| e-texts navigator |
| Wylie |
18a1 དཔའ་ཆེན་པོ་རིན་ཆེན་འབྱུང་གནས་ལ་བཀའ་སྩལ་པ། རིགས་ཀྱི་བུ་འདི་ནི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་སེམས་ཅན་རྣམས་ཀྱི་དོན་དང་ཕན་པ་དང་བདེ་བའི་ཆེད་དང་ལྷ་དང་མི་རྣམས་ཀྱང་རྗེས་སུ་གཟུང་བའི་ཆེད་དང་། སེམས་ཅན་ཐམས་ཅད་ཀྱི
18a2 ཆེད་དུ་སེམས་ཅན་ཐམས་ཅད་ལ་བཤད་པར་བྱའི་མཆོག་ཏུ་ཟུང་ཤིག་། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་འབྱུང་གནས་ཀྱིས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་རིག་པ་མཆོག་ཏུ་བཟུང་བར་གྱུར་ཏོ། །རིགས་ཀྱི་བུ་གང་ཡང་བྱང
18a3 ཆུབ་སེམས་དཔའ་སེམས་དཔའ་ཆེན་པོ་རིན་ཆེན་འབྱུང་གནས་ཞེས་བྱ་བ་དེ་གཞན་མ་ཡིན་ཏེ། དེའི་ཚེ་དེའི་དུས་ན་སངས་རྒྱས་ཀྱི་ཞིང་དེར་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་འདིར་གྱུར་པའོ། །གང་བྱང་ཆུབ་སེམས་དཔའ་སེམས་དཔའ
18a4 ཅ་ཧེན་པོ་རིན་ཆེན་དཔལ་ཞེས་པ་འདི་དེ་བཞིན་གཤེགས་པ་རིན་ཆེན་རབ་སྣང་གི་སངས་རྒྱས་ཀྱི་ཞིང་དུ་ལྷ་མོ་གོས་དཀར་མོ་དང་དེ་བཞིན་གཤེགས་པ་འོད་དཔག་མེད་ཀྱི་སངས་རྒྱས་ཀྱི་ཞིང་བྱས་པའི་གནས་སུ་རིགས་ཀྱི་བུ་རིག་པ་འདི་འགྲོ་བ་དང་འོང་བ་ཉིད་ཀྱང་རིགས་ཀྱི་བུ་རིག་པའི
18a5 རྒྱལ་པོ་སྟོན་པར་བྱེད་དོ། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་འདས་གང་ན་བ་དེར་ཉེ་བར་སོང་སྟེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
18a6 བཅོམ་ལྡན་འདས་བདག་ཕྱག་ན་རྡོ་རྗེ་ལ་དངོས་གྲུབ་ཀྱི་དོན་དུ་རིག་པ་སྦྱིན་པར་བགྱིའོ། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་འདི་སྐད་ཅེས་སྨྲས་སོ། །ཕྱག་ན
18a7 རྡོ་རྗེ་བདག་གིས་ཀྱང་གོས་དཀར་མོའི་སྙིང་པོའི་རིག་པ་སྦྱིན་པར་བགྱིའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་སེམས་ཅན
iiif viewer powered by OpenSeadragon
