| e-texts navigator |
| Wylie |
20a1 གི་རྒྱལ་པོའི་སྙིང་པོ་རིག་པའི་རྒྱལ་པོ་སྟོང་བཟླས་པར་བྱའོ། །རྒྱུད་ཕྱི་མ་བསྐྱེད་པ་ཞེས་བྱ་བའི་ལེའུ་དང་པོའོ།། །།དེ་ནས་ཡང་བྱང་ཆུབ་སེམས་དཔའ་ཐམས་ཅད་དང་། ལྷ་དང་། དྲི་ཟ་དང་། ཀླུ་དང་། གནོད་སྦྱིན་དང་། ལྷ་མ་ཡིན
20a2 དང་། ནམ་མཁའ་ལྡིང་དང་། མིའམ་ཅི་དང་། དང་། ཤ་ཟ་དང་། སྲུལ་པོ་དང་། ལུས་སྲུལ་པོ་དང་། སྐེམ་བྱད་དང་། སྨྱོ་བྱེད་དང་། གནོན་པོ་དང་། ལོག་འདྲེན་ཐམས་ཅད་དང་། ཐམས་ཅད་ནས་རྒྱལ་པོ་དང་། ལྷ་དང་སྒྲ་འམ། ཆུ་ཀླུང་དང་། རྒྱ་མཚོར
20a3 བཅས་པའི་ལྷ་རྣམས་དང་། སྨན་ཆེན་པོ་རྣམས་བཅོམ་ལྡན་འདས་གང་ན་བ་དེར་ཉེ་བར་ལྷགས་སོ། །ཉེ་བར་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་མངོན་པར་ཕྱག་འཚལ་ནས་མཐའ་གཅིག་ཏུ་འདུག་གོ། །དེ་ནས་དེ་རྣམས་ཐམས་ཅད་ཀྱིས་བཅོམ
20a4 ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཞུ་བ་འགའ་ཞིག་ཡོངས་སུ་ཞུ་བར་འཚལ་ལོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས
20a5 དཔའ་དང་། ལྷ་རྣམས་ལ་འདི་སྐད་ཅེས་བཀའ་སྩལ་ཏོ། །བཞིན་བཟང་དག་ལེགས་སོ། །གང་དང་གང་འདོད་པ་དྲིས་ཤིག་།དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རིག་པ་རྣམས
20a6 འཆར་བའམ། ནུབ་པར་འགྱུར་བ་གདགས་པ་དང་། གང་གི་དུས་སུ་རིག་པ་རྣམས་འགྲུབ་པར་འགྱུར། ལྷ་རྣམས་ཀྱིས་དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ཀྱེ་ལྷ་རྣམས་རིགས་ཀྱི་བུ་གང་གི་ཚེ་དེ་བཞིན་གཤེགས་པ་དགྲ་བཅོམ
20a7 པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་དུ་བྱུང་བ་དེའི་ཚེ་རིག་པ་རྣམས་འཆར་བར་འགྱུར་ཏེ། བརྩོན་འགྲུས་དང་ལྡན་པ་དང་། དལ་ཞིང་དལ་བའི་བརྩོན་འགྲུས་དང་། སྙིང་སྟོབས་དང་། ལེ་ལོ་དང་། དུ་སྨྲ་བ་དང་། ཚིག་རྩུབ་པོ་དང་། སྲོག་གཅོད་པ་དང་།
iiif viewer powered by OpenSeadragon
