| e-texts navigator |
| Wylie |
219a1 འཇིགས་པ་འཁྲུགས་པ་ལས། །མཚན་ནི་འདི་རྣམས་དྲན་པ་ཡིས། །འཇིགས་པ་ཀུན་ལས་གྲོལ་བར་བྱེད། །དུས་མིན་འཆི་ལས་གྲོལ་བྱེད་པ། །སྐྱེས་བུ་སྙན་པ་ཐོབ་པར་འགྱུར། །མིར་ནི་སྐྱེ་བ་དོན་དང་བཅས། །དེ་གཅིག་པུ་ཡི་ཕན་ཡོན་གྱིས། །
219a2 གང་ཞིག་འདིར་ནི་སྔར་ལངས་ནས། །སྐྱེས་བུ་གང་ཞིག་སྒྲོགས་བྱེད་པ། །དེ་ནི་དུས་རིང་ཚེ་དང་ལྡན། །མི་ཡི་དཔལ་ནི་དགའ་འགྱུར་ཏེ། །ལྷ་དང་ཀླུ་དང་གནོད་སྦྱིན་དང་། །དྲི་ཟ་དང་ནི་ལུས་སྲུལ་པོ། །འབྱུང་པོ་གཤེད་བྱེད་སྲིན་པོ་དང་། །མ་མོ་རྩུབ་པའི
219a3 སེམས་ལྡན་པ། །གནོད་སྦྱིན་མོ་དང་བྱེད། །སྨྱོ་བྱེད་དང་ནི་གནོད་བྱེད་རྣམས། །གྲིབ་གནོན་དང་ནི་བརྗེད་བྱེད་དང་། །ཤ་ཟ་ལ་ནི་སོགས་པ་རྣམས། །རོ་ལངས་སྣ་ཚོགས་ལ་སོགས་དང་། །སྐུལ་བྱེད་མ་དང་སེམས་སྡང་རྣམས། །གྲིབ་མ
219a4 ལ་ཡང་འགོམ་མི་བྱེད། །ཇི་ལྟར་སླར་ནི་མཆོད་པར་འགྱུར། །སྡང་བའི་སེམས་ཅན་འཆིང་བར་བྱེད། །ནད་ལ་སོགས་པས་ཐེབས་མི་འགྱུར། །ཕྱུག་ཅིང་ལོངས་སྤྱོད་ཡོན་ཏན་ལྡན། །བུ་དང་ཚ་བོ་འཕེལ་བར་འགྱུར། །རིགས་དང་ལྡན་ཞིང་མཐོང་དགར
219a5 འགྱུར། །གཟི་བརྗིད་ལྡན་ཞིང་ཚིག་གསལ་བ། །བློ་ལྡན་སྐྱེ་བ་དྲན་པར་འགྱུར། །བསྟན་བཅོས་ཐམས་ཅད་རིག་པར་འགྱུར། །དགེ་བའི་བཤེས་གཉེན་ཡང་དག་ལྡན། །བྱང་ཆུབ་སེམས་ཀྱིས་ཡང་དག་བརྒྱན། །གང་དང་གང་དུ་སྐྱེས་པ་དེར། །རྟག
219a6 ཏུ་སངས་རྒྱས་ཀྱིས་མི་སྤོང་། །རྗེ་བཙུན་མ་འཕགས་མ་སྒྲོལ་མའི་མཚན་བརྒྱ་རྩ་བརྒྱད་པ། འཕགས་པ་སྤྱན་རས་གཟིགས་དབང་ཕྱུག་གིས་གསུངས་པ་རྫོགས་སོ།། @#། །རྒྱ་གར་སྐད་དུ། ཏཱ་ར་དེ་བཱི་ནཱ་མ་ཨཥྚ་ཤ་ཏ་ཀ་ན།
219a7 བོད་སྐད་དུ། ལྷ་མོ་སྒྲོལ་མའི་མཚན་བརྒྱ་རྩ་བརྒྱད་པ་ཞེས་བྱ་བ། ལྷ་མོ་ཆེན་མོ་སྒྲོལ་མ་རྣམ་པར་རྒྱལ་བའི་ནོར་བུ་རྣམ་པ་སྣ་ཚོགས་ཀྱི་དོ་ཤལ་དང་། ན་བཟའ་དང་། ཤམ་ཐབས་ཀྱི་གཤལ་ཀས་འཇིག་རྟེན་གྱི་ཁམས་ཆེན་པོའི་བླ་རེ་བྱས་པ་ལ་ཕྱག་འཚལ་ལོ། །
iiif viewer powered by OpenSeadragon
