| e-texts navigator |
| Wylie |
223b1 འདོད་པ་བཞིན་དུ་མྱུར་དུ་འགྲུབ། །དཔེར་ན་ནྱ་གྲོ་དྷ་ཡི་ས་བོན་ནི། །ཤིན་ཏུ་ཕྲ་ཡང་ཆུ་ལུད་ལེགས་བྲན་ན། །དགུང་ཟླ་བདུན་ན་དཔག་ཚད་ཙམ་དུ་སྐྱེ། །བེམས་པོ་ཕྱི་ཡི་འགྱུར་ཡང་དེ་འདྲ་ན། །རིག་པས་རིག་པ་བསྒྲུབ་པ་ལྟ་ཅི་སྨོས། །འོད་གསལ་ནང་གི་འགྱུར་ལ་དཔག་ཏུ
223b2 མེད། །ཚོང་དཔོན་ལམ་ལ་མཁས་པ་དག་ལ་བརྟེན། །གྲུ་ཚགས་ལེགས་པས་རྒྱ་མཚོར་ཞུགས་གྱུར་ན། །རིན་ཆེན་འདོད་པ་བཞིན་དུ་རྙེད་གྱུར་ནས། །རང་གི་གནས་སུ་ལེགས་པར་ཕྱིན་པ་ཡིན། །བྱམས་དང་སྙིང་རྗེ་དགའ་དང་བཏང་སྙོམས་རྟེན། །བྱང
223b3 ཆུབ་སེམས་ལྡན་དགེ་བ་སྦྱང་གྱུར་ན། །ཡང་དག་རྫོགས་ཀྱི་ལམ་ལ་ཞུགས་འགྱུར་ཏེ། །ངེས་པར་མཁྱེན་ཉིད་ས་ལ་འགྲོ་བར་འགྱུར། །མདའ་ཉིད་སྐྱེས་བུའི་འཐེབ་ནས་ཤོར་གྱུར་ན། །མི་འཕང་སྙམ་ཡང་ཤིན་ཏུ་འཕངས་པར་འགྱུར། །ཆོས་ཉིད་དོན་ཀུན
223b4 ཆུབ་པའི་གང་ཟག་ནི། །མི་ཕྱིན་སྙམ་ཡང་ཕ་རོལ་ཕྱིན་པར་འགྱུར། །བྱ་ཆའི་རྣམ་པ་རང་བཞིན་རྫོགས་གྱུར་ནས། །སངས་རྒྱས་འབྲས་བུ་འཐོབ་པར་ཐེ་ཙོམ་མེད། །ཆོས་ཉིད་རྣམ་པར་དག་པ་དེ་རྟོགས་ན། །བདག་མེད་སྲོག་མེད་སྲོག་ཀྱང་གཅད་དུ་མེད། །ལས་མེད
223b5 དེ་ཡི་རྣམ་པར་སྨིན་པ་མེད། །མཐའ་རྣམས་རབ་སྤངས་སྐྱེས་བུ་རྣམ་པར་གྲོལ། །དེ་དོན་རྟོགས་ཕྱིར་བདག་གིས་བཤད་པ་ཡི། །སྙིང་པོ་འདི་ལ་གུས་པས་བཟླས་གྱུར་ན། །བསྐལ་པ་གྲངས་མེད་གསུམ་གྱི་སྡིག་ཀྱང་འཛད། །ངན་སོང་གསུམ་དང་འཁོར་བའི་སྡུག་བསྔལ
223b6 ཀུན། །རབ་ཏུ་སྦྱོང་ཞིང་སྒྲིབ་པ་རྣམས་ཀྱང་འདག་།དོན་དང་ལྡན་པའི་སྙིང་པོ་འདི་ལྟ་སྟེ། །ོཾ་བྱང་ཆུབ་སེམས་དཔའ་སེམས་དཔའ་ཆེན་མོ། ལྷ་མོ་ཁྱོད་ཀྱིས་བསྐྱབ་ཏུ་གསོལ། །ོཾ་ན་མོ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ
223b7 ཡ། ཏདྱ་ཐཱ། ཨོཾ་ཏཱ་རེ་ཏུཏྟཱ་རེ་ཏུ་རེ་སརྦ་དུཥྚཱ་ན། པྲ་དུཥྚཱ་ན་མ་མ་ཀྲྀ་ཏེ། ཛམྦྷ་ཡ། སྟམྦྷ་ཡ། མོ་ཧ་ཡ། བན་དྷ་ཡ། ཧཱུ~ཾ་ཧཱུ~ཾ་ཧཱུ~ཾ། ཕཊ་ཕཊ་ཕཊ་སྭཱ་ཧཱ། མ་མ་ཨཱརྱཱ་བ་ལོ་བྷ་ཡཱ་ན་རཱ། བོ་དྷི་སཏྭཱ། མ་ཧཱ་སཏྭཱ་ནི། ཨདྷི་ཥྛཱི་ཏེ་མ་མ་སརྦ་ཀརྨ་ཨཱ་བ་ར་ཎ་སྭ་བྷཱ་བ། ཤུད་དྷེ
iiif viewer powered by OpenSeadragon
