| e-texts navigator |
| Wylie |
18b1 རྣམས་ལ་གཅིག་ཏུ་སྙིང་བརྩེ་བ་ཤིན་ཏུ་སྙིང་བརྩེ་བ་ཅན་སེམས་ཅན་རྣམས་ལ་མི་འཇིགས་པ་རབ་ཏུ་སྩོལ་ཅིག་། ཐུབ་པས་གསུངས་པའི་རིག་པ་སྟོན་ཅིག་།དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ཅུང་ཟད་འཛུམ་པའི་བཞིན་གྱིས
18b2 འཇིག་པར་བྱེད་པའི་མེ་ལྟར་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པར་གྱུར་ཏོ། །སངས་རྒྱས་ཀྱི་ཞིང་རྣམས་ཐམས་ཅད་ཀྱང་དེའི་འོད་ཟེར་གྱིས་ཀུན་ཏུ་སྐུལ་བར་བྱེད་པ་བྱུང་བ་ནི་བྱང་ཆུབ་སེམས་དཔའི་དཔྲལ་བར་སྤྱན་གསུམ་པ་བྱུང་སྟེ། སྤྱན་དེ་ལས་སྣ་ཚོགས་དབང
18b3 དུ་བྱེད་པའི་འོད་ཟེར་བྱུང་བར་གྱུར་ཏོ། །འོད་ཟེར་དེ་རྣམས་ཀྱིས་སངས་རྒྱས་ཀྱི་ཞིང་རྣམས་ཀུན་ཏུ་སྣང་བར་གྱུར་ཏོ། །སངས་རྒྱས་ཀྱི་ཞིང་རྣམས་ཐམས་ཅད་དུ་ཡང་རིགས་ཀྱི་བུ་གང་ཁྱོད་འདི་ལྟ་བུའི་རིག་པ་སྨྲས་པ་ལེགས་སོ་ལེགས་སོ་ཞེས་པའི་ཚིག་ཐོས་སོ། །སངས
18b4 རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཡང་པདྨ་དང་། ཨུཏྤལ་དང་། ཀུ་མུ་ད་དང་། པུཎྜ་རཱི་ཀ་དང་། དྲི་བཟང་ལྡན་པ་དང་། ཀ་ཊོ་ར་དང་། མཉྫུ་ཥ་ཀ་དང་། མཉྫུ་ཥ་ཀ་ཆེན་པོའི་མེ་ཏོག་རྣམས་ཀྱིས་མངོན་པར་གཏོར་བར་གྱུར་ཏོ། །རིགས་ཀྱི་བུ་རིག་པའི་རྒྱལ་པོ
18b5 སྨྲོས་ཤིག་། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སངས་རྒྱས་ཀྱི་བྱིན་གྱིས་རླབས་ཀྱིས་རིག་པ་གསུངས་པ། ན་མཿསརྦ་ཏ་ཐ་ག་ཏེ་བྷྱཿ། ཨརྷ་ཏེ་བྷྱཿ། སམྱ་ཀ་སཾ་བུདྡྷེ་བྷྱཿ། ཨོ~ཾ་བྷ་ཡ་ནཱ་ཤ་ནི་ཏྲཱ་ས་ནི་ཏྲཱ་ས་ཏྲཱ་ས་ཡ། བྷྲྀ
18b6 ཀུ་ཊི། ཏ་ཊི། བཻ་ཏ་ཊི། བཻ་ཏ་ཊི། སྭེ་ཏེ། ཛ་ཊི་ནི་སྭཱ་ཧཱ། རིག་པ་འདི་གསུངས་མ་ཐག་ཏུ་ཡང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་ནུབ་ཕྱོགས་མཐོ་ན་ཤར་ཕྱོགས་དམའ་བ་དང་། ལྷོ་ཕྱོགས་མཐོ་ན་བྱང་ཕྱོགས་དམའ་བ་དང་། བྱང་ཕྱོགས་མཐོ་ན་ལྷོ་ཕྱོགས
18b7 དམའ་བ་དང་། ཤར་ཕྱོགས་མཐོ་ན་ནུབ་ཕྱོགས་དམའ་བར་གྱུར་ཏེ། དེ་ལྟར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པར་འགྱུར་བ་དྲུག་ཏུ་གཡོས་ཏེ་གཞལ་ཡས་ཁང་ན་གནས་པའི་ལྷ་རྣམས་ཀྱང་གདན་ལས་བསྐྱོད། དྲི་ཟ་རྣམས་ཁ་བུབ་ཏུ་གྱུར། ལྷ་མ་ཡིན་རྣམས
iiif viewer powered by OpenSeadragon
