| e-texts navigator |
| Wylie |
191a1 སྦྱིན་སྲེག་གྱིས་ཤིག་། དེ་ནས་རིག་པ་འཛིན་པས་ལྷ་རྣམས་ཚིམ་པར་བྱེད་པ་བྱས་ཀུ་ཤའི་ཁྲེས་ལ་ཉེ་བར་འདུག་པས་སྨོན་ལམ་གདབ་པར་བྱ་སྟེ། ཇི་སྲིད་དུ་ས་རྣམ་པར་འགྱུར་བ་དྲུག་ཏུ་གཡོ་བ་དང་། མར་མེའི་རྩེ་མོ་འཕེལ་བ་དང་། སྤྲིན་ལས་གུ་ལུ་གུ་ལུའི
191a2 སྒྲ་སྒྲོགས་པ་དང་། མེ་ཏོག་གི་ཆར་རབ་ཏུ་འབེབས་པ་དང་། ཙནྡན་གྱི་ཕྱེ་མའི་ཆར་འབེབས་པ་དང་། དྲིལ་བུའི་སྒྲ་ཐོས་པ་དེ་སྲིད་དུ་བཟླས་པར་བྱའོ། །དེ་ནས་རིག་པ་འཛིན་པས་རིངས་པ་རིངས་པར་བཟླས་པར་བྱ་སྟེ། ཇི་སྲིད་དུ་རིག་པའི་རྒྱལ་པོ་བརྩོན་འགྲུས་ཆེན་པོས་ཕ་རོལ་གནོན
191a3 པ་རྟ་མགྲིན་རིག་པ་ཐམས་ཅད་ཀྱིས་སྒྲུབ་པ་ས་ལ་འོང་བ་དེ་སྲིད་དུའོ། །དེ་ནས་སྒྲུབ་པ་པོས་མེ་ཏོག་དཀར་པོ་དང་། དྲིའི་ཆུས་ཡོངས་སུ་བཀང་བའི་སྣོད་ཀྱིས་མཆོད་ཡོན་ཕུལ་ནས་སྨོན་ལམ་གདབ་པོ། །འདི་སྐད་ཅེས་སྨྲས་སོ། །ཁྱོད་ལེགས་པར་འོངས་སོ། །འཕགས་པ་སྤྱན
191a4 རས་གཟིགས་དབང་ཕྱུག་ཕ་རོལ་ཏུ་ཕྱིན་པ་དང་བཅས་པའི་ཆེད་དུ་སླར་ཡང་ལེགས་པར་འོངས་སོ། །རྟ་མགྲིན་འདི་ནི་བརྩོན་འགྲུས་ཆེན་པོ་སྟོབས་དང་ཕ་རོལ་གནོན་པ་རིག་པའི་ཚོགས་ཐམས་ཅད་ཀྱིས་མཆོད་པའོ། །དེ་ནས་རིག་པ་འཛིན་པས་སྤྱན་རས་གཟིགས་དབང་ཕྱུག་ལ་ལན་གསུམ
191a5 བསྐོར་བ་བྱས་ཏེ་པུས་མོ་བཙུགས་ནས་འདི་སྐད་ཅེས་བརྗོད་པར་བྱའོ། །ཁྱོད་ལ་སྣང་བར་གྱུར་པ་གང་ཡིན་པ་དེ་རྣམས་ལྷན་ཅིག་འཚལ་ལོ། །དེ་ནས་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གིས་ཕྱག་གཡས་པ་སྒྲུབ་པ་པོའི་སྤྱི་བོར་ཉུག་པར་མཛད་དེ་འདི་སྐད་ཅེས
191a6 གསུངས་སོ། །སྐྱེས་བུ་དམ་པ་བརྩོན་འགྲུས་ཆེན་པོ་སྟོབས་དང་ཕ་རོལ་གནོན་པ་ཁྱོད་ཀྱིས་གང་བརྩོན་འགྲུས་ཆེན་པོས་ཕ་རོལ་གནོན་པས་རིག་པའི་རྒྱལ་པོ་བསྒྲུབ་པ་ལེགས་སོ་ལེགས་སོ། །ཁྱོད་ཅག་གིས་མངོན་པར་འདོད་པ་སྨྲོས་ཤིག་།མཆོག་སྦྱིན་པར་བྱའོ། །འདི་སྐད་ཅེས
191a7 བརྗོད་པར་བྱ་སྟེ་བཅོམ་ལྡན་འདས་བདེ་བ་ཅན་དུ་འགྲོ་བར་འཚལ་ལོ། །དེ་ནས་བཅོམ་ལྡན་འདས་འཕགས་པ་འོད་དཔག་མེད་དེ་དང་། བྱང་ཆུབ་སེམས་དཔའ་རྣམས་དང་། འཇིག་རྟེན་གྱི་ཁམས་སུའོ། །དེ་ནས་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་ཕྱག་གཡས
iiif viewer powered by OpenSeadragon
