| e-texts navigator |
| Wylie |
20b1 དྲག་པོ་ཅན་དང་། སྲེད་པ་དང་། བརྐམ་པ་རྣམས་ཏེ། དེ་རྣམས་རྟག་ཏུ་མར་མི་ཤེས་པ་དང་། ཕར་མི་ཤེས་པ་འདི་ལྟ་བུ་རྣམས་ཀྱིས་རིག་པའི་དངོས་གྲུབ་མི་རྙེད་དོ། །རིགས་ཀྱི་བུ་འདས་པའི་དུས་ན་བསྐལ་པ་བཟང་པོ་འདི་ཉིད་ལ་རིག་པ་འཛིན་པའི་རྒྱལ་པོ་བརྒྱད
20b2 འདས་པ་ན་རྫུ་འཕྲུལ་ཆེན་པོ་ཅན། མཐུ་ཆེན་པོ་ཅན། དེ་རྣམས་རིག་པ་འཛིན་པའི་མིང་དུ་གྲགས་པར་གྱུར་ཏོ། །དེ་རྣམས་ཐམས་ཅད་ཀྱང་རིག་པ་འཛིན་པ་ཉིད་དང་། རིག་པའི་མཐུ་ཡིས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །
20b3 རིགས་ཀྱི་བུ་ཤར་ཕྱོགས་སུ་སྡིག་མེད་ཅེས་བྱ་བའི་རིག་པ་འཛིན་པའི་རྒྱལ་པོ་རིག་པ་འཛིན་པ་བྱེ་བ་ཕྲག་བཞིའི་མངའ་བདག་གོ། །བྱང་ཕྱོགས་སུ་རི་རབ་ལྷུན་པོ་ཞེས་བྱ་བའི་རིག་པ་འཛིན་པའི་རྒྱལ་པོ་རིག་པ་འཛིན་པ་བྱེ་བ་ཕྲག་བཅུའི་མངའ་བདག་གོ། །རི་རབ་ལྷུན་པོ་རིའི་རྒྱལ
20b4 པོའི་ཉེ་ལོགས་ན་གླང་པོའི་སྡེ་ཞེས་བྱ་བའི་རིག་པ་འཛིན་པའི་རྒྱལ་པོ་དང་། ལྷ་མ་ཡིན་གྱི་དབང་པོ་ཞེས་བྱ་བའི་རིག་པ་འཛིན་པའི་རྒྱལ་པོ་དང་། གཞོན་པ་དཀར་པོ་ཞེས་བྱ་བའི་རིག་པ་འཛིན་པའི་རྒྱལ་པོ་དང་། ཆ་བྱད་བཟང་པོ་ཞེས་བྱ་བའི་རིག་པ་འཛིན་པའི་རྒྱལ་པོ་དང་།
20b5 གསེར་གྱི་ཡན་ལག་ཅེས་བྱ་བའི་རིག་པ་འཛིན་པའི་རྒྱལ་པོ་དང་། པདྨ་བཀོད་པའི་རྒྱན་ཞེས་བྱ་བའི་རིག་པ་འཛིན་པའི་རྒྱལ་པོ་དང་། རྡོ་རྗེའི་ཕྱག་ཅེས་བྱ་བའི་རིག་པ་འཛིན་པའི་རྒྱལ་པོ་དང་། རིན་ཆེན་ཀུན་ཏུ་སྣང་བ་ཞེས་བྱ་བའི་རིག་པ་འཛིན་པའི་རྒྱལ་པོ་དང་། ཞགས
20b6 པའི་ཕྱག་རྒྱ་ཅེས་བྱ་བའི་རིག་པ་འཛིན་པའི་རྒྱལ་པོ་དང་། མེ་ལྕེ་འབར་བའི་འོད་ཅེས་བྱ་བའི་རིག་པ་འཛིན་པའི་རྒྱལ་པོ་དང་། སྒྱུ་འཕྲུལ་ཀུན་ཏུ་སྟོན་པ་ཞེས་བྱ་བའི་རིག་པ་འཛིན་པའི་རྒྱལ་པོ་དང་། རྟག་ཏུ་རབ་དགའ་ཞེས་བྱ་བའི་རིག་པ་འཛིན་པའི་རྒྱལ་པོ་དང་། རིག་པ་འཛིན
20b7 པའི་རྒྱལ་པོ་བརྒྱད་པོ་འདི་རྣམས་རིག་པ་འཛིན་པ་སྟོང་ཕྲག་བཅུ་བཞིས་ཡོངས་སུ་བསྐོར་བ་མཐུ་ཆེན་པོ་དང་ལྡན་པ་དེ་རྣམས་ཐམས་ཅད་ཀྱང་བུད་མེད་རྣམས་ཀྱིས་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རིགས་ཀྱི་བུ་རིག་པ
iiif viewer powered by OpenSeadragon
