| e-texts navigator |
| Wylie |
200a1 པས་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་བའི་རྩ་བ་ཇི་ཙམ་གྱིས་དེ་རྣམས་ཡང་དག་པར་ལྡན་པར་འགྱུར། ཆོས་དུ་ཞིག་གིས་ལྷག་པར་གནས་པ་ལགས། བྱམས་པ་དེས་གང་ཆོས་བཅུས་འདི་ལྟ་བུ་མཐོང་བ་ཁོ་ན་སྟེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། ལྷ་དང་།
200a2 ཀླུ་དང་། གནོད་སྦྱིན་དང་། དྲི་ཟ་དང་། ལྟོ་འཕྱེ་ཆེན་པོ་དང་། ནམ་མཁའ་ལྡིང་དང་། མིའམ་ཅི་དང་། ལ་སོགས་པ་རྣམས་ཀྱིས་ཀུན་ཏུ་བསྲུངས་བར་འགྱུར་བ་དང་། གཟུངས་མཉམ་པའི་སེམས་ཟབ་མོའི་བཟོད་པ་དང་ལྡན་པར་འགྱུར་བ་དང་། དགེ་བའི་ཆོས་ལས་ཀུན་ཏུ་གནས་པའི་ས་ཇི་སྲིད་དུ་འདྲི་བར་འགྱུར་བ་དང་།
200a3 བྲིས་ནས་འཆང་བར་འགྱུར་བ་དང་། གླེགས་བམ་དུ་འགྱུར་བར་བྱས་ནས་མཆོད་པར་འགྱུར་བ་དང་། ཚེ་དང་ནད་མེད་པ་དང་། དབང་ཕྱུག་དང་། བདེ་བ་ཕུན་སུམ་ཚོགས་པར་འགྱུར་བ་དང་། བདེ་འགྲོར་འགྲོ་བ་སྟེ། ཕན་ཡོན་མང་པོ་ཉིད་དང་། ཕན་ཡོན་ཆེན་པོ་ཉིད་ཀྱིས་ཆོས་ཀྱི་རྣམ་གྲངས་དང་ལྷ་དང་བཅས་པས
200a4 བྱིན་གྱིས་བརླབས་པ། རིག་པ་དང་། སྔགས་ཆེན་པོ་འདུས་པ་འཁོར་བའི་ཕ་རོལ་ཏུ་སོང་བ་བདག་གིས་ཀྱང་ཡང་དག་པར་རྒྱུ་སྐར་དང་། མཚན་མོ་དང་། ཉིན་མོ་དང་། ཟླ་བ་དང་། ལོར་བདེ་བའི་ཆེད་དུ་མཐོ་རིས་སུ་སྐྱེ་བར་འགྱུར་རོ། །དགེ་བ་བཅུའི་ལས་ཀྱི་ལམ་དང་གྲགས་པ་འཕེལ་ཞིང་ཡོངས་སུ་རྫོགས་པར
200a5 འགྱུར་རོ། །རལ་པ་གྱེན་བརྫེས་འཆང་བ་པོ་དང་ཁྱིམ་དུ་གཞག་པ་དང་རབ་ཏུ་བྱུང་བ་རྣམས་ལའོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཡིད་ཀྱིས་ཀྱང་ཐམས་ཅད་དང་ལྡན་པའི་འཁོར་ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ
200a6 མངོན་པར་དགའོ། །རལ་པ་གྱེན་བརྫེས་ཀྱི་རྒྱུད་ཕྱི་མ་རྫོགས་སོ།། །།འདི་ནི་ཇོ་བོ་ཆེན་པོ་ཨ་ཏི་ཤའི་ཕྱག་དཔེ་རྭ་སྒྲེང་ནས་དཀའ་ཐུབ་ཆེན་པོས་གདན་དྲངས་ནས། ཤཱཀྱའི་དགེ་སློང་རིན་ཆེན་གྲུབ་ཀྱིས་འཕར་བའི་ལོ་ཆོ་འཕྲུལ་ཆེན་པོ་རྟའི་ཟླ་བའི་ཚེས་ལྔ་ལ་རྫོགས་པར་བསྒྱུར་བའི་ཡི་གེ
200a7 པ་ནི་ལོཙྪ་བ་ཆེན་པོ་འདི་ཉིད་ཀྱི་ཞབས་དྲུང་དུ་ཉེ་བར་གནས་པ། ཤཱཀྱའི་དགེ་སློང་བསོད་ནམས་གྲུབ་ཀྱིས་བགྱིས་སོ། །པཎྜི་ཏ་ལ་མ་གཏུགས་ཤིང་། །དཔེ་དབང་འགྲེལ་པ་མ་རྙེད་པས། །སྒྲ་དོན་ལོག་པར་གྱུར་སྲིད་ན། །མཁས་པ་རྣམས་ཀྱིས་བཅོས་པར་གསོལ།། །།
iiif viewer powered by OpenSeadragon
