| e-texts navigator |
| Wylie |
193a1 པར་བྱས་ནས་ཇི་སྲིད་དུ་དྲོ་བར་བྱེད་པ་དང་། དུ་བ་འཐུལ་བར་བྱེད་པ་དང་། འབར་བར་བྱེད་པ་དེ་སྲིད་དུ་བཟླས་པར་བྱའོ། །དྲོ་བཞིན་པ་ལ་དབང་དུ་བྱེད་དོ། །མི་སྣང་བར་འགྱུར་རོ། །དུ་བ་འཐུལ་བཞིན་པ་ལ་རིག་པ་འཛིན་པ་གཞོན་ནུའི་མཆོག་གཅིག་གོ། །
193a2 འབར་བར་བྱེད་པ་ནི་རིག་པ་འཛིན་པ་དྲུག་དང་ལྷན་ཅིག་འགྲོ་སྟེ། རིག་པ་འཛིན་པའི་བུ་མོ་རྣམས་ཀྱིས་ཡོངས་སུ་བསྐོར་ནས་ལྷུན་པོའི་རྩེ་མོར་རྩེ་བར་བྱེད་དགའ་བར་བྱེད་དགའ་མགུར་ཡོངས་སུ་སྤྱོད་པར་བྱེད་དོ། །ལོ་སྟོང་ཕྲག་ལྔར་འཚོ་བར་བྱེད་དོ། །གང་གི་ཚེ་འཆི་བ་དེའི
193a3 ཚེ་ནོར་ཆེན་པོ་རྣམས་སུ་སྐྱེ་བར་འགྱུར་རོ། །སྐྱེ་བ་དྲན་པར་ཡང་འགྱུར་རོ། །འདི་ཉིད་ཀྱིས་མིག་སྨན་ལྡོང་རོས་སྒྲུབ་པར་བྱེད་དོ། །དཀར་པོའི་བཅོ་ལྔ་ལ་དཔའ་བོའི་རིན་གྱིས་ཉོས་པའི་གི་ཝང་བླངས་ནས་མཚན་མོ་གཅིག་ཏུ་སྨྱུང་བར་གནས་པས་ཉི་མ་གུང་ལ་བྲམ་ཟེའི་བུ་མོ
193a4 གསོ་སྦྱོང་ཅན་གྱིས་པདྨའི་འདབ་མ་བ་སེར་སྐྱའི་འོ་མས་བཏགས་པར་བྱའོ། །རས་རིས་ལ་མཆོད་པ་རྒྱ་ཆེན་པོ་བྱས་ཏེ་རས་རིས་ཞལ་ནུབ་ཏུ་ཕྱོགས་པར་བཞུགས་ནས་སྲུང་བའི་ཆོ་ག་བྱས་པས་རང་གི་ལྷ་རྣམས་སྤྱན་དྲང་པར་བྱས་ཏེ། མཆོད་ཡོན་དང་གདན་ཕུལ་ནས་པྲི་ཡང
193a5 ཀུའི་མེ་ཏོག་དང་བ་སེར་སྐྱའི་འོ་མས་སྲེག་བླུགས་བདུན་སྦྱིན་སྲེག་གྱིས་ཤིག་ལྷ་རྣམས་ཚིམ་པར་བྱེད་པ་བྱས་ནས་སླར་ཡང་ལྷ་དེ་རྣམས་མདུན་དུ་པདྨ་ཁ་སྦྱོར་དུ་རིལ་བུ་བཅུག་ནས་ཇི་སྲིད་དུ་དུ་བ་འཐུལ་བ་དང་། དྲོ་བར་བྱེད་པ་དང་། འབར་བར་བྱེད་པ་དེ་སྲིད་དུ་བཟླས
193a6 པར་བྱའོ། །དྲོ་བཞིན་པ་ལ་ནི་ཐིག་ལེ་བྱས་པའི་སྐྱེ་བོ་ཐམས་ཅད་དགའ་བར་འགྱུར་རོ། །དུ་བ་འཐུལ་བཞིན་པ་ལ་ནི་མི་སྣང་བར་འགྱུར་རོ། །རབ་ཏུ་འབར་བས་ཐིག་ལེ་བྱས་ནས་རིག་པ་འཛིན་པ་དྲུག་གིས་ཡོངས་སུ་བསྐོར་བའི་རིག་པ་འཛིན་པའི་བུ་མོ་རྣམས་ཀྱིས
193a7 ལྷན་ཅིག་རྩེ་བར་བྱེད་དོ། །གང་གི་ཚེ་འཆི་བ་དེའི་ཚེ་ནོར་ཆེན་པོའི་ཁྱིམ་དུ་སྐྱེ་བར་འགྱུར་རོ། །སྐྱེ་བ་དྲན་པར་ཡང་འགྱུར་རོ། །ཏིལ་གྱི་སྦྱིན་སྲེག་གྱིས་ཤིག་ཀླུ་དབང་དུ་འགྱུར་རོ། །ཉ་དང་ཤའི་སྦྱིན་སྲེག་གྱིས་ཤིག་།དབང་དུ་འགྱུར་རོ། །མཱ་ལ
iiif viewer powered by OpenSeadragon
