| e-texts navigator |
| Wylie |
193b1 ཏིའི་མེ་ཏོག་གི་སྦྱིན་སྲེག་བྱེད་ན་ལྷ་མོ་ཆུས་བྱུང་དབང་དུ་འགྱུར་རོ། །པྲི་ཡང་ཀུའི་མེ་ཏོག་གི་སྦྱིན་སྲེག་གྱིས་ཤིག་ལྷ་དབང་དུ་འགྱུར་རོ། །སཽ་གནྡྷི་ཀའི་སྦྱིན་སྲེག་བྱེད་ན་གནོད་སྦྱིན་དབང་དུ་འགྱུར་རོ། །ཡུངས་ཀར་དཀར་པོ་ལ་ལན་བདུན་མངོན་པར་བསྔགས་པས
193b2 གང་གི་སྤྱི་བོར་བྱིན་པ་དེ་དབང་དུ་འགྱུར་རོ། །གདོན་གྱིས་ཟིན་པ་དང་། རིམས་ཀྱིས་བཏབ་པ་དང་། སྲིན་པོས་ཟིན་པའི་མདུན་དུ་སྐེ་ཚེ་ལ་ལན་བདུན་མངོན་པར་བསྔགས་པས་སྦྱིན་སྲེག་བྱེད་ཅིང་དེའི་ཐལ་བས་སྣུན་པར་བྱེད་ན་གྲོལ་བར་འགྱུར་རོ། །རྟ
193b3 མགྲིན་རྒྱལ་པོའི་ཆོ་ག་ཞིབ་མོ་འདི་ཡང་རྫོགས་སོ། ། །།འཕགས་པ་སྤྱན་རས་གཟིགས་དབང་ཕྱུག་གི་མཐུ་བསྒྱིངས་པ་འཇིག་རྟེན་དང་འཇིག་རྟེན་ལས་འདས་པ་ཐམས་ཅད་དུ་འགྱུར་བ་དེ་འབྱུང་སྟེ། རིག་པའི་རྒྱལ་པོ་གང་ལ་ཆོ་ག་མེད་པ་དེ
193b4 རྣམས་ཆོ་ག་འདི་ཉིད་ཀྱིས་སྒྲུབ་པ་དང་རྟོག་པའི་རྒྱལ་པོ་དེ་ཉིད་ཀྱིས་ཐམས་ཅད་བྱས་ཏེ་མདོར་ན་མཚམས་མེད་པ་ལྔ་བྱས་པ་ཡང་ལན་གསུམ་གྱིས་འགྲུབ་པར་འགྱུར་རོ། །རིགས་ཀྱི་བུ་གང་དད་པ་དང་ལྡན་པ་སེར་སྣ་མེད་པ་གཡོ་མེད་པ། ཕྲ་མ་མེད་པ།
193b5 རིག་པའི་རྒྱལ་པོ་ལ་གུས་པའི་གང་རྟོག་པ་པ་ལ་མཆོད་པར་བྱེད་པ་དང་། ཀློག་པར་བྱེད་པ་དང་། ཁ་ཏོན་བྱེད་པ་དང་། གཞན་ལ་སྟོད་པར་བྱེད་པ་དང་། སེར་སྣ་མེད་པར་གྱུར་ནས་སྐྱེ་བ་དྲན་པར་འགྱུར་རོ། །དགེ་བའི་བཤེས་གཉེན་གྱིས་ཡོངས
193b6 སུ་ཟིན་པ་དང་། སངས་རྒྱས་དང་། ཆོས་དང་། དགེ་འདུན་ལ་མངོན་པར་དད་པའོ། །རལ་པ་གྱེན་བརྫེས་ཀྱི་རྒྱུད་ཕྱི་མར་རྟ་མགྲིན་རྒྱལ་པོའི་ཆོ་ག་ཞིབ་མོའོ། །སླར་ཡང་དུས་དེ་ནས་ཤར་གྱི་ཕྱོགས་ཀྱི་ཆ་ནས་མངོན་པར་དགའ་བའི་འཇིག་རྟེན
193b7 གྱི་ཁམས་ན་སྒྲོལ་མ་མི་འཁྲུགས་པ་ཞེས་བྱ་བའི་དེ་བཞིན་གཤེགས་པ་གཞལ་བར་བྱ་བ་དང་། བགྲང་བར་བྱ་བའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས། སངས་རྒྱས་ཐམས་ཅད་ཀྱི་ཡུལ་གྱི་རྣམ་པར་འཕྲུལ་པ་བྱིན་གྱིས
iiif viewer powered by OpenSeadragon
