| e-texts navigator |
| Wylie |
190a1 སྒྲོལ་མ་དང་། ཁྲོ་གཉེར་ཅན་དང་། གཞན་རིག་པ་ཐམས་ཅད་ཕ་རོལ་གནོན་པ་ཆེན་པོའོ། །རིག་པའི་རྒྱལ་པོ་འདི་ནི་མ་བསྒྲུབས་པ་ཉིད་དུ་ལས་བྱེད་དེ་གཏན་པ་གཅོད་པར་བྱེད་པ་དང་། ཧཱུ~ཾ་ཡིག་གིས་རྒྱ་མཚོ་སྐེམས་པར་བྱེད་པ་དང་། སོར་མོའི་སྡིགས
190a2 མཛུབ་ཀྱིས་ཐམས་ཅད་རེངས་པར་བྱེད་པ་དང་། ཨོ~ཾ་ཡིག་གིས་འགུགས་པར་བྱེད་པ་དང་། ཕཊ་ཡིག་གིས་ལྷུན་པོ་རྣམས་ཡང་རྣམ་པར་འཇོམས་པར་བྱེད་པ་དང་། ཡིད་ཀྱིས་བཟླས་པས་སེམས་ཅན་ཐམས་ཅད་དབང་དུ་བྱེད་པ་དང་། ཨོཾ་ཡིག་གིས་སྤྱན་དྲངས་པ་དང་། ཧཱུ~ཾ
190a3 ཡིག་གིས་གཤེགས་སུ་གསོལ་བ་དང་། ཕཊ་ཡིག་གིས་གསོད་པ་དང་། སྭཱ་ཧཱའི་ཡི་གེས་འཚོ་བར་བྱེད་པ་སྟེ། མདོར་ན་རིག་པ་རྣམས་ཀྱི་ཆོ་ག་ཇི་སྙེད་ཡོད་པ་དེ་ཐམས་ཅད་རིག་པ་འདི་ཉིད་ཀྱིས་འཇིག་རྟེན་ལས་འདས་པ་བསྒྲུབ་པར་བྱའོ། །འདི་ནི་སྔགས
190a4 ཐམས་ཅད་ཀྱི་ཆོ་ག་ཐུན་མོང་བ་སྟེ། གང་ལ་ཆོ་ག་མེད་པ་དང་། སྡིག་པ་བྱེད་པས་ཀྱང་ལན་གསུམ་དུ་བཟླའོ། །རྟ་མགྲིན་རིག་པའི་རྒྱལ་པོ་བརྩོན་འགྲུས་ཆེན་པོ་སངས་རྒྱས་ཐམས་ཅད་ཀྱི་རྗེས་སུ་གནང་བ་སྟོབས་དང་ཕ་རོལ་གནོན་པ་ཆེན་པོ་འདི་ལན་གསུམ་གྱིས་མཚམས
190a5 མེད་པ་བྱེད་པས་ཀྱང་འགྲུབ་པར་བྱེད་དོ། །དད་པས་བྱང་ཆུབ་ཀྱི་སེམས་ཡོངས་སུ་བཟུང་བ་འདོད་པ་ཆེན་པོ་དང་། སྙིང་རྗེའི་བདག་ཉིད་ཅན། སེར་སྣ་མེད་པ་དང་། བྱས་པ་གཟོ་བ་དང་། སངས་རྒྱས་དང་ཆོས་ལ་མངོན་པར་དད་པ་དང་། མ་དང་། ཕ་དང་།
190a6 མ་དང་ཕར་ཤེས་པ་དང་། མྱུར་བ་ཁོ་ནར་བཟོད་པ་དང་། ཚུལ་ཁྲིམས་དང་། སྦྱིན་པ་སྦྱིན་པར་བྱེད་པ་མ་བསྒྲུབས་པར་འགྲུབ་པར་ཡང་བྱེད་དོ། །མདོར་ན་ལས་ཐམས་ཅད་པ་ནི་བརྗོད་ནས་རིག་གཅོད་པར་འདོད་པ་དང་། སེལ་བར་འདོད་པས་འདི་བརྗོད་ནས་ཏེ་འདི་ནི་ལས་ཐམས
190a7 ཅད་པའོ། །འདི་ནི་བྱང་ཆུབ་སེམས་དཔའི་ཏིང་ངེ་འཛིན་གྱི་ཁྱད་པར་གཞན་གྱིས་སྦྱིན་པའི་ཕ་རོལ་ཏུ་ཕྱིན་པ་འདི་ལྟ་སྟེ། རིག་པའི་རྒྱལ་པོ་སེམས་ཅན་ཐམས་ཅད་ཀྱི་བདེ་བ་རྫོགས་པའི་ཆེད་དུ་རྟ་མགྲིན་རྒྱལ་པོའི་མགུལ་དུའོ། །བྱང་ཆུབ་སེམས་དཔའི་མཐུ་རྣམ་པར
iiif viewer powered by OpenSeadragon
