| e-texts navigator |
| Wylie |
190b1 བསྒྱིངས་པ་ཞེས་བྱ་བའི་ལེའུ་རྫོགས་སོ། ། །།དེ་ནས་འོད་དཔག་མེད་མཐོང་བར་འདོད་ན་ཁ་ཚར་མ་བཅད་ཅིང་སྐྲ་དང་བྲལ་བའི་རས་ལ་རི་མོ་མཁན་གསོ་སྦྱོང་ཅན་གྱིས་ཁ་དོག་མ་འདྲེས་པའི་ཚོན་གྱིས་བདེ་བ་ཅན་གྱི་འཇིག་རྟེན་གྱི་ཁམས་སུ་འཕགས་པ་འོད་དཔག་མེད་གསེར
190b2 ལྟར་སེར་པ། པདྨ་ལ་བཞུགས་པ་འདྲིར་གཞུག་པར་བྱའོ། །འོག་ཏུ་ཆོས་ཀྱི་འཁོར་ལོའི་གཞོགས་གཡོན་དུ་རྟ་མགྲིན་རྒྱལ་པོ་ཞལ་རྣམ་པར་འགྱུར་བ་འཇིགས་པར་བྱེད་པ་གསུས་པ་འཕྱང་བ་པདྨ་ལ་བཞུགས་པ་འདྲིར་གཞུག་པ། མེ་དམར་སེར་འབར་བ་འཕྲོ
190b3 བཞིན་པ། རིན་པོ་ཆེའི་ཕྲེང་བའི་མཆོད་ཕྱིར་ཐོགས་པ་ཅན། ལག་འགྲོའི་རྒྱན་གྱིས་བརྒྱན་པ། རལ་པ་འོད་དཔག་མེད་འཛིན་པ། སོར་མོས་ལོག་པར་འདྲེན་པ་ལ་སྡིགས་པར་བྱེད་པ། དེའི་རྒྱབ་ནས་ལོག་པར་འདྲེན་པ་འབྲོས་པར་བྱེད་བཞིན་པའོ། །གཡས
190b4 ཀྱི་གཞོགས་སུ་རྣམ་པར་བརྒྱན་པ་སྦྱངས་པའི་སྣོད་དང་། གོས་དང་ཕྱག་གཡས་པ་སྒྲུབ་པ་པོ་ལ་དབུགས་འབྱིན་པར་མཛད་བཞིན་པའི་འཕགས་པ་སྤྱན་རས་གཟིགས་དབང་ཕྱུག་གསེར་ལྟར་སེར་བ་རལ་པའི་ཅོད་པན་འཆང་བའི་དབུས་སུ་འོད་དཔག་མེད་མགོ་བོས
190b5 འཛིན་པར་བྱེད་པ། ཕ་རོལ་གནོན་པའོ། །འོད་དཔག་མེད་ཀྱི་སྟེང་གི་སྤྲིན་དེ་ལ་སྤྲིན་གསེབ་ནས་གནས་གཙང་མ་མེ་ཏོག་རབ་ཏུ་འཐོར་བཞིན་པ་འདྲིར་གཞུག་པར་བྱའོ། །བཅོམ་ལྡན་འདས་ཀྱི་པདྨ་དེ་ཡང་ཀླུ་གཞོན་ནུ་རྣམས་ཀྱིས་འཛིན་པའོ། །འོག་ཏུ
190b6 ལག་ན་སྤོས་ཕོར་ཐོགས་པའི་སྒྲུབ་པ་པོ་པུས་མོ་གཉིས་བཙུགས་པ་འོད་དཔག་མེད་ལ་རྣམ་པར་ལྟ་བཞིན་པའོ། །རི་མོའི་ལས་ཡོངས་སུ་རྫོགས་པ་དང་། སྒྲུབ་པ་པོས་གཏོར་མ་དང་། མར་མེ་དང་། མཆོད་པ་རྒྱ་ཆེན་པོ་བྱས་ཏེ་ཟླ་བ་ཉ་ལ་མཚན་མོ་གསུམ
190b7 དུ་སྨྱུང་བར་གནས་པས་སྦྱངས་པའི་སྣོད་དང་གོས་འདི་ཉིད་ཀྱིས་རིག་པའི་རྒྱལ་པོ་རྟ་མགྲིན་བཀུག་ནས་མཆོད་ཡོན་ཕུལ་ཏེ་སྒྲུབ་པ་དང་། སླར་ཡང་གཤེགས་སུ་གསོལ་ཏེ་བ་སེར་སྐྱའི་མར་དང་། པདྨའི་ས་བོན་དང་། ནཱ་ག་གེ་སར་རྣམས་གཅིག་ཏུ་བྱས་ནས། ཉི་མ་བདུན་དུ
iiif viewer powered by OpenSeadragon
