| e-texts navigator |
| Wylie |
203b1 རྣམས་ཀྱིས་མཆོད་པར་བྱའོ། །གང་ཡང་ཕྱོགས་བཅུའི་འཇིག་རྟེན་ཁམས་བཞུགས་པའི། །སངས་རྒྱས་རྣམས་ཀྱིས་བྱིན་གྱིས་བརླབས་པ་ཡི། །ཕྱེ་མའི་ཕུར་མ་བདུག་པའི་བྱེ་བྲག་རྣམས། །རྒྱལ་བ་བསྐྱེད་པའི་ཡུམ་ལ་མཆོད་པར་བྱའོ། །གང་ཡང་ཕྱོགས
203b2 བཅུའི་འཇིག་རྟེན་ཁམས་བཞུགས་པའི། །དེ་བཞིན་གཤེགས་པའི་ཡུམ་མཆོག་སངས་རྒྱས་སྤྱན། །མེ་ཏོག་སིལ་མ་ཕྲེང་བའི་བྱེ་བྲག་རྣམས། །རྒྱལ་བ་བསྐྱེད་པའི་ཡུམ་ལ་མཆོད་པར་བགྱི། །གང་ཡང་ཕྱོགས་བཅུའི་འཇིག་རྟེན་ཁམས་བཞུགས་པའི། །དེ
203b3 བཞིན་གཤེགས་པའི་ཡུམ་མཆོག་རིན་པོ་ཆེ། །རིན་ཆེན་མར་མེའི་བྱེ་བྲག་ཕྲེང་བ་རྣམས། །རྒྱལ་བ་བསྐྱེད་པའི་ཡུམ་ལ་མཆོད་པར་བགྱི། །གང་ཡང་ཕྱོགས་བཅུའི་འཇིག་རྟེན་ཁམས་བཞུགས་པའི། །དེ་བཞིན་གཤེགས་པའི་ཡུམ་མཆོག་ན་བཟའ་དཀར། །དྲི་ཞིམ
203b4 ཆུ་གཙང་སྤོས་ངད་ལྡང་བའི་ཆུ། །རྒྱལ་བ་བསྐྱེད་པའི་ཡུམ་ལ་མཆོད་པར་བགྱི། །གང་ཡང་ཕྱོགས་བཅུའི་འཇིག་རྟེན་ཁམས་བཞུགས་པའི། །རྒྱལ་བ་བསྐྱེད་པའི་ཡུམ་མཆོག་འཕྲིན་ལས་ལྡན། །བཟའ་དང་བཅའ་བ་ལ་སོགས་ཞལ་ཟས་རྣམས། །རྒྱལ་བ
203b5 བསྐྱེད་པའི་ཡུམ་ལ་དབུལ་བར་བགྱི། །སྡུག་བསྔལ་ཐམས་ཅད་རབ་ཏུ་ཞི་མཛད་པའི། །གླུ་དང་རོལ་མོ་སིལ་སྙན་བཅས་པའི་སྒྲ། །གདུགས་དང་རྒྱལ་མཚན་བ་དན་འཕན་གདུགས་བཅས། །ཕྱོགས་བཅུ་ཀུན་ནས་སྤྲིན་བཞིན་གཏིབས་གྱུར་ཅིག་།དཔག
203b6 བསམ་གྱིས་ནི་ཤིང་དག་དང་། །ལྗོན་པའི་ཤིང་དང་ཤིང་དག་གིས། །དྲི་ཞིམ་ལོ་འདབ་བཅས་པའི་ཤིང་། །ཕྱོགས་བཅུ་ཀུན་ནས་གཏིབས་གྱུར་ཅིག་།སྤོས་ཀྱི་དྲི་ངད་ལྡང་བའི་ཆར། །འབྲུ་དང་མེ་ཏོག་ལ་སོགས་པའི། །ཡིད་དུ་འོང་བའི་དྲི་ཞིམ་ཆར། །ངེས
203b7 པར་ཀུན་ཏུ་འབབ་པར་ཤོག་། འབབ་ཆུ་ལྟེང་ཀ་ལུ་མ་དང་། །མཚོ་དང་རྫིང་བུ་དག་དང་ནི། །རོ་བརྒྱ་དག་དང་ལྡན་པའི་མཚོ། །དད་པ་ལ་སོགས་བཅས་པ་ཡི། །རིན་ཆེན་ཁང་པ་ཡིད་འོང་བའི། །དྲ་བ་དྲ་བ་ཕྱེད་པ་དང་། །ཤར་ནུབ་འོད་བཅས་ཉི་ཟླ་དག་དང་ནི། །ཁང
iiif viewer powered by OpenSeadragon
