| e-texts navigator |
| Wylie |
189b1 མཚོ་ཆེན་པོ་རིག་པའི་རྒྱལ་པོས་མཐོང་ནས་སྐྱེས་བུ་དམ་པ་དེ་ཡང་ཆུ་ཀླུང་ཐམས་ཅད་ཀྱིས་ཡོངས་སུ་བསྐོར་བའི་རིན་པོ་ཆེའི་མཆོད་ཡོན་རབ་ཏུ་སྩོལ་བར་བྱེད་པར་འགྱུར་རོ། །ལེགས་སོ་ཞེས་བྱ་བ་ཡང་གནང་བར་མཛད་དོ། །རིགས་ཀྱི་བུ་ལེགས་སོ་ལེགས་པར་འཚོ་བ
189b2 དང་། གཟི་བརྗིད་དང་ལྡན་པའི་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་གནས་སོ། །དེ་ནས་རྒྱ་མཚོ་ཆེན་པོ་བསྒྲལ་ནས་གྲུ་འཛིན་དུ་སོང་སྟེ། མཐོང་བ་དང་དེར་གང་རིག་པ་འཛིན་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ
189b3 མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་རྣམས་ཐམས་ཅད་མཆོད་ཡོན་གྱིས་སྣོད་ཀྱི་མེ་ཏོག་གི་ཆར་ཆེན་པོས་སྒྲུབ་པ་པོ་ལ་བསུ་བ་ལ་འོང་བར་བྱེད་དོ། །དེ་ནས་གྲུ་འཛིན་མཐོང་ནས་སྣ་ཚོགས་པའི་ནོར་བུ་དང་སྨན་གྱིས་བསྐུས་པ།
189b4 མུ་ཏིག་གི་དོ་ཤལ་རབ་ཏུ་འཕྱང་བཞིན་པ། གསེར་དང་། ཤེལ་ལས་བྱུང་བ་དང་། བཻཎཱུརྱ་ལས་བྱུང་བ་དང་། ཨིནྡྲ་ནཱི་ལ་ལས་བྱུང་བ་དང་། མཐོན་ཀ་ཆེན་པོ་ལས་བྱུང་བའི་ཐེམ་སྐས་དང་། སྣམ་བུ་རྣམས་ཀྱིས་སྣ་ཚོགས་པའི་མེ་ཏོག་ཉེ་བར་མཛེས་པས
189b5 རིག་པའི་རྒྱལ་པོ་དང་། སྒྲུབ་པ་པོ་དེ་ལ་མངོན་པར་དབང་བསྐུར་བ་བྱས་ནས་སྒྲུབ་པ་པོ་ལ་སྨྲས་པ་གནས་འདི་ནི་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གི་གནས་རིན་པོ་ཆེ་སྣ་བཞི་ལས་བྱུང་བ་ཁང་པ་དབུས་མར་ཇི་སྲིད་དུ་བྱང་ཆུབ་ཀྱི་བར་དུ་རང་གི་གནས
189b6 བཞིན་དུ་ཀུན་ཏུ་སྤྱོད་ཅིང་གནས་སོ། །དེ་ནས་རིག་པ་འཛིན་པའི་རྒྱལ་པོ་ལ་མངོན་པར་དབང་བསྐུར་ཏེ་རིག་པའི་རྒྱལ་པོ་རབ་ཏུ་བགྲོད་པར་གྱུར་ཏོ། །འདི་ནི་དངོས་གྲུབ་སྟེ། བཅོམ་ལྡན་འདས་འདིའི་མཐུ་རྣམ་པར་བསྒྱིངས་པས་མཚམས་མེད་པ་བྱེད་པས་ཀྱང་།
189b7 འདི་འགྲུབ་པར་བྱེད་དོ། །རྟ་མགྲིན་རྒྱལ་པོས་རིག་པའི་རྒྱལ་པོ་ཐམས་ཅད་ལ་སྨྲས་པ། བཅོམ་ལྡན་འདས་མ་དང་འཕགས་པ་སྤྱན་རས་གཟིགས་དབང་ཕྱུག་གི་གནས་རིན་པོ་ཆེ་སྣ་བཞི་ལས་བྱུང་བ་དབུས་མའི་ཁང་པར་རང་གི་གནས་བཞིན་དུ་གཞི་ལ་གནས་པའི་རིག་པ
iiif viewer powered by OpenSeadragon
