| e-texts navigator |
| Wylie |
210a1 ཡིན་གྱི་ཚོགས་དང་ནམ་མཁའ་ལྡིང་གི་ཚོགས་དང་མིའམ་ཅིའི་ཚོགས་དང་། མིའི་ཚོགས་དང་དྲི་ཟའི་ཚོགས་དང་ལྟོ་འཕྱེ་ཆེན་པོའི་ཚོགས་དང་། སྲིན་པོའི་ཚོགས་ཐམས་ཅད་ཀྱིས་དེའི་སྟོབས་ཐུབ་པར་མི་འགྱུར་ལ། སྲུང་བ་དང་སྐྱོབ་པ་ཡང་བྱེད་པར་འགྱུར་རོ
210a2 དུས་མ་ཡིན་པར་འཆི་བ་དང་། རྩོད་པ་དང་། རྨི་ལམ་ངན་པ་དང་། ལྟས་ངན་པ་དང་། རིམས་དང་། འབྲུམ་བུ་དང་། གཡན་པ་ལ་སོགས་པས་མི་ཚུགས་སོ། །ནམ་འཆི་བའི་ཚེ་ཡང་སྟོབས་དང་ལྡན་པར་འགྱུར་རོ། །ངན་སོང་གསུམ་དུ་མི་འགྱུར་རོ། །
210a3 འཇམ་དཔལ་ལས་དེས་ཡོ་བྱད་དང་ཚེ་དང་བཀྲག་དང་སྟོབས་དང་ལྡན་པར་འགྱུར་རོ། །དེ་བཞིན་གཤེགས་པ་མཐོང་བ་དང་སྟོབས་དང་ལྡན་པར་འགྱུར་རོ། །རྒྱས་པའི་ལས་ཀྱི་ལེའུ་སྟེ་བརྒྱད་པའོ།། །།འཇམ་དཔལ་དབང་དུ་བསྡུ་བའི་ལས་ནི་འདིའོ། །
210a4 དུར་ཁྲོད་དམ་ཤིང་གཅིག་གམ། ཆུ་བོ་ཆེན་པོའི་འགྲམ་མམ་གཙུག་ལག་ཁང་དུ་བྱའོ། །ཁང་པ་དེར་བའི་རྣམ་ལྔས་སྐྱོང་ནུལ་བྱས་ཏེ་དྲི་ཞིམ་པོས་བྱུགས་པའི་མཎྜལ་མེ་ཏོག་སིལ་མ་དགྲམ་པར་བྱའོ། །ཡུམ་གྱི་སྐུ་གཟུགས་ཀྱང་བཞུགས་ཏེ་པོག་ཕོར་དང་མེ་ཏོག་ལ
210a5 སོགས་པ་ཡང་བཤམ་པར་བྱའོ། །མེ་ཏོག་དང་འབྲས་བུ་ནུས་པ་དང་ལྡན་པའི་རྫས་དག་རིན་པོ་ཆེའི་ག་འུར་བཅུག་ལ་མཎྜལ་གྱི་དབུས་སུ་གཞག་པར་བྱའོ། །དེ་ནས་བསམ་གཏན་བསྒོམ་པ་ནི། ཏཱ~ཾ་ལས་བྱུང་བའི་མྱུར་བའི་བརྩོན་འགྲུས་དང་ལྡན་པའི་ཡུམ་སྒྲོལ
210a6 མ་དཔའ་མོ་རྣལ་འབྱོར་མའི་ལུས་སུ་བསྒོམ་པ་ནི་པདྨ་ལས་བྱུང་ཞིང་ཉི་ཟླའི་སྟེང་ན་སྐུ་མདོག་བནྡུ་ཀའི་མེ་ཏོག་ལྟར་དམར་བ་གཞོན་ནུ་ལང་ཚོ་ལ་བབ་པ་ལྟ་བུའི་སྐུ་དོ་ཤལ་དང་དཔུང་རྒྱན་དང་རིན་པོ་ཆེའི་ཆུན་འཕྱང་ལ་སོགས་པས་མཛེས་པར་བརྒྱན་པ། པཉྩ་ལི་ཀའི་གོས
210a7 ཀྱིས་སྨད་དཀྲིས་པ། ཀ་ཤི་ཀའི་རས་ཀྱིས་སྟོད་གཡོགས་པ། འགྱིང་བག་གི་ཚུལ་གྱིས་བཞེངས་པ། ཞལ་གཅིག་ཕྱག་གཉིས་པ་ཞལ་བཞད་ཅིང་ཆེར་བཞད་པ་སྤྱན་འཁྱུག་པ་ཕྱག་གཡས་ཐུགས་ཀ་ན་འདུད་པ། གཡོན་སྡོང་བུ་དང་བཅས་པའི་ཨུཏྤ་ལ་འཛིན་པ། སྐུ་ལས
iiif viewer powered by OpenSeadragon
