| e-texts navigator |
| Wylie |
19b1 ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །འདི་ལྟ་བུའི་གསང་སྔགས་བྱང་ཆུབ་སེམས་དཔས་གསུངས་པ་ནི་བཅོམ་ལྡན་འདས་ངོ་མཚར་ཏོ། །བདེ་བར་གཤེགས་པ་མཆོག་ཏུ་ངོ་མཚར་ཏོ། །དེ་ནས་ཡང་བྱང་ཆུབ་སེམས་དཔའ་སེམས
19b2 དཔའ་ཆེན་པོ་ཕྱག་ན་རྡོ་རྗེས་གསུངས་པར་གྱུར་ཏོ། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་གཙུག་ཏོར་ནས་ངེས་པར་འཐོན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བྱང་ཆུབ་སེམས
19b3 དཔའ་ཆེན་པོའི་མཐུ་ལྷ་རྣམས་ཀྱིས་སྔོན་ཆད་མ་ཐོས་པ་གསུངས་པ་ནི་བཅོམ་ལྡན་འདས་ངོ་མཚར་ཏོ། །བདེ་བར་གཤེགས་པ་ངོ་མཚར་ཏོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ནོ། །འདས་པའི་དུས་ན་ཤར་ཕྱོགས་ན་དེ་བཞིན་གཤེགས་པ
19b4 དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨའི་སྤྱན་ཞེས་བྱ་བ་དེའི་སངས་རྒྱས་ཀྱི་ཞིང་ན་རིག་པ་འཛིན་པ་བྱེ་བ་ཕྲག་བརྒྱད་ཅུ་རྩ་བཞི་སོ་སོར་གནས་སོ། །སངས་རྒྱས་ཀྱི་ཞིང་དེ་ན་བུད་མེད་ཅེས་བྱ་བ་གདགས་པ་མེད་དེ། དེ་རྣམས་ཐམས་ཅད་ཀྱང་རིག་པ་འཛིན་པ
19b5 སྐྱོན་མེད་པ་ཁོ་ན་སྟེ། རིག་པ་འཛིན་པར་གྱུར་པ་ལས་མ་འདས་ཏེ། རིགས་ཀྱི་བུ་ལྷ་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་དང་། གནོད་སྦྱིན་གྱི་དབང་པོ་ཐམས་ཅད་དང་། དྲི་ཟ་དང་། འབྱུང་པོ་དང་། ཤ་ཟ་དང་། མིའམ་ཅི་དང་། ལྟོ་འཕྱེ་ཆེན་པོ་ལ
19b6 སོགས་པ་འདི་རྣམས་མདོར་ན་རིགས་ཀྱི་བུ་དེ་བཞིན་གཤེགས་པ་ཐམས་ཅད་ཀྱི་རིམ་པ་ལས་མ་འདས་པའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གང་ན་བ་དེར་སོང་ངོ
19b7 ཉེ་བར་སོང་ནས་དགའ་ནས་གསང་སྔགས་གསུངས་སོ། །ན་མོ་རཏྣ་ཏྲ་ཡཱ་ཡ། ན་མཤྩ་ཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ཨོ~ཾ་ཊཀྐི་ཧཱུ~ཾ་ཕཊ། འདི་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དང་། རིག་པའི་ཚོགས་ཐམས་ཅད་ཀྱི་སྙིང་པོར་གྱུར་པ་རིག་པ་མཆོག
iiif viewer powered by OpenSeadragon
