| e-texts navigator |
| Wylie |
19a1 ཀྱི་དབྱངས་ཉམས་པ་དང་། ནམ་མཁའ་ལྡིང་རྣམས་ཀྱི་སྒྱུ་མི་མགྱོགས་པ་དང་། སྲིན་པོ་རྣམས་ཀྱི་ཏྲུ་ཏ་ཏ་ར་དང་། གདུག་པ་རྣམས་ཉེ་བར་འགྲོ་བར་གྱུར་ཏོ། །མ་མོའི་ཚོགས་རྣམས་ངུ་འབོད་ཀྱི་ཉམ་ཐག་པའི་ང་རོ་དང་ངུ་འབོད་ཀྱི་ཀླག་ཅོར་སྨྲའོ། །དེ་བཞིན
19a2 དུ་གནོད་སྦྱིན་དང་། མིའམ་ཅི་དང་། ལྟོ་འཕྱེ་ཆེན་པོ་རྣམས་སྐྱབས་མེད་དཔུང་གཉེན་མེད་དེ། ཇི་སྲིད་འོག་མིན་པའི་ལྷའི་རིས་རྣམས་ཀྱང་སྲེག་པར་གྱུར་ཏོ། །ལྷ་རྣམས་ཐམས་ཅད་རིངས་པ་རིངས་པར་དེ་བཞིན་གཤེགས་པའི་དྲུང་དུ་ཉེ་བར་ལྷགས་སོ། །དེ་ནས་ཕྱག་ན་རྡོ་རྗེ་ཡང
19a3 དེ་བཞིན་གཤེགས་པའི་རྣམ་པར་འཕྲུལ་པའི་རྒྱན་གྱི་འོད་ཟེར་རྣམས་ཀྱིས་ཡིད་ཚིམ་ནས་སྟན་ལས་འཕོས་ཏེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་དྲུང་ན་ཉེ་བར་ལྷགས་སོ། །དེ་ནས་བཅོམ་ལྡན་འདས་ཀྱིས་ལྷ་ཐམས་ཅད་དང་། བྱང
19a4 ཆུབ་སེམས་དཔའ་རྣམས་ལ་དབུགས་འབྱིན་པ་མཛད་དེ། མ་འཇིགས་ཤིག་།གྲོགས་པོ་དག་མ་འཇིགས་ཤིག་།དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ཕྱག་ན་རྡོ་རྗེ་རབ་ཏུ་ཞུགས་ཤིག་།དེ་བཞིན་གཤེགས
19a5 པའི་གཙུག་ཏོར་སེམས་དཔའ་ཆེན་པོ་རབ་ཏུ་ཞུགས་པ་ཙམ་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་རྣམ་པར་འགྱུར་བ་དྲུག་ཏུ་གཡོས་སོ། །དེ་ནས་ཡང་བཅོམ་ལྡན་འདས་ཀྱིས་ལྷ་ཐམས་ཅད་ལ་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པའི་སྙིང་པོ
19a6 དང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་དབྱངས་སུ་གྱིས་ཤིག་། དེ་ནས་ལྷ་དེ་རྣམས་ཐམས་ཅད་དང་། དྲི་ཟ་དང་། གནོད་སྦྱིན་ལ་སོགས་པ་དང་། བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་སྙིང་པོ་དང་། བྱང་ཆུབ་སེམས
19a7 དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་ཕྱག་འཚལ་བར་གྱུར་ཏོ། །དེ་ནས་འཁོར་ཐམས་ཅད་དང་བཅས་པ་ཉིད་ངོ་མཚར་ཐོབ་ནས་བཅོམ་ལྡན་འདས་གང་ན་བ་དེར་ཉེ་བར་ལྷགས་སོ། །ཉེ་བར་ལྷགས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས
iiif viewer powered by OpenSeadragon
