| e-texts navigator |
| Wylie |
22a1 གང་གི་ཚད་དུ་བྱ་ཞིང་པདྨ་ལ་གནས་ཤིང་སོ་སོར་གནས་པའོ། །གཡོན་གྱི་གཞོགས་སུ་ཕྱག་ན་རྡོ་རྗེ་སྔོ་བསངས་རྒྱན་ཐམས་ཅད་ཀྱིས་བརྒྱན་པ་ཕྱག་ན་རྡོ་རྗེ་བསྣམས་པའོ། །གཡོན་གྱི་གཞོགས་སུ་རིག་པའི་རྒྱལ་པོ་དམ་པ་རྨ་བྱ་ལ་ཉེ་བར་འདུག་པའོ། །
22a2 རིག་པའི་རྒྱལ་པོའི་ཉེ་ལོགས་སུ་གསེར་ལྡན་མ་ཡང་རྡོ་རྗེ་ལྕགས་ཀྱུ་མ་འདྲིར་གཞུག་པར་བྱའོ། །རྡོ་རྗེ་ཁུ་ཚུར་སྔོ་བསངས་རྒྱན་ཐམས་ཅད་ཀྱིས་རྣམ་པར་བརྒྱན་པ། རྡོ་རྗེ་བསྣམས་པ་འདྲིར་གཞུག་པར་བྱའོ། །རྡོ་རྗེ་དབྱུག་པ་དབྱུག་པ་བསྣམས་པ་འདྲིར་གཞུག་པར་བྱའོ། །
22a3 རྡོ་རྗེ་བློ་གྲོས་རྡོ་རྗེ་མ་དང་གནམ་ལྕགས་མ་ཡང་རྡོ་རྗེ་དབྱུག་པའི་རྒྱབ་ཏུ་འདྲིར་གཞུག་པར་བྱའོ། །གཡོན་དུ་ལྷ་སྐྲག་པ་འདྲིར་གཞུག་པར་བྱའོ། །སྦྲུལ་གྱི་མཆོད་ཕྱིར་ཐོགས་པ་ཅན་རྡོ་རྗེ་དྲག་ཏུ་དགོད་པ་འདྲིར་གཞུག་ཅིང་། ཕྱག་ན་རྡོ་རྗེའི་ཉེ་ལོགས་སུ་རྡོ་རྗེ་སྡེ་དང་གཙུག་འཕྱང་རྒྱན
22a4 ཐམས་ཅད་ཀྱིས་རྣམ་པར་བརྒྱན་པ་འདྲིར་གཞུག་པར་བྱའོ། །ཐམས་ཅད་ཀྱང་པདྨ་ལ་སོ་སོར་གནས་པའོ། །རྒྱལ་པོ་ཆེན་པོ་བཞི་བྱ་སྟེ། ལོག་འདྲེན་གྱི་རིགས་བཞི་རྣམས་རྣམ་པར་འགྱུར་བའི་གཟུགས་ཅན་འབྲོས་བཞིན་པ་འོག་ཏུ་བྲི་བར་བྱའོ། །དེ་རྣམས་ཀྱི་འོག་ཏུ
22a5 པདྨའི་མཚོ་བྱའོ། །ཀླུ་ལག་ན་པདྨ་ཐོགས་པ་འདྲིར་གཞུག་པར་བྱའོ། །ལྷའི་ཚོགས་ཐམས་ཅད་ཀྱང་མེ་ཏོག་རབ་ཏུ་འཐོར་བཞིན་པ་འདྲིར་གཞུག་པར་བྱའོ། །ལྷའི་རྔ་བོ་ཆེ་འདྲིར་གཞུག་པར་བྱའོ། །ཚངས་པ་དང་ཁྱབ་འཇུག་དང་། དབང་ཕྱུག་ཆེན་པོ་ལ་སོགས
22a6 པ་རྣམས་ཀྱང་མཚོན་ཆ་དང་བཅས་པ་འདྲིར་གཞུག་པར་བྱའོ། །རིག་པ་འཛིན་པའི་རྒྱལ་པོ་ལུས་མེད་འདྲིར་གཞུག་པར་བྱའོ། །ཀླུའི་རྒྱལ་པོའི་ཉེ་ལོགས་སུ་སྒྲུབ་པ་པོ་ལག་ན་སྤོས་ཕོར་ཐོགས་པ་འདྲིར་གཞུག་པར་བྱའོ། །རས་རིས་འདི་བྲིས་པ་ཙམ་ཉིད་ཀྱིས་སྡིག་པ་ཐམས
22a7 ཅད་ལས་གྲོལ་བར་འགྱུར་རོ། །ཕྱི་ནས་ལྷ་རྣམས་བདེ་བླག་ཏུ་སྒྲུབ་བོ། །དེ་ནས་རིག་པ་འཛིན་པས་རས་རིས་ཀྱི་རྒྱལ་པོའི་མཆོག་དེའི་སྤྱན་སྔར་སློང་མོ་བཟའ་ཞིང་། རིག་པ་འབུམ་ཕྲག་བཅུ་གཉིས་སུ་བཟླས་པར་བྱའོ། །དེ་ནས་འདི་ལ་རིག་པ་འཛིན་པ་ལུས་མེད་ཀྱི་རྨི་ལམ་དུ་སྟོན
iiif viewer powered by OpenSeadragon
