| e-texts navigator |
| Wylie |
188b1 དྲང་བར་བྱ་སྟེ་མཆོད་ཡོན་དང་གདན་ཕུལ་ནས་སླར་ཡང་བྱབས་ཏེ་བ་སེར་སྐྱའི་མར་ལ་བཏགས་པའི་མཱ་ལ་ཏིའི་མེ་ཏོག་གིས་སྦྱིན་སྲེག་བྱའོ། །ལྷ་རྣམས་ཚིམ་པར་བྱས་ནས་སྲུང་བ་བྱས་པ་ཀུ་ཤའི་ཁྲེས་ལ་ཉེ་བར་འདུག་སྟེ། ང་རྒྱལ་དང་བྲལ་བ་མི་སྨྲ་བས་གཡོ་བཅོམ་སྟེ།
188b2 དྲན་པ་མཆོག་གིས་དམིགས་པར་བྱས་ལ་ཇི་སྲིད་འཕགས་པ་སྤྱན་རས་གཟིགས་དབང་ཕྱུག་རང་ཉིད་ཕ་རོལ་ཏུ་ཕྱིན་པ་ཐམས་ཅད་ཀྱིས་ཡོངས་སུ་བསྐོར་བ་བྱོན་པ་དེ་སྲིད་དུ་བཟླས་པར་བྱའོ། །སེམས་དཔའ་ཆེན་པོ་བྱོན་པ་དང་། ས་གཡོ་བ་དང་། རིའི་རྩེ་མོ་ཉིལ་བ་དང་།
188b3 སེམས་ཅན་ཐམས་ཅད་ཀྱི་ནད་ཐམས་ཅད་རབ་ཏུ་ཞི་བར་བྱེད་པ་དང་། ལྷ་ཐམས་ཅད་མེ་ཏོག་གི་ཆར་རབ་ཏུ་འབེབས་པར་བྱེད་པ་དང་། རིག་པ་འཛིན་པ་ཐམས་ཅད་ཀྱང་ཙནྡན་གྱི་ཕྱེ་མའི་ཆར་འབེབས་པ་དང་། གནས་གཙང་མའི་ལྷ་རྣམས་རིན་པོ་ཆེ་ཆེན་པོའི་ཆར
188b4 རབ་ཏུ་འབེབས་པ་དང་། ལྷ་མ་ཡིན་ཐམས་ཅད་ཨུཏྤ་ལའི་ཆར་རབ་ཏུ་འབེབས་པར་བྱེད་དོ། །དྲག་པོ་ཐམས་ཅད་ཁྲོ་བ་དང་བྲལ་བར་འགྱུར་རོ། །དམྱལ་བ་པ་རྣམས་ཀྱང་སྐད་ཅིག་དེ་ལ་བདེ་བ་སྐྱེས་ཏེ། མཆོག་ཏུ་འཇིགས་པ་སྨྲ་བར་བྱེད་དོ། །དྲི་ཟ་རྣམས་གླུ
188b5 སྙན་པའི་སྒྲ་ཐོས་པར་བྱེད་དོ། །རིག་པ་འཛིན་པ་ཐམས་ཅད་ཀྱང་རང་གི་རིག་པས་ཡོངས་སུ་བསྐོར་ཏེ་ཇི་ལྟར་རྣམ་པར་འཕྲུལ་པའི་བྱང་ཆུབ་སེམས་དཔའི་དྲུང་དུ་ཉེ་བར་འོང་བར་བྱེད་དོ། །ལོག་འདྲེན་ཐམས་ཅད་དང་། བགེགས་ཐམས་ཅད་དང་། སྲིན་པོ་ཐམས
188b6 ཅད་དང་། ཐམས་ཅད་དང་། ཇི་སྲིད་དུ་དྲག་པོ་སྣ་ཚོགས་པ་རྣམས་བྱང་ཆུབ་སེམས་དཔའ་བྱོན་པ་མཐོང་ནས་ཞི་བའི་སེམས་སུ་འགྱུར་རོ། །སྤྲིན་ལས་གུ་ལུ་གུ་ལུའི་སྒྲ་སྒྲོགས་པ་དང་ས་རྣམ་པ་དྲུག་ཏུ་གཡོ་བ་དང་། ཕྱོགས་བཞི་སྐྱོང་བ་རྣམས་བྱང
188b7 ཆུབ་སེམས་དཔའི་དྲུང་དུ་ཉེ་བར་འོང་བར་བྱེད་དོ། །ལོག་པར་འདྲེན་པ་ཐམས་ཅད་དང་བགེགས་ཐམས་ཅད་འོངས་ཏེ་ཕྱོགས་བཞི་རབ་ཏུ་ཞི་བར་འགྱུར་རོ། །རླུང་འགྲོ་བ་དང་། དྲག་པོ་རབ་ཏུ་འགྲོ་བར་བྱེད། དུས་མ་ཡིན་པར་ཤིང་ལ་མེ་ཏོག་ཏུ་འགྱུར་རོ། །འཇིག
iiif viewer powered by OpenSeadragon
