| e-texts navigator |
| Wylie |
188a1 བརྩོན་འགྲུས་ཆེན་པོ་སྐྱེ་བ་དྲན་པའོ། །གནོད་སྦྱིན་མོའི་ལེའུ་རྫོགས་སོ།། །།པདྨའི་མཚོར་སོང་ནས་སྒྲུབ་པ་པོས་དཔལ་མོ་འོངས་ཀྱི་བར་སྦྱིན་སྲེག་བྱའོ། །རུ་རྟ་དང་། རྒྱ་སྤོས་དང་། པདྨའི་ས་བོན་དང་། པདྨའི་གེ་སར་དང་། ཙནྡན་སྦྲང་རྩིས་ལྷན
188a2 ཅིག་བཏགས་པར་བྱའོ། །གང་ལ་བྱིན་པ་དེ་དབང་དུ་འགྱུར་རོ། །རྩ་བའི་སྔགས་ཀྱིས་མེ་ཏོག་གི་ཕྲེང་བ་ལ་ཡོངས་སུ་བཟླས་ཏེ་གང་ལ་བྱིན་པ་དེ་དབང་དུ་འགྱུར་རོ། །དེ་ནས་རྩལ་བྱེད་པར་འདོད་པས་རྟེན་ཅིང་འབྲེལ་པར་འབྱུང་བའི་སྙིང་པོ་ཅན་མཆོད་རྟེན་ཇི་སྲིད་དུ་མཆོད་རྟེན་ཕྱི
188a3 མ་རབ་ཏུ་གཡོ་བ་བྱེད་པ་དེ་སྲིད་དུ་བྱའོ། །དེ་ནས་ལས་ཀྱི་སྒྲིབ་པ་ཟད་པར་བྱས་ནས་མཚམས་མེད་པ་ལྔ་བྱས་པས་ཀྱང་འགྲུབ་པར་འགྱུར་ཏེ། རྣམ་པ་གཞན་དུ་མ་ཡིན་ནོ། །དེ་བཞིན་དུ་བྱང་ཆུབ་སེམས་དཔའི་རྣམ་པར་བསྒྱིངས་པའོ། །དེ་ནས་འཕགས་པ་སྤྱན་རས་གཟིགས
188a4 དབང་ཕྱུག་བསྒྲུབ་པར་འདོད་ན། ཁ་ཚར་མ་བཅད་པའི་རས་སྐྲ་དང་བྲལ་བ་ལ་ཁ་དོག་མ་འདྲེས་པའི་ཚོན་གྱིས་རི་མོ་མཁན་གསོ་སྦྱོང་ཅན་གྱིས་པིར་སར་པས་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གསེར་ལྟར་སེར་བ་རལ་པ་འཕྱང་བ། འོད
188a5 དཔག་མེད་དབུ་ལ་འཛིན་པ་ཕ་རོལ་ཏུ་ཕྱིན་པ་ཐམས་ཅད་ཀྱིས་ཡོངས་སུ་བསྐོར་བ་འདྲིར་གཞུག་པར་བྱའོ། །འོག་ཏུ་སྒྲུབ་པ་པོ་སྤོས་ཕོར་ལག་ན་ཐོགས་པས་པུས་མོ་གཉིས་བཙུགས་པ་བྱང་ཆུབ་ལ་ངེས་པར་རྟོག་བཞིན་པའོ། །དེ་ནས་རིག་པ་འཛིན་པས་དཀར་པོའི
188a6 ཕྱོགས་ཀྱི་ཚེས་གཅིག་ནས་བརྩམས་ཏེ་རས་རིས་ཀྱི་སྤྱན་སྔར་ཉི་མ་རེ་རེ་ཞིང་རྒྱུན་མི་འཆད་པའི་མཆོད་པ་དང་། གཏོར་མ་དང་། མར་མེ་ཡང་ཇི་སྲིད་དུ་ཟླ་བ་ཉ་བའི་བར་དུ་བྱའོ། །ཟླ་བ་ཉ་ལ་མཆོད་པ་རྒྱ་ཆེན་པོ་དང་། གཏོར་མ་དང་། མར་མེ་ཡང་བྱས་ནས་སྨོན་ལམ་བཏབ
188a7 པར་ཡང་བྱ་སྟེ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱ་བ་བྱས་ནས་མཱ་ལ་ཏིའི་མེ་ཏོག་གིས་ཡོངས་སུ་བཀང་བའི་དྲིའི་ཆུའི་སྣོད་ལག་པ་གཉིས་ཀས་བླངས་ནས་པུས་མོ་གཉིས་བཙུགས་ཏེ་རྩ་བའི་སྔགས་ལན་བདུན་བརྗོད་ནས་རང་གི་ལྷ་རྣམས་སྤྱན
iiif viewer powered by OpenSeadragon
