| e-texts navigator |
| Wylie |
197b1 རྒྱལ་བ་ལ་ཤུ་དག་གི་སྦྱིན་སྲེག་གྱིས་ཤིག་།རྒྱལ་བར་འགྱུར་རོ། །ལན་ཚྭ་ལས་བྱུང་བའི་གཟུགས་བརྙན་བྱས་ནས་སྦྱིན་སྲེག་གྱིས་ཤིག་།དབང་དུ་འགྱུར་རོ། །སྦྲུལ་གྱི་མཆེ་བས་ཟིན་པ་ལ་ཡལ་འདབ་ཀྱི་ལས་སོ། །སྦྲུལ་ལས་བྱུང་བའི་ཉི་མ་བདུན་ལ་དབང་དུ་བྱེད་དོ། །འབྱུང་པོ་དང་ཤ་ཟའི་རྒྱས
197b2 བཏབ་པ་ལ་ལན་ཉི་ཤུར་བཟླས་པའི་ཡུངས་ཀར་གྱིས་བསྣུན་པར་བྱས་ཏེ་རང་གི་གནས་སུ་འགྲོའོ། །རྟག་ཏུ་བཟླས་པས་སྐྱེ་བོ་ཐམས་ཅད་དགའ་བར་འགྱུར་རོ། །རྒྱལ་པོའི་ཕོ་བྲང་དུ་འཇུག་པས་ལན་ཉི་ཤུ་རྩ་གཅིག་གདོང་ལ་ཡོངས་སུ་བཟླས་ན་གང་མཐོང་བ་དེ་དབང་དུ་འགྱུར་རོ། །སྦྱིན་སྲེག་གི་ལས
197b3 ཐམས་ཅད་ལ་ཉི་མ་བདུན་དུ་སྦྱིན་སྲེག་བྱའོ། །མདོར་ན་ཉེ་བར་འཚེ་བ་ཐམས་ཅད་འཇོམས་པར་འགྱུར་རོ། །སྣ་མའི་མེ་ཏོག་གི་སྦྱིན་སྲེག་གིས་ལས་ཐམས་ཅད་བྱེད་དོ། །ལས་ཐམས་ཅད་ལ་དང་པོར་གང་བའི་སྲེག་བླུགས་སྦྱིན་སྲེག་གྱིས་ཤིག་།ལས་ཐམས་ཅད་ལ་ཡང་ལས་འདི་ཉིད་གྱིས
197b4 ཤིག་ཅེས་བྱའོ། །གསོ་སྦྱོང་ཅན་གྱིས་བྱ་བའོ། །སེམས་དཔའ་ཐམས་ཅད་ལ་སེམས་ཀྱིས་དམིགས་པས་ས་ལས་བྱུང་བའི་ཀ་པཱ་ལ་དང་། སེལླ་ཀ་ལ་བརྒྱད་བརྒྱར་མངོན་པར་བསྔགས་པར་བྱས་ནས་གཞོན་ནུ་མས་མདུད་པ་བརྒྱད་བརྒྱ་བྱའོ། །དེ་ནས་དེ་དྲིའི་ཆུས་བཀྲུས་ནས་ཤིང་ལ་བཞག་སྟེ།
197b5 དེའི་མགོ་ལ་བཅིང་བར་བྱའོ། །དེ་བཞིན་དུ་མ་ཧེ་རྣམས་དང་། ར་རྣམས་དང་། ཕྱུགས་རྣམས་ལ་ཆོམ་རྐུན་གྱིས་ཉེ་བར་འཚེ་བ་ལ་རྭ་ལ་བཅིང་བར་བྱའོ། །བུམ་པ་ཆུས་གང་བར་བྱས་ནས་གཙང་མས་བརྒྱད་བརྒྱར་མངོན་པར་བསྔགས་པར་བྱས་ཏེ་ནད་པའི་རྐེད་པ་ལ་བཅིང་བར་བྱའོ། །རང་གི་གནས
197b6 སུ་འགྱུར་རོ། །ཁྱིམ་དུ་ཚངས་པའི་སྲིན་པོ་དང་། ཤ་ཟས་ཉེ་བར་འཚེ་བ་རྣམས་ལ་སྦྱིན་སྲེག་གྱིས་ཤིག་།ཇི་ལྟར་ནུས་པའི་གཏོར་མ་བྱའོ། །ཞེས་ཏེ་འདི་ནི་རི་ཁྲོད་ལོ་མ་ཅན་ཞེས་བྱ་བའི་གཟུངས་རལ་པ་གྱེན་བརྫེས་ཀྱི་རྒྱུད་ཕྱི་མ་གསུངས་པ་བྱང་ཆུབ་སེམས་དཔའ་ཡང་དག་པར་བརྗོད་པའི་མདོ་སྡེ་ཡང་ངོ་། །
197b7 སླར་ཡང་དུས་དེའི་ཚེ་སངས་རྒྱས་བཅོམ་ལྡན་འདས་ཐམས་ཅད་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གི་སྤྱི་བོར་ཕྱག་གཡས་པ་རབ་ཏུ་བརྐྱང་ནས་ཉུག་པར་མཛད་དེ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་རིན་ཆེན་ཕྲེང་བཞེས་བྱ་བའི་གཟུངས
iiif viewer powered by OpenSeadragon
