| e-texts navigator |
| Wylie |
192b1 པར་བྱའོ། །དེ་ནས་བཏོན་ནས་དྲིའི་ཆུ་ལས་གཞག་པར་བྱའོ། །བཀྲུས་ཏེ་པདྨའི་འདབ་མར་གི་ཝང་གིས་བྱུགས་ལ་གཞག་པར་བྱའོ། །དེ་ནས་རས་རིས་ཞལ་ནུབ་ཏུ་ཕྱོགས་པར་བཞག་ནས་སྲུང་བའི་ཆོ་ག་བྱས་པས་གཏོར་མ་དང་། མར་མེ་དང་། མཆོད་པའི་ཆོ་ག་རྒྱ་ཆེན་པོ
192b2 བྱས་ཏེ། དེ་ནས་རིག་པ་འཛིན་པས་ལག་པ་གཉིས་ཀས་པདྨའི་འདབ་མ་རྣམས་ཀྱི་རིལ་བུ་བརྒྱད་བླངས་ཏེ་པདྨ་ཁ་སྦྱོར་དུ་བཞག་ནས་བ་སེར་སྐྱའི་མར་དེ་ཉིད་མཱ་ལ་ཏིའི་མེ་ཏོག་དང་གཅིག་ཏུ་བྱས་ནས་སྲེག་བླུགས་བདུན་སྦྱིན་སྲེག་བྱའོ། །དེ་ནས་རྩ་བའི་སྔགས་ཀྱིས་རང
192b3 གི་ལྷ་སྤྱན་དྲང་བ་བྱས་ནས་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་ཇི་སྲིད་དུ་དུ་བ་འཐུལ་བར་བྱེད་པ། འབར་བར་བྱེད་པ་དེ་སྲིད་དུ་བཟླས་པར་བྱའོ། །དུ་བ་འཐུལ་བཞིན་པས་མི་སྣང་བ་དང་། དབང་དུ་བྱེད་པ་དང་། ནམ་མཁའ་ལ་འགྲོ་བའི་རིག་པ་འཛིན་པར
192b4 འགྱུར་རོ། །ཉི་མ་འཆར་ཀ་དང་མཚུངས་པའི་འོད་ཀྱིས་རིག་པ་འཛིན་པ་མཚན་ཐམས་ཅད་ཡང་དག་པར་རྫོགས་པ་རིག་པ་འཛིན་པའི་བུ་མོ་རྣམས་ཀྱིས་ལྷན་ཅིག་རྩེ་བར་བྱེད་དགའ་བར་བྱེད་དོ། །ལོ་སྟོང་ཕྲག་ལྔར་འཚོ་བར་བྱེད་དོ། །གང་གི་ཚེ་འཆི་བ་དེའི་ཚེ་རྒྱལ་རིགས་ཀྱི་ཁྱིམ་དུ
192b5 སྐྱེ་བར་འགྱུར་རོ། །སྐྱེ་བ་དྲན་པར་ཡང་འགྱུར་རོ། །འདི་ཉིད་ཀྱིས་པདྨའི་ས་བོན་དང་། པཎྜཱི་ཏ་ཀ་རའི་ས་བོན་དང་། ཏུ་རུཥྐ་དང་། ཨ་ག་རུ་ནག་པོ་དང་། ཙནྡན་དམར་པོ་དང་། སཽ་གནྡྷི་ཀ་དང་། མཱ་ལའི་མེ་ཏོག་དང་། གུར་གུམ་དང་། ལྡོང་རོས་དང་། གི་ཝང་རྣམས་བ་སེར་སྐྱའི
192b6 བ་བྱུང་རྣམས་གཞོན་ནུ་མ་གསོ་སྦྱོང་ཅན་དབང་པོ་མ་ཚང་བ་མ་ཡིན་པས་བཏགས་པར་བྱའོ། །དེ་ནས་རིག་པ་འཛིན་པས་པྲི་ཡང་ཀུའི་ཤིང་བླངས་ནས་ཁང་པ་བརྩེགས་པ་གཙང་མར་ཤིང་བཟོ་བ་གསོ་སྦྱོང་ཅན་བྱང་ཆུབ་ཏུ་སེམས་བསྐྱེད་པ་དབང་པོ་མ་ཚང་བ་མ་ཡིན་པའི་ལག་པས
192b7 ཟ་མ་ཏོག་བྱེད་དུ་གཞུག་གོ། །ཟ་མ་ཏོག་དེར་རིལ་བུ་ཉི་ཤུ་རྩ་གཅིག་བཅུག་ནས་རས་རིས་ཀྱི་སྤྱན་སྔར་མཆོད་པ་རྒྱ་ཆེན་པོ་བྱས་ཏེ་གཏོར་མ་ཡང་ཕུལ་ནས་ཟ་མ་ཏོག་བླངས་ཏེ་གོས་གཙང་མས་གཡོགས་ནས་མཚན་མོ་གསུམ་དུ་སྨྱུང་བར་གནས་པ་རིག་པའི་ལྷ་རྣམས་སྤྱན་དྲང
iiif viewer powered by OpenSeadragon
