུག་པ་རྣམས་ཀྱང་སོ་སོ་སོ་སོར་རོ། །ལྷ་རྣམ་པར་ཤེས་པ་ཉིད་འཕེལ་བཞིན་དུ་མཆོད་པ་བདུན་བྱའོ། །དེ་ནས་ཉི་མ
22b7 བདུན་པ་ལ་གྲོགས་གཞག་པར་བྱའོ། །ལེགས་པར་བསམ་པའི་ཚེ་ན་བྱས་པ་གཟོ་བ། རྟག་ཏུ་སྙིང་རྗེའི་བདག་ཉིད་ཅན་ནད་མེད་པ་དེ་ལྟ་བུ་གཞག་པར་བྱའོ། །ཤེས་རབ་ཅན་གྱིས་དེ་ནས་ལས་ཡང་དག་པར་བརྩམས་ཏེ་ཀུ་ཤའི་ཁྲེས་ལ་མངོན་པར་བསྔགས་པ་ལ་ཉེ་བར་འདུག་ནས
iiif viewer powered by OpenSeadragon
