| e-texts navigator |
| Wylie |
199a1 པོ་དང་། ཉེ་བའི་སྙིང་པོ་དང་། ཞེས་པ་སྟེ་རྣམ་པ་ལྔའོ། །རྩ་བའི་རིག་པ་ལ་ནི་དྲུག་ཅུར་བཤད་དོ། །དོན་ཐམས་ཅད་སྒྲུབ་པ་དེ་ལ་དང་པོར་རེ་ཞིག་ར་བི་ཏ་དང་། བི་ཎི་ཀ་དང་། སངས་རྒྱས་ཀྱི་མཐར་ཐུག་པ་རྣམས་སོ། །མཐེ་ཆུང་ཁབ་ཀྱི་རྣམ་པས་ངེས་པར་བཙིར་བའི
199a2 གུང་མོ་དང་མཐེ་བོང་དག་ཏུ་བཤད་དོ། །འདི་ནི་འཕགས་མ་སྒྲོལ་མའི་གང་བའི་ཕྱག་རྒྱའོ། །ཞེས་རྣམ་པར་གྲགས་ཏེ་དོན་ཐམས་ཅད་སྒྲུབ་པའོ། །རིག་པ་ཚིམ་པར་བྱེད་པ་ལ་མཐེ་ཆུང་གཉིས་བསྣུན་པར་བྱ་སྟེ་རྣམ་པར་ཚིམ་པར་འགྱུར་རོ། །ལྷག་པར་གནས་པ་ནི་མཐེ་བོང་གཉིས་ཀ
199a3 ཁབ་ཀྱི་རྣམ་པས་སོ་སོར་གཡོ་བར་བྱ་སྟེ། སྙིང་པོ་རྣམ་པར་ཤེས་པར་བྱའོ། །བསྟོད་པ་ཁོ་ནའི་མིང་གིས་སོ། །ཉེ་བའི་སྙིང་པོ་ལ་མཐེ་བོང་གཉིས་འདི་ལྟ་སྟེ། ནང་ཁོ་ནའི་ཁུ་ཚུར་རོ། །མཐེ་ཆུང་ལྕགས་སྒྲོག་གི་ཆའི་སྒྲ་དང་། སྡིགས་མཛུབ་ཁ་ཕྱེ་བ་ཁབ་ཏུ་བྱས་པ་འདི་ནི་གོ་ཆའི་མཚན
199a4 ཉིད་དེ། རྟག་ཏུ་བདག་ཉིད་ལ་རབ་ཏུ་སྦྱར་བར་བྱའོ། །སྡིགས་མཛུབ་གཉིས་ངེས་པར་བཙིར་ནས་གུང་མོ་དཀྲིས་ཏེ་ཁབ་ཀྱི་རྣམ་པས་བསྡིགས་པ་འདི་ནི་གཙུག་ཕུད་ཀྱི་ཕྱག་རྒྱའི་མཚན་མ་སྟེ། བདག་ཉིད་ཀྱི་གཙུག་ཕུད་བཅིངས་པའི་དུས་སུ་རབ་ཏུ་སྦྱར་བར་བྱའོ། །སླར་ཡང་ཁུ་ཚུར་བཅིངས
199a5 ནས། སྡིགས་མཛུབ་ཁ་ཕྱེ་བ་ཁབ་ཀྱི་རྣམ་པ་སྟེ། འདི་ནི་བཟླས་པའི་ཕྱག་རྒྱའི་མཚན་ཉིད་དོ། །དེ་ལྟ་བུ་ཁོ་ན་ཡོངས་སུ་གྱུར་པས་སྡིགས་མཛུབ་ཁབ་ཀྱི་རྣམ་པས་ར་བའི་ཕྱག་རྒྱ་བྱའོ། །ཁུ་ཚུར་བཅིངས་ནས་སྡིགས་མཛུབ་གཉིས་ལྕགས་སྒྲོག་གི་རྣམ་པ་སྟེ། མཚན་མ་འདི་ནི་དམ་ཚིག
199a6 སྲུང་བའི་ཕྱག་རྒྱའོ། །རྐང་པ་བསྙམས་པ་ལ་གཡས་པའི་རྐང་པ་རབ་ཏུ་བཞག་ནས་གར་གྱི་སྦྱོར་བས་ཡོངས་སུ་བསྐོར་བར་བྱ་སྟེ། གཞན་དུ་བསྐོར་ནས་ལག་པ་གཉིས་ཀས་རྩ་བའི་ཕྱག་རྒྱའི་ལས་སྦྱར་རོ། །དཔྲལ་བར་ཡང་ལས་ཐམས་ཅད་ཀྱི་དམ་ཚིག་གི་ཕྱག་རྒྱར་འགྱུར་རོ། །དེ་ནས
199a7 ཕྱག་རྒྱ་བཅིང་བ་དང་། བཟླས་པའི་དུས་དང་། ཉལ་བའི་དུས་དང་། རྣམ་པ་གཞན་དུ་ཡང་རབ་ཏུ་སྦྱར་བར་བྱའོ། །གདོན་གྱི་ལས་དང་ལས་ཐམས་ཅད་ལ་རྩ་བའི་ཕྱག་རྒྱ་རབ་ཏུ་སྦྱར་བར་བྱའོ། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་རལ་པ་གྱེན་བརྫེས་ཀྱི
iiif viewer powered by OpenSeadragon
