| e-texts navigator |
| Wylie |
198b1 ཏུ་ཊུ་ཏུ་ཊུ། མུ་ཊུ་མུ་ཊུ་སྭཱ་ཧཱ། སརྦ་དེ་བ་ཨ་ནུཛྙྭཱ་ཏེ་སྭཱ་ཧཱ། སརྦ་ནཱ་གསཾ་རཀྵི་ཏེ་སྭཱ་ཧཱ། ཨོ~ཾ་ནི་རི་ཕཊ། ཧ་ན་ཧ་ན་ཕཊ། ད་ཧ་ད་ཧ་ཕཊ། པ་ཙ་པ་ཙ་ཕཊ། ཡེ་ཥཱཾ་བིདྷྭ་ཥནྟི་བི་ཤ་མ་ཙིཏྟཱ་ཡནྟི། ཧ་ཧ་ནི། ཀ་ཁོ་རྡ་ཀུརྦ་ནྟི་ཀ་ར་ཡནྟི། ཀྲྀ་ཏཉྩ་ཨ་བྷ་ཡཱ་ནུ་མོ་དེ་ནརྠ་བ་ཕཊ་སྭཱ་ཧཱ། ཨགྣིཾ་སྟམྦྷ་ཡཱ་མི་བི་ཥཾ་ཤསྟ་ཨུ་ད་ཀ་ཙཽ་རི་སརྦ
198b2 དུཥྚ་སརྦ་བྱཱ་དྷི་ཏ། ཙན་ཏྲཾ་ཛ་ན་ཡཱ་མི་ཧཱུ~ཾ་ཧཱུ~ཾ་ཕཊ་ཕཊ་སྭཱ་ཧཱ། གཞན་གྱིས་མི་ཐུབ་པའི་འདབ་མས་ཁྲུས་བྱས་ཏེ་རིན་པོ་ཆེའི་ཕྲེང་བས་རྣམ་པར་བརྒྱན་པ་ལས་ཐམས་ཅད་བྱེད་པ་འདི་ནི་རྟག་ཏུ་སྲུང་བར་བྱེད་པའོ། །དེ་བཞིན་ཉིད་དུ་ཡང་གྲོ་གའི་འདབ་མ་ལ་བྲིས་པའམ་གང་དུའམ་དེར་ཡང་རུང་སྟེ་ལ་ལའི
198b3 བགེགས་སྲུང་བ་དང་། བསོད་ནམས་མཆོག་དང་། སྡིག་པ་དང་། དྲི་མ་འཇོམས་པ་དང་། གཡུལ་དུའམ། རྩོད་པའམ། ཐམས་ཅད་དུ་རྒྱལ་བ་སྦྱིན་ཞིང་དགེ་བའོ། །གང་འདི་འཛིན་པ་ལ་རིག་པ་བཞི་པ་བྲིས་པ་དང་། སྐྱེས་པས་རྟག་ཏུ་ཀློག་པ་དེ་ལ་འཇིགས་པ་འབྱུང་བར་མི་འགྱུར་རོ། །ཀློག་པ་དང
198b4 འཛིན་པ་ཐམས་ཅད་རྟག་ཏུ་སྲུང་བར་བྱེད་དོ། །གསང་བ་རྣམས་ཀྱིས་ཡོངས་སུ་སྐྱོང་བར་བྱེད་དོ། །ཆོ་གའི་རྒྱལ་པོ་འདི་རྟག་ཏུ་མཐར་བྱེད་པ་ནི་ཇི་ལྟར་རིན་པོ་ཆེས་སྤྲས་པའི་ཕྲེང་བ་སྟེང་དུ་རྣམ་པར་འབར་བའི་དཔལ་གང་ཡིན་པ་དེ་རིག་པ་འཛིན་པར་བྱེད་དོ། །འདི་ལས་གདོན་དེ་རྣམ་པར
198b5 ཉམས་པར་བྱེད་དོ། །ནད་རྣམས་ཀྱང་མི་འབྱུང་ངོ་། །བུ་ཚ་བོ་རྣམས་ཀྱང་འཕེལ་ལོ། །འཁོར་བཟང་པོ་ཅན་རྣམ་པར་གནས་སོ། །རིག་པ་འདི་ནི་ཐམས་ཅད་ནས་དེ་བཞིན་གཤེགས་པ་རྣམས་ཀྱིས་སེམས་ཅན་ལ་ཕན་པའི་དོན་གྱི་ཆེད་དང་། བྱིས་པ་རྣམས་ཁྱད་པར་དུ་བསྲུང་བར་བྱ་བའི་ཆེད་དོ། །
198b6 ལྷ་དང་། རྒྱལ་པོ་དང་། བྱང་ཆུབ་སེམས་དཔའ་རྣམས་དང་། དེ་བཞིན་དུ་དེ་བཞིན་གཤེགས་པ་དེ་ཡང་ཕྱོགས་བཅུ་རྣམས་སུ་ཀུན་ནས་གཟིགས་པར་མཛད་དོ། །དགེ་བའི་དོན་རྣམ་པར་འཕེལ་བ་དང་། སྡིག་པ་ཐམས་ཅད་ཀུན་ནས་ཟད་པར་འགྲོ་བ་དང་། རྨི་ལམ་ངན་པ་རྣམས་དང་། ཉེས་པར
198b7 བྱས་པ་རྣམས་ལས་ཀྱང་གྲོལ་ཏེ་འདིར་ཐེ་ཚོམ་མེད་དོ། །རལ་པ་གྱེན་བརྫེས་ཀྱི་རྒྱུད་ཕྱི་མའི་གཟུངས་སོ། །དེ་ནས་འདི་ལས་རྒྱུད་འདིར་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་ཕྱག་རྒྱའི་མཚན་ཉིད་གསུངས་སོ། །འདི་ལྟ་སྟེ། གཙུག་ཕུད་དང་། གོ་ཆ་དང་། ར་བ་དང་། སྙིང
iiif viewer powered by OpenSeadragon
