| e-texts navigator |
| Wylie |
196b1 ཀུ་ཤ་ལ་བརྒྱད་བརྒྱར་ཡོངས་སུ་བསྔགས་ནས་མིག་ལ་བྱབ་པར་བྱའོ། །ལོང་བས་ཀྱང་མིག་སོ་སོར་རྙེད་དོ། །ཟླ་བ་དྲུག་གིས་རྟག་ཏུ་དྲན་པར་བྱེད་ན། མིག་ནད་འབྱུང་བར་མི་འགྱུར་རོ། །དེ་ནས་དེ་བཞིན་གཤེགས་པ་ཤཱཀྱ་ཐུབ་པས་བྱང་ཆུབ་སེམས་དཔའ་སྤྱན་རས་གཟིགས
196b2 དབང་ཕྱུག་དང་གྲུ་འཛིན་ན་གནས་པའི་འཁོར་ཆེན་པོ་ལ་ལེགས་པར་གཟིགས་ནས་བྱང་ཆུབ་སེམས་དཔའ་མཐུ་ཆེན་ཐོབ་ལ་བཀའ་སྩལ་པ། རིགས་ཀྱི་བུ་གྲུབ་པའི་གཟུངས་ཀྱི་སྔགས་ཀྱི་ཚིག་འདི་ནི་རྟོག་པའི་རྒྱལ་པོས་རྒྱུད་ཕྱི་མ་འདིར་བརྗོད་པ་སྔོན་གྱི་སངས་རྒྱས་ཀྱིས་གསུངས
196b3 པ་སྟེ། བཅོམ་ལྡན་འདས་མ་འཕགས་མ་སྒྲོལ་མའི་སྒྲུབ་པ་པོས་རྟག་ཏུ་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་ཆོས་གོས་ཀྱི་རྣ་བའམ། གོས་ཀྱི་མཐའ་ལ་མདུད་པ་བྱའོ། །གང་ལ་ལ་ཞིག་བཅོམ་ལྡན
196b4 འདས་མ་སྒྲོལ་མ་སྒྲུབ་པར་བྱེད་པ་དེས་ལན་ཅིག་བརྗོད་ནས་གསུམ་གྱིས་གོས་ལ་བགོས་པས་དགྲ་དབང་དུ་ཉེ་བར་འགྲོ་བར་འདོད་པ་དང་། གདུག་པ་ཐམས་ཅད་རིངས་པར་འདོད་པ་དང་། དངོས་གྲུབ་ཐམས་ཅད་རྟོགས་པར་འདོད་པ་དང་། དོན་ཐམས
196b5 ཅད་ཡོངས་སུ་རྫོགས་པར་བྱེད་པར་འདོད་པ་དང་། རྒྱལ་པོའི་ཕོ་བྲང་དུ་འཇུག་པར་འདོད་པ་དང་། མི་མཛའ་བ་རྣམ་པར་འཇོམས་པར་འདོད་པ་དེ་ཅིའི་རྒྱུ་དང་། དེ་བཞིན་དུ་བྱང་ཆུབ་སེམས་དཔའི་རིགས་ཅན་དོན་ཐམས་ཅད་བྱ་བ་ལ་རབ་ཏུ་འཇུག
196b6 པ་འཛིན་པར་བྱེད་དོ། །དེ་ལ་ཡིད་ལ་གྲུབ་པའི་གཟུངས་ཀྱི་སྔགས་ཀྱི་ཚིག་རྣམས་ནི། ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུད་དྷཱ་ཡ། ན་མཿ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ན་མ
196b7 ཨཱརྱ་མ་ཧཱ་སྠཱ་མ་པྲཔྟཱ་ཡ། བོ་དྷི་སཏྭཱ། བཱ་མ་ནེ་ཏྲཱནྣ་མ་སྱཱ་མི་ཏཱནྣ་མཿ། སྱཱ་མི་བཱ་མ་ནེ། པི་ཤཱ་ཙི་པརྞ་ཤ་ཝ་རི། པརྞ་ཤ་ཝ་རི། པི་ཤཱ་ཙ། བྷ་ག་བ་ཏི། པཱ་ཤ་ཧ་སྟ། པཪྴུ་དྷ་ར་ཎི། ཡཱ་ནི། ཀཱ་ནི། ཚྪ་ཏ། བྷ་ཡ་ནི། ཨུཏྤ་ཏྱནྟེ། ཡཀྵ་ཤྩ། རི་ཏཱ་ཡོ། ཡཱ་ཀཤྩི་ཏ། མ་ཧཱ
iiif viewer powered by OpenSeadragon
