| e-texts navigator |
| Wylie |
192a1 དང་། སཽ་གནྡྷི་དང་། གུ་གུལ་བ་སེར་སྐྱའི་མར་དང་ལྷན་ཅིག་ཏུ་བྱས་ནས་སྦྱིན་སྲེག་བྱེད་ན་རིག་པ་ཐམས་ཅད་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། མིའམ་ཅི་དང་། རྐང་གཉིས་དང་། རྐང་བཞི་པ་ཐམས་ཅད་དབང་དུ་བྱེད་དོ། །
192a2 གི་ཝང་ལ་ལན་བདུན་མངོན་པར་བསྔགས་པ་བྱས་ནས་ཐིག་ལེ་བྱས་ཏེ། མཆེ་བས་ཐ་དད་པར་ཟ་བར་བྱེད་པ་དང་། ཐ་སྙད་ལས་རྒྱལ་བར་བྱེད་དོ། །སྔར་བརྗོད་པའི་ཆོ་གས་བ་སེར་སྐྱའི་མར་བླངས་ནས་ལུས་ལ་མངོན་པར་བྱུགས་ཏེ་མེར་རབ་ཏུ་འཇུག་པར་བྱེད་དོ། །སེང་ལྡེང
192a3 ལས་བྱུང་བའི་རྡོ་རྗེ་བླངས་ཏེ། ཧཱུ~ཾ་ཡིག་དང་ལྷན་ཅིག་པས་ཕུག་གི་སྒོར་ལྷ་མ་ཡིན་གྱི་བུ་མོ་བྱུང་བ་དང་། རབ་ཏུ་ཞུགས་པ་འཁོར་ལོའི་འཇིགས་པ་མི་འབྱུང་ངོ་། གལ་ཏེ་འཁོར་ལོ་རབ་ཏུ་འཇུག་པར་བྱེད་ན་དམ་ཚིག་དྲན་པས་ཧཱུ~ཾ་ཡིག་གིས་ཕུང་པོས་འཁོར་ལོ་ཕྱེ་མར་བྱས་པར
192a4 འགྱུར་རོ། །དེ་ནས་རིལ་བུའི་སྒྲུབ་པ་འབྱུང་སྟེ། རིག་པ་འཛིན་པ་རིལ་བུ་སྒྲུབ་པར་བྱེད་པས་ཙནྡན་དམར་པོ་དང་། མེ་ཏོག་ལྔ་པ་དང་། པདྨ་གེ་སར་དང་། འབྲས་སཱ་ལུ་དམར་པོའི་ཕུབ་མ་དང་། ཀཏྣི་ཀའི་མྱུ་གུ་དང་། ཎཱུ་ཀའི་ས་བོན་དང་། འབྲུ་དང་། མ་ཤའི་མྱུ་གུ་དང་།
192a5 རུ་རྟ་དང་། རྒྱ་སྤོས་དང་། ཏུ་རུ་ཥྐའི་ཏིལ་མར་རྣམས་གཅིག་ཏུ་བྱས་ཏེ། ཆ་མཉམ་པ་གཅིག་ཏུ་བྱས་ནས་རྒྱུད་མཚུངས་པའི་བ་སེར་སྐྱའི་འོ་མ་ལ་གསོ་སྦྱོང་ཅན་གྱིས་སེར་སྐྱ་དེ་ལ་རྣམ་པར་དབེན་པར་རྩ་བའི་སྔགས་སུ་བཟླས་ནས་ཁྱིམ་དུ་བཏགས་ཏེ། ལེགས་པར
192a6 བཙགས་པའི་ཆུ་ལ་མངོན་པར་བསྔགས་ནས་ཉི་མ་བདུན་སྤྱད་པར་བྱའོ། །ཁྱིམ་དུ་འམ་རྣམ་པར་དབེན་པའི་ཕྱོགས་སུ་ཡང་རུང་སྟེ། དེ་ནས་སྲུང་བ་བྱས་པའི་བ་ལང་གི་རྫི་དེས་བ་བཞོ་བར་བྱའོ། །དེ་ནས་འོ་མ་དེ་གཙང་མའི་ཕྱོགས་རྣམ་པར་དབེན་པར་བུམ་པ་ལ་བཟླས
192a7 པར་བྱའོ། །དེ་ནས་རིག་པ་འཛིན་པས་བྲམ་ཟེའི་བུ་མོ་ལ་སྲུབ་པར་བྱེད་དུ་གཞུག་གོ། །མར་དེས་རྫས་རྣམས་བཏགས་པ་བྱས་ཏེ་ལྕགས་གསུམ་གྱིས་ཡོངས་སུ་དཀྲིས་པ་བྱས་ནས་དེ་ཡང་བ་སེར་སྐྱའི་བ་བྱུང་ལྔར་རིལ་བུར་མཚན་མོ་གཅིག་ཏུ་བཅུག་ནས་གཞག
iiif viewer powered by OpenSeadragon
